រដ្ឋមន្ត្រីសង្ឃឹមថាការប្រឡងបាក់ឌុបឆ្នាំនេះប្រសើរឡើង

រដ្ឋមន្ត្រីក្រសួងអប់រំយុវជននិងកីឡា លោក ហង់ ជួនណារ៉ុន ផ្ដល់បទសម្ភាសន៍ដល់អ្នកសារព័ត៌មានកាលពីពេលកន្លងទៅ។ (វីអូឌី)

រដ្ឋមន្ត្រីក្រសួងអប់រំយុវជននិងកីឡាថ្លែងថា ការរៀបចំប្រឡងសិស្សមធ្យមសិក្សាទុតិយភូមិ ឬបាក់ឌុបឆ្នាំនេះមានភាពកាន់តែប្រសើរឡើង ដោយសារដំណើរការប្រឡងមានស្តង់ដារដូចឆ្នាំមុន និងមានការសហការឃ្លាំមើលពីស្ថាប័នដៃគូមួយចំនួនទៀត។

នៅព្រឹកថ្ងៃចន្ទនេះ ជាថ្ងៃទី១នៃការចាប់ផ្តើមប្រឡង​ លោក ហង់ ជួនណារ៉ុន បានចូលរួមក្នុងពិធីបើកវិញ្ញាសានៅវិទ្យាល័យព្រះស៊ីសុវត្ថិរាជធានីភ្នំពេញ​ រួចបន្ត​ត្រួតពិនិត្យមើលដំណើរការប្រឡង​នៅតាមមណ្ឌលផ្សេងៗទៀត។ ​លោកមានប្រសាសន៍ថា ស្តង់ដារនៃការរៀបចំប្រឡងដូចឆ្នាំ មុនៗ គឺបានល្អប្រសើរ ដោយមានការសហការគ្នាជាមួយអង្គភាពប្រឆាំងអំពើពុករលួយ និងសហភាពសហព័ន្ធយុវជនកម្ពុជា។

ប៉ុន្តែ​លោក ហង់ ជួនណារ៉ុន បន្ថែមថា លោកបារម្ភពីបញ្ហាភ្លៀង ហើយបើតាមការព្យាករណ៍អាចភ្លៀងនៅពេលល្ងាច ​ដូច្នេះក្រសួងសម្រួលឲ្យសិស្សអាចមកយឺត៣០នាទីបានក្នុងករណីមានភ្លៀងធំ។

សម័យប្រឡងសញ្ញាប័ត្រមធ្យមសិក្សាទុតិយភូមិឆ្នាំ២០១៧ប្រព្រឹត្តទៅចំនួនពីរថ្ងៃគឺ ថ្ងៃទី២១និង២២ ខែសីហា ឆ្នាំ២០១៧។ ចំនួនសិស្សប្រឡងឆ្នាំនេះជាង១០ម៉ឺននាក់​ កើនជាង១០ ០០០នាក់បើធៀបឆ្នាំមុន​ និងមាន១៧៨មណ្ឌល ក្នុង២៥ខេត្តក្រុង។ ជាមួយគ្នានេះអង្គភាពប្រឆាំងអំពើពុករលួយបានដាក់អ្នកសង្កេតការចំនួន ៤ ៥៨៧នាក់ ហើយចំណែកឯសហភាពសហព័ន្ធយុវជនកម្ពុជា ៥៨៦នាក់ នៅទូទាំងប្រទេស៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ