អតីតប្រធានផ្នែកសេដ្ឋកិច្ចនៃមូលនិធិរូបិយវត្ថុអន្តរជាតិ (IMF) បញ្ជាក់ថា ការធ្លាក់ចុះនៃអត្រាកំណើតសេដ្ឋកិច្ចរបស់ចិន បានគំរាមកំហែងខ្លាំងក្លាបំផុតទៅដំណើរការនៃសេដ្ឋកិច្ចពិភពលោក។
លោក Ken Rogoff ថ្លែងថាជាក្តីបារម្ភដ៏ធំមួយដែលរារាំងដល់អត្រាកំណើតសេដ្ឋកិច្ចពិភពលោកមិនអាចចំរើនបាន។ អ្នកជំនាញរូបនេះថ្លែងប្រាប់សារព័ត៌មាន BBC ថាអត្រាកំណើនសេដ្ឋកិច្ចរបស់ចិនកំពុងធ្លាក់ចុះច្រើនជាងរបាយការណ៍ដែលប្រកាសជាផ្លូវការ ហើយប្រទេសនេះកំពុងធ្វើកំណែទម្រង់នយោបាយក្នុងទ្រង់ទ្រាយធំមួយ។
លោក Ken Rogoff ថ្លែងថា បើសិនជាយើងចង់មើលផ្នែកមួយនៃពិភពលោកត្រូវមើលបញ្ហាបំណុលរបស់ចិន។
កាលពីសប្តាហ៍មុនក្រុមអ្នកផ្តល់គំនិតលើបញ្ហាពិភពលោកសម្រាប់ធនាគារកណ្តាលបានថ្លែងថា បំណុលរបស់ចិនស្ថិតនៅក្នុងកម្រិត៣០,១% ហើយពួកគេបង្ហាញក្តីបារម្ភថា ការធ្លាក់ចុះនៃកំណើនសេដ្ឋកិច្ចរបស់ចិនគឺមិនមានភាពនឹងនរទេ៕