ក្រុមមន្ត្រីជាន់ខ្ពស់គណបក្សប្រឆាំង គ្រោងធ្វើដំណើរទៅប្រទេសហ្វីលីពីននៅសប្ដាហ៍ក្រោយ ដើម្បីជួបប្រជុំជាមួយមេដឹកនាំរបស់ពួកគេ ដែលបាននិរទេសខ្លួនឯង ខណៈដែលនយោបាយកម្ពុជាកំពុងឡើងកម្ដៅ។
ថ្លែងទៅកាន់អ្នកគាំទ្រនៅទីស្នាក់ការគណបក្សនៅសង្កាត់ចាក់អង្រែលើនៅថ្ងៃនេះ លោក អ៊ូ ច័ន្ទឫទ្ធិ ប្រធានគណៈកម្មាធិការវិន័យគណបក្សសង្គ្រោះជាតិ បានមានប្រសាសន៍ថា លោក ប៉ុល ហំម នឹងដឹកនាំក្រុមមន្ត្រីជាន់ខ្ពស់គណបក្ស ទៅជួបលោក សម រង្ស៊ី នៅប្រទេសហ្វីលីពីន នៅសប្ដាហ៍ក្រោយ។
លោក អ៊ូ ច័ន្ទឫទ្ធិ ថាលោក សម រង្ស៊ី នឹងមកធ្វើការងារទូតនៅក្នុងតំបន់អាស៊ីនៅសប្ដាហ៍ក្រោយ បន្ទាប់ពីនិរទេសខ្លួនអស់ជាច្រើនខែ។
លោក សម រង្ស៊ី បាននិរទេសខ្លួនឯងនៅឯបរទេស ដើម្បីគេចពីការតាមចាប់ខ្លួនរបស់សមត្ថកិច្ច ចាប់តាំងពីខែវិច្ឆិកា ឆ្នាំមុន៕