ក្មេងស្រី៧នាក់ដែលមានអាយុចាប់ពី៦ឆ្នាំដល់១៣ឆ្នាំបានស្លាប់ ដោយសារលិចទូកនៅខេត្តព្រះសីហនុនៅព្រឹកនេះ។នេះបើតាមវេបសាយអគ្គស្នងការនគរបាលជាតិ។
ហេតុការណ៍នោះបានកើតឡើងនៅម៉ោងជាង៩ព្រឹកថ្ងៃ២៨កុម្ភៈ២០១៧នេះ នៅគ្រាដែលក្មេងៗនាំគ្នាជិះទូកលេងក្នុងបឹងព្រែកទប់ ជិតសណ្ឋាគារ៧ជាន់។
បើតាមសេចក្តីរាយការណ៍នានាឲ្យដឹងថា ក្មេងដែលលង់ទឹកទាំងអស់មាន៩នាក់ ប៉ុន្តែត្រូវបានជួយសង្គ្រោះបានពីរនាក់នៅពេលនាំមកដល់មន្ទីរពេទ្យ។
លោក ហ៊ុន សែន កាលពីកន្លងទៅនេះបានបញ្ជាឲ្យបង្កើតឆ្នាំសមុទ្រ បន្ទាប់ពីករណីបុរសម្នាក់លង់ទឹកសមុទ្រស្លាប់ និងម្នាក់ទៀតរងគ្រោះដែលជាកូនប្រុសលោក ហ៊ុន ណេង បងប្រុសលោកនាយករដ្ឋមន្រ្តី។