ប្រធានាធិបតីសហរដ្ឋអាមេរិក ដូណាល់ ត្រាំ បង្ហាញជំហជំនួបរវាងសហរដ្ឋអាមេរិកនិងកូរ៉ខាងជើងនៅសិង្ហបុរីអាចនឹង កើតមានដដែលនៅថ្ងៃទី១២ខែក្រោយនេះ។
លោកត្រាំបានសរសេរនៅលើបណ្ដាញរបស់ខ្លួននៅថ្ងៃទី២៦ខែឧសភានេះថា៖«យើងកំពុងតែជជែកគ្នាប្រកបដោយផ្លែផ្កាជាមួយកូរ៉េខាងជើងពីការធ្វើឲ្យរស់ឡើងវិញនូវជំនួបកំពូល។ ប្រសិនបើមានការជួបគ្នាមែន ជំនួបនេះនឹងធ្វើនៅសឹង្ហបុរីនៅថ្ងៃទី១២ខែមិថុនាដដែល ហើយប្រសិនបើចាំបាច់វាអាចនឹងត្រូវពន្យាពេល។»
លោកត្រាំកាលពីថ្ងៃព្រហស្បតិ៍កន្លងទៅ បានប្រកាសលុបចោលជំនួបជាមួយមេដឹកនាំកូរ៉េខាងជើងដោយដាក់ការស្តីបន្ទោសទៅលើកូរ៉េខាងជើងថាបានចេញសេចក្តីថ្លែងការដែលថាមានលក្ខណៈខឹងសម្បារនិងបង្ហាញពីភាពជាសត្រូវដោយបើកចំហ បន្ទាប់ពីអាមេរិកនិងកូរ៉េខាងត្បួងបានធ្វើសមយុទ្ធរួមគ្នា។
យ៉ាងណាក៏ដោយ ភាគីកូរ៉េខាងជើងនៅតែបង្ហាញជំហរចង់ឲ្យមានជំនួបនេះកើតឡើងគ្រប់ពេលវេលាទាំងអស់ក្រោមទម្រង់បែបណាក៏ដោយ។