ក្រសួងទេសចរកម្ពុជា បានប្រកាសថា ខេត្តសៀមរាប នឹងធ្វើជាម្ចាស់ផ្ទះនៃព្រឹត្តិការណ៍សម្ដែងសិល្បៈរួមគ្នាអាស៊ាន-ចិន នៅចុងខែធ្នូនេះ។
ក្នុងសេចក្ដីប្រកាសព័ត៌មាននៅក្នុងសប្ដាហ៍នេះ ក្រសួងទេសចរណ៍ បានឲ្យដឹងថា ព្រឹត្តិការណ៍សម្ដែងសិល្បៈរួមអាស៊ាន-ចិន ក្រោមប្រធានបទ “ការតភ្ជាប់ក្នុងភាពចម្រុះគ្នា” នឹងត្រូវរៀបចំធ្វើឡើងនៅថ្ងៃទី២៨ ខែធ្នូនេះ នៅឯបរិវេណប្រាសាទបាយ័ន។
ក្រសួងបញ្ជាក់ថា ព្រឹត្តិការណ៍សិល្បៈនេះ ត្រូវបានគ្រោងរៀបចំឡើងដើម្បីរឹតចំណងមិត្តភាព សាមគ្គីភាព ជំរុញផ្សព្វផ្សាយ ផ្លាស់ប្ដូរវប្បធម៌ និងពង្រឹងទំនាក់ទំនងដៃគូយុទ្ធសាស្ត្រអាស៊ាន-ចិន។
សិល្បករសិល្បការិនីល្បីៗរបស់ប្រទេសចិន និងមកពីបណ្ដាប្រទេសសមាជិកអាស៊ាន ត្រូវបានក្រសួងបញ្ជាក់ថា នឹងចូលរួមក្នុងព្រឹត្តិការណ៍មួយនេះ៕