មន្ត្រីជាន់ខ្ពស់ EU ព្រមានអង់គ្លេសថាបើចេញហើយមិនអាចចូលវិញទេ

ប្រធានគណៈកម្មាធិការសហភាពអឺរ៉ុប​លោក Jean-Claude Juncker (រូបភាពពី BBC)

មន្ត្រីថ្នាក់ដឹកនាំជាន់ខ្ពស់របស់សហភាពអឺរ៉ុបបានថ្លែងព្រមានថាបើប្រជាពលរដ្ឋអង់គ្លេសសម្រេចចិត្តបោះឆ្នោតចាកចេញពីប្លុកអឺរ៉ុបហើយ នឹងមិនអាចវិលត្រលប់មកចរចាវិញនៅពេលក្រោយបានទេ។

ប្រធានគណៈកម្មាធិការសហភាពអឺរ៉ុបលោក Jean-Claude Juncker ថ្លែងនៅពេលល្ងាចមុនបោះឆ្នោតស្ទង់មតិថា លទ្ធផលចុងក្រោយការចាកចេញគឺចាកចេញ ហើយអង់គ្លេសនឹងមិនអាចមានទំនាក់ទំនងល្អ ជាមួយ EU ដូចការចរចាជាមួយលោក ដេវី កាម៉ារ៉ូន នៅពេលកន្លងទៅនោះទេ។

នៅថ្ងៃទី២៣ខែមិថុនានេះអង់គ្លេសបានបោះឆ្នោតធ្វើប្រជាមតិថា តើពលរដ្ឋចង់ឲ្យប្រទេសរបស់ខ្លួនបន្តនៅក្នុងប្លុកអឺរ៉ុបក្នុងចំណោម២៨ប្រទេសទៀតឬចាកចេញ?

លទ្ធផលនៃការបោះឆ្នោតស្ទង់មតិនេះនិងត្រូវប្រកាសនៅក្រោយការបោះឆ្នោតប្រមាណ២៤ម៉ោង។ មេដឹកនាំអាមេរិក មេដឹកនាំប្រទេសនានាជាសមាជិកសហភាពអឺរ៉ុប រួមទាំងនាយករដ្ឋមន្ត្រីអង់គ្លេស លោក ដេវី កាម៉ារ៉ូន ផងបានអំពាវនាវឲ្យប្រជាពលរដ្ឋអង់គ្លេសបោះឆ្នោតបន្តស្ថិតនៅក្នុងប្លុកអឺរ៉ុបបន្តទៀត៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ