អតីតនាយករដ្ឋមន្រ្តីអូស្ត្រាលី លោក Tony Abbott បានអំពាវនាវឲ្យមានការដោះលែងអ្នកផលិតភាពយន្តឯកសារជនជាតិអូស្រ្តាលីលោកJames Ricketson។
យោងតាមការចុះផ្សាយរបស់សារព័ត៌មានABCអូស្ត្រាលីលោក Tony Abbott បានចូលរួមជាមួយអ្នកគាំទ្រនិងក្រុមគ្រួសាររបស់លោកJames Ricketson ក្នុងការធ្វើញ្ញត្តិទាមទារតាមអ៊ីធឺណិតឲ្យមានការដោះលែងលោកJames Ricketson ។ លោក Tony Abbott បានសសេរសារនៅលើញ្ញត្តិនោះថាលោកJames Ricketson មិនគួរណាត្រូវបានគេចាប់ខ្លួននិងឃុំឃាំងរយៈពេល១២ខែដោយគ្រាន់តែប្រើដ្រូន (drone) ថតយករូបភាពនៃការប្រមូលផ្តុំនយោបាយនោះទេ។
លោកបានបន្ថែមថា៖«រដ្ឋាភិបាលយើងគួរតែបញ្ជាក់ឲ្យច្បាស់ទៅរដ្ឋាភិបាលកម្ពុជា ថាវាដល់ពេលហើយដែល គាត់គួរតែត្រូវបានដោះលែងដោយឈរលើមូលដ្ឋានមនុស្សធម៌និងអនុញ្ញាតឲ្យគាត់បានត្រលប់ទៅអូស្រ្តាលី វិញ។
លោក James Ricketson ត្រូវបានអាជ្ញាធរកម្ពុជាចាប់ខ្លួនកាលពីខែមិថុនាឆ្នាំមុន ដោយចោទប្រកាន់ថាលោក បានផ្ដល់ព័ត៌មានសម្ងាត់ទៅឲ្យសម រង្ស៊ី ក្រោយពេលដែលបានប្រើដ្រូន (drone) ថតយករូបភាពនៃការ ប្រមូលផ្ដុំក្រុមអ្នកគាំទ្រអតីតគណបក្សសង្រ្គោះជាតិកាលពីការឃោសនាឃុំសង្កាត់ឆ្នាំមុន។