ប្រជាសហគមន៍ដែលរស់នៅតាមដងទន្លេមេគង្គ បារម្ភថា គម្រោងសាងសង់ទំនប់វារីអគ្គីសនីនានាតាមដងទន្លេមេគង្គ និងជំរុញឲ្យជីវភាពពួកគេធ្កាក់ចុះ បើរដ្ឋាភិបាលមិនពិចារណាដោះស្រាយពីបញ្ហានេះ។
តំណាងបណ្តាញសហគមន៍នេសាទស្រុកសំបូរខេត្តក្រចេះ អ្នកស្រី ជិន សុគន្ធរ សង្កេតឃើញថា ក្រោមគម្រោងសាងសងទំនប់វារីអគ្គិសនីលើដងទន្លេមេគង្គកន្លងមក បានធ្វើឲ្យប៉ះពាល់ដល់ប្រព័ន្ធការពារអេកូឡូ ស៊ីទន្លេ ទឹក និងត្រីផងដែរ។
អ្នកបន្ថែមថា«ប៉ះពាលទី១បញ្ហាទឹក គឺធ្វើឲ្យទឹកមិនមានលំនឹងឃើញថាឡើងៗ ស្រកៗ ទី២វាប៉ះពាល់ដល់ បញ្ហាត្រី គឺត្រីហ្នឹងវាមានពងកូននៅតាមដងទន្លេមេគង្គតាមអន្លុងធំៗខាងលើ អញ្ចឹងបើយើងធ្វើទំនប់វារីអគ្គិសនីនៅតាមដងទន្លេហ្នឹងធ្វើឲ្យបាតបង់នូវផលត្រី ជាពិសេសសត្វផ្សោតជាសត្វកម្រ»។
ចំណែកតំណាងបណ្តាញសគមន៍បឹងទន្លេសាបក្នុងខេត្តពោធិ៍សាត់ លោក ឡុង សូចែត និយាយថា ការសាងសង់សងទំនប់វារីអគ្គិសនីនានាលើដងទន្លេមេគង្គនេះ វាមិនមែនប៉ះពាល់តែត្រីក្នុងទន្លេមេគង្គនោះទេគឺវាប៉ះពាល់ដល់ត្រីក្នុងបឹងទន្លេសាបផងដែរ។
លោកបន្ថែមថា«ប្រជានេសានៅក្នុងបឹងទន្លេសាបក៏រងផលប៉ពាល់ពីការអភិវឌ្ឍន៍នានានៅលើទន្លេមេគង្គផង ដែរ។បើយើងគិតទៅនៅក្នុងប្រទេសកម្ពុជា ពលរដ្ឋយើងអាស្រ័យផង និងពឹងពាក់ទៅលើធនធានធម្មជាតិជា ពិសេសត្រីនៅក្នុងបឹងទន្លេសាបវាផ្តល់ផលប្រយោជន៍ច្រើនណាស់សម្រាប់ប្រទេសយើង ប៉ុន្តែបើសិនអនាគត់ ទៅការអភិវឌ្ឍន៍នៅលើទន្លេមេគង្គហើយធ្វើឲ្យប៉ះពាល់ទៅដល់បឹងទន្លេសាបខ្ញុំជឿថាប្រជាជនកម្ពុជានឹងជួប ការលំបាកហើយ ព្រោះបច្ចុប្បន្នយើងឃើញហើយត្រីធម្មជាតិកំពុងស្ថិតក្នុងស្ថានភាពក្រ»។
សមាជិកសហគមន៍ម្នាក់ទៀតលោក ស្រី លីបិ និយាយថា ក្រៅពីប៉ះពលរដ្ឋទៅដល់ត្រី ទំនប់វារីអគ្គិសនីនេះក៏បង្ករផលប៉ះពាលដល់ការធ្វើកសិកម្មរបស់ប្រជាពលរដ្ឋរស់នៅតាមដងទន្លេមេគង្គនោះផងដែរ ដោយសារការការថយចុះកម្រិតកំពស់ទឹកមិនអាចយកមកស្រោចស្រពដំណាំផ្សេង។
លោកបន្ថែមថា«ជីវភាពដែលនៅខាងក្រោមហ្នឹងឃើញថា ជួបការលំបាកច្រើនជាពិសេសការដាំដុះដំណាំ កសិកម្មផ្សេងៗ មួយទៀតទិន្នផលត្រីក៏ថយចុះដែរ ដូច្នេះយើងខ្ញុំសូមអំពាវនាវទៅគណៈកម្មការទន្លេមេគង្គ ដែលប្រទេសទាំង៤នេះ សូមឲ្យលោកមុននឹងធ្វើការអភិវឌ្ឍន៍ទៅលើដំណើរការណាមួយត្រូវយកកិច្ចការនេះទៅពិភាក្សារនេះឲ្យបានម៉តចត់មុខអនុវត្តផែនគម្រោងនេះ»។
នាយកប្រតិបត្តិវេទិការនៃអង្គការមិនមែនរដ្ឋាភិបាលស្តីពីកម្ពុជា NGOs Forum លោក តឹក វណ្ណារ៉ា មានប្រសាសន៍ថា ការសាងសងទំនប់វារីអគ្គសនីតាមទន្លេមេគង្គនេះមិនមែនប៉ះពាល់តែប្រជាពលរដ្ឋក្នុងប្រទេស កម្ពុជានោះទេ ប៉ុន្តែធ្វើឲ្យប៉ះពាល់ដល់ប្រជាពលរដ្ឋនៅបណ្តាប្រទេសក្នុងតំបន់ទន្លេមេគង្គនោះផងដែរ។
លោកបន្តថា ថ្មីនេះអង្គសង្គមស៊ីវិល នៃបណ្តាប្រទេសនោះទាំងក៏បានពិភាក្សារពីបញ្ហាប៉ះពាល់ទំនប់វារីអគ្គិសនី តាមដងទន្លេមេគង្គនេះដែរ និងដាក់សំណើរទៅទៅគណៈកម្មការទន្លេមេគង្គដែលបើកកិច្ចប្រជុំកំពូលខាងមុខ នេះផងដែរ។
លោកបន្ថែមថា«អង្គការសង្គមស៊ីវិលក្នុងប្រទេសនីមួយៗ ពួកគាត់ក៏សំណូមពរផ្សេងៗគ្នាទៅកាន់កិច្ចប្រជុំនោះកំពូលនោះដែរទាក់ទងជុំវិញការគ្រប់គ្រងធនធានទឹក ការធានានិរន្តរភាពទាក់ទងបរិស្ថាន អេកូឡូ ស៊ី ជីវភាពរបស់ប្រជាពលរដ្ឋ និងប្រព័ន្ធកសិកម្ម រួមទាំងលំហូរនៃទន្លេដែលជាផ្នែកមួយដែលធានានូវនិរន្តរភាព ជីវភាពរស់នៅនិងជីវិតប្រជាជន៦៥លាននាក់ដែលអាស្រ័យផ្ទាល់ពីទន្លេមេគង្គ និង៣រយលាននាក់ពឹងពាក់ ដោយប្រយោល»។
ក្រុមអង្គការសង្គមស៊ីវិល២៦ស្ថាប័នដែលធ្វើការពាក់ព័ន្ធអភិបាលកិច្ចទឹកនឹងដាក់សំណើរមួយទៅគណៈកម្មការទន្លេមេគង្គមានប្រទេស៤ប្រទេស ដែលគ្រោងបើកិច្ចប្រជុំកំពូលលើកទី៣នៅខេត្តសៀមខាងមុខនេះ ដើម្បីឲ្យប្រទេសទាំងនោះពិនិត្យឡើងវិញចំពោះគម្រោងសាងសងទំនប់វារីអគ្គិសនីថ្មីៗបន្ថែមទៀតនេះ។
បើតាមសេចក្តីថ្លៃការរួមរបស់អង្គការសង្គមស៊ីវិល បច្ចុប្បន្នទំនប់វារីអគ្គិសនីដែលបានសាងសងតាមទន្លេមេ គង្គមានចំនួន១១ទំនប់ ដោយក្នុងនោះ៩នៅប្រទេសឡាវ និងចំនូន២នៅប្រទេសកម្ពុជា។
ការសិក្សារដោយវិជ្ជាសាស្រ្តមួយដោយវិទ្យាស្ថានស្រាវាជ្រាវ និងអភិវឌ្ឍន៍នេសាទទឹកសាបឆ្នាំ២០១២បាន ប៉ាន់ប្រមាណថា ទិនផលត្រី និងសត្វនានាដ៏ទៃទៀត បានថយចុះពី១៦% ទៅ ៣០% ឬថយចុះពី ៩ម៉ឺន ៨ពាន់តោន ទៅ១៨ម៉ឺន២ពាន់តោន ប្រសិនបើសំណើរទំនប់ត្រូវបានសាងសង។ ការសិក្សារនេះសម្រាប់តែករណីសំណើរគម្រោងទំនប់វារីអគ្គសនីសំបូរប៉ុណ្ណោះ៕
