សារព័ត៌មានរ៉យទ័របានឲ្យដឹងថា មានការផ្ទុះគ្រាប់បែកនៅក្រៅតុលាការក្រុងអាទ៊ែន ប្រទេសក្រិច កាលពីព្រឹកថ្ងៃសុក្រនេះ ដោយបណ្តាលឲ្យបែកកញ្ចក់និងផ្នែកនៃអាគារខ្លះៗ តែមិនមាននរណាម្នាក់របួសក្នុងហេតុការណ៍នោះទេ។
ប្រភពដដែល ក៏បានឲ្យដឹងដែរថា ស្ថាប័នព័ត៌មាន២របស់ក្រិច ត្រូវបានគេជួនដំណឹងអំពីការបំផ្ទុះគ្រាប់បែកកាលពីម៉ោង២:៥០នាទីព្រឹក មុនពេលកើតហេតុ។ ក្រុមប៉ូលិសដែរបានដើរពិនិត្យកន្លែងកើតហេតុ បានរកឃើញកាបូបដាក់គ្រាប់បែកមួយនៅក្រៅអាគារ។
ក្រុមប៉ូលិសក៏បានមើលទៅលើវីដេអូកាំមេរ៉ាសុវត្ថិភាពដែរនៅក្បែរនោះ ដោយបានឃើញមនុស្ស២នាក់បានចាកចេញពីកន្លែងកើតហេតុតាមរយៈរថយន្ត។ គួរបញ្ជាក់ឲ្យដឹងដែរថា មានការវាយប្រហារទ្រង់ទ្រាយតូចទៅលើអាជីវកម្ម អាគាររដ្ឋ ប៉ូលិស និងអ្នកនយោបាយ ដោយសារតែវិបត្តិហិង្សានយោបាយដែរកើតទ្បើងយូរណាស់មកហើយ៕
