គណៈរដ្ឋមន្ត្រី​ថៃ​បើក​ផ្លូវ​ការ​ឡើង​សោយ​រាជ្យ​សម្បត្តិ​ក្សត្រ​ថ្មី

គណៈរដ្ឋមន្ត្រីថៃ នៅថ្ងៃនេះ បានបញ្ជូនឈ្មោះរាជទាយាទថៃ មហា វិជ្ជរ៉ាឡុងកន ទៅសភា ដោយបានបើកផ្លូវសម្រាប់ការសោយរាជ្យសម្បត្តិក្សត្រថ្មី ជាង ១ខែក្រោយពីការសោយទីវង្គតរបស់បិតារបស់ទ្រង់។ នេះដោយយោងតាមការផ្សាយរបស់ទីភ្នាក់ងារព័ត៌មាន AFP។

ឧបនាយករដ្ឋមន្ត្រីថៃ លោក ប្រាវីត វង្សសុវណ្ណ បានថ្លែងថា លេខានាយករដ្ឋមន្ត្រី នឹងជូនដំណឹងទៅសភាជាតិ។

យោងតាមនីតិវិធី ប្រធានសភាត្រូវតែយាងរាជទាយាទថៃជាផ្លូវការ ឲ្យឡើងសោយរាជសម្បត្តិ មុននឹងប្រកាសជាព្រះមហាក្សត្រថ្មី ទៅកាន់សាធារណជន។

លោក ប្រាវីត ដែលជាសមាជិកនៃរដ្ឋាភិបាលយោធាថៃ បានបន្ថែមថា៖ “ខ្ញុំរំពឹងថា ប្រធានសភាអាចនឹងទទួលបានលិខិតអនុញ្ញាតពីរាជវាំងនៅថ្ងៃស្អែក ឬថ្ងៃខានស្អែក។ គ្រប់យ៉ាងកំពុងដំណើរការទៅជាជំហ៊ានៗ”។

រាជាទាយាទ ត្រូវបានប្រកាសជាអ្នកស្នងរាជ្យបន្តពីព្រះមហាក្សត្រ ភូមិបុល អាដុលយ៉ាតេជ ដែលបានសោយទីវង្គតកាលពីថ្ងៃទី១៣ ខែតុលាកន្លងមក ក្នុងជន្មាយុ ៨៨ឆ្នាំ។ ការសោយទីវង្គតរបស់ក្សត្រថៃអង្គនេះ បានជំរុញឲ្យពលរដ្ឋថៃកាន់ទុក្ខទូទាំងប្រទេស។

ប៉ុន្តែ ពិធីឡើងសោយរាជ្យសម្បត្តិផ្លូវការ ត្រូវបានរាជទាយាទស្នើសុំពន្យាពេលទៅវិញ ដើម្បីទុក្ខពេលកាន់ទុក្ខជាមួយពលរដ្ឋទូទៅ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ