មេដឹកនាំកូរ៉េខាងជើងលោកគីម ជុងអ៊ុន បានបេ្ដជ្ញាថានឹងកសាងរមនីយដ្ឋានឆ្នេរសមុទ្រលំដាប់ពិភពលោកនៅភាគកើត ប្រទេស។
តាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួរដែលចេញផ្សាយនៅថ្ងៃនេះ លោកគីម ជុងអ៊ុនបង្ហាញពីបំណង និង អំពាវនាវឲ្យមានការសាងសង់រមនីយដ្ឋានឆ្នេរសមុទ្រលំដាប់ពិភពលោកនៅទីក្រុងកំពង់ផែវ៉ុនសានដែលមានទេសភាព ដ៏ស្រស់ស្អាតហើយស្ថិតនៅទល់មុខដែនសមុទ្រជប៉ុន។
ប្រភពដដែលបានដកស្រង់សម្តីរបស់លោកគីម ជុងអ៊ុនទៀតថាវាជាការប្ដេជ្ញាចិត្តរបស់បក្សពលករកូរ៉េក្នុងការបង្កើតតំបន់ទេសចរណ៍នេះឲ្យទាន់សម័យហើយមានលក្ខណៈជាកូរ៉េ។
គណបក្សពលករកូរ៉េ (WPK) បានបេ្ដជ្ញាក្នុងកិច្ចប្រជុំពេញអង្គរបស់់ខ្លួនកាលពីខែមុនថានឹងខិតខំ ព្យាយាមអោយអស់លទ្ធ ភាពធ្វើយ៉ាងណាឲ្យសេដ្ឋកិច្ចខ្លួនមានការរីកចម្រើនដើម្បីលើកកម្ពស់ជីវភាពរបស់ប្រជាជន។
ក្នុងរយៈពេលចុងក្រោយនេះមេដឹកនាំកូរ៉េខាងជើងហាក់បង្ហាញជំហរទន់ភ្លន់ជាងមុនជាមួយសហគមន៍អន្តរជាតិពិសេសជាមួយអាមេរិក បើទោះជាមេដឹកនាំសហរដ្ឋអាមេរិកបានធ្វើព្យុះធ្វើភ្លៀងយ៉ាងណាដោយ ក៏មេដឹកនាំកូរ៉េខាងជើងនៅតែ រក្សាជំហរចង់ឲ្យមានជំនួបរវាងមេដឹកប្រទេសទាំងពីរដដែល។