លោក ហ៊ុន សែនបញ្ជាឲ្យដូរឈ្មោះមករមណីយដ្ឋានបូកគោវិញមុនម៉ោង ១១ព្រឹក

លោកនាយករដ្ឋមន្ត្រី ហ៊ុន សែននៅព្រឹកនេះ បានបញ្ជាឲ្យអាជ្ញាធរអន្តរាគមន៍ដូរ ឈ្មោះមករមណីយដ្ឋានបូកគោវិញ បន្ទាប់ពីមានប្រតិកម្មពី​ពលរដ្ឋ​ ទាក់ទងនឹងការដូរឈ្មោះរមណីយដ្ឋានជាតិនោះទៅជារមណីយដ្ឋាន សុខា ឋានសួគ៌។

លោកនាយករដ្ឋមន្ត្រី ហ៊ុន សែននៅព្រឹកនេះ បានបញ្ជាឲ្យអាជ្ញាធរអន្តរាគមន៍ដូរឈ្មោះមករមណីយដ្ឋានបូកគោវិញ បន្ទាប់ពីមានប្រតិកម្មពី​ពលរដ្ឋ​ ទាក់ទងនឹងការដូរឈ្មោះរមណីយដ្ឋានជាតិនោះទៅជារមណីយដ្ឋាន សុខា ឋានសួគ៌។

លោក ហ៊ុន សែន បានសរសេរនៅលើទំព័រហ្វេសប៊ុករបស់ខ្លួននៅព្រឹកថ្ងៃទី ២៣ ខែ កញ្ញានេះថា​លោក​ មិនបានដឹងពីការដូរឈ្មោះរមណីយដ្ឋានជាតិនោះទេ ហើយលោកបានបញ្ជាឲ្យអាជ្ញាធរខេត្តកំពតទៅ​ដកហូត ស្លាក​ឈ្មោះនោះចេញឲ្យបានមុនម៉ោង ១១ ព្រឹកនេះ។

លោក ហ៊ុន សែន លើកឡើងថា៖ «ខ្ញុំបានបញ្ជារអោយអភិបាលខេត្តកំពតទៅដកហូតចេញនូវផ្លាក សញ្ញា​អត់​ច្បាប់ចេញអោយបានមុនម៉ោង ១១ ថ្ងៃនេះ។ តំបន់ប្រវត្តិសាស្ត្រ ត្រូវតែរក្សាឈ្មោះដើមជាដាច់ខាត»។

លោក នាយករដ្ឋមន្ត្រី ហ៊ុន សែន បន្តថា លោកពុំដឹងពីការដូរ​ឈ្មោះរមណីយដ្ឋាន​ភ្នំបូកគោទៅជា​ឈ្មោះ​រមណីយដ្ឋានផ្សេងទេ និងអាជ្ញាធរគ្រប់លំដាប់ថ្នាក់មិនបានដឹង និងមិន​បាន​អនុញ្ញាតដែរ។

រមណីយដ្ឋានឋានសួគ៌បូកគោ ត្រូវបានដូរឈ្មោះទៅជារមណីយដ្ឋាន សុខា ឋានសួគ៌ ចាប់ពីថ្ងៃទី១ខែកញ្ញា ដោយមិនបាន​បញ្ជាក់ពីមូលហេតុនៃការដូរនេះទេ៕

CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។