អូស្ត្រាលី​ថាបំណែក​ថ្មី​មិន​មែន​ជា​បំណែក​យន្តហោះ MH370

(រូបភាពពី AFP)

ក្រុមមន្ត្រីបញ្ជាក់នៅថ្ងៃនេះថាបំណែកមួយបន្ទះដែលគេរកឃើញនៅលើកោះមួយនៅភាគខាងលិចអូស្ត្រាលីនោះមិនមែនជាបំណែកនៃយន្តហោះម៉ាឡេស៊ីបាត់ខ្លួន MH370 នោះឡើយ ខណៈដែលពួកគេអះអាងថាគ្មានផែនការពង្រីកការស្វែងរកយន្តហោះនៅក្រោមទឹកសមុទ្រនោះឡើយ។

ទីភ្នាក់ងារព័ត៌មាន AFP បានផ្សាយថាបំណែកនោះត្រូវបានគេរកឃើញនៅដើមខែនេះនៅក្នុងវាលស្មៅក្រោមទឹកសមុទ្រនិងត្រូវបានគេផ្ទៀងផ្ទាត់នឹងបំណែកយន្តហោះម៉ាឡេស៊ីដែលបាត់ខ្លួន។

ការិយាល័យសុវត្ថិភាពគមនាគមន៍អូស្ត្រាលីបានត្រួតពិនិត្យលើបំណែកនោះ ហើយបដិសេធថាវាមិនមែនជាផ្នែកមួយនៃយន្តហោះម៉ាឡេស៊ីដែលបានបាត់ខ្លួននៅក្នុងខែមីនា ឆ្នាំ២០១៤ ជាមួយមនុស្ស២៣៩នាក់នោះទេ។

ស្ថាប័ននេះបាននិយាយក្នុងសេចក្ដីប្រកាសព័ត៌មានមួយថា ព័ត៌មានដែលទទួលបានពីក្រុមហ៊ុនផលិតយន្តហោះ បញ្ជាក់ថាបំណែកនោះមិនត្រូវគ្នានឹងគ្រឿងបង្គំនៃយន្តហោះផលិតដោយក្រុមហ៊ុន Boeing នោះឡើយ។

ចំណែកបំណែក២បន្ទះទៀតដែលគេរកឃើញនៅម៉ាដាកាស្កានោះកំពុងស្ថិតក្រោមការត្រួតពិនិត្យ។

ជោគវាសនាយន្តហោះម៉ាឡេស៊ីនោះដែលត្រូវបានគេសន្និដ្ឋានថាបានធ្លាក់នៅសមុទ្រអំឡុងពេលហោះហើរពីទីក្រុងគួឡាឡុំពួទៅទីក្រុងប៉េកាំងនោះនៅតែបន្តស្ថិតក្នុងភាពអាថ៌កំបាំងនៅឡើយ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ