តុលាការក្រុង​ឡាអេ​គ្រោង​ចេញ​សាល​ក្រម​វិវាទ​សមុទ្រ​ចិន​ខាង​ត្បូង​នៅខែ​ក្រោយ

(រូបភាពពី Reuters)

តុលាការអន្តរជាតិបានឲ្យដឹងកាលពីថ្ងៃម្សិលមិញថា ខ្លួននឹងចេញសេចក្ដីសម្រេចមួយនៅថ្ងៃទី១២ ខែកក្កដាខាងមុខនេះនៅក្នុងសំណុំរឿងមួយប្ដឹងដោយប្រទេសហ្វីលីពីនប្រឆាំងនឹងការអះអាងជាម្ចាស់របស់ចិនទៅលើដែនទឹកស្ទើរតែទាំងអស់នៅសមុទ្រចិនខាងត្បូង។

សាលក្រមដែលចេញដោយតុលាការមជ្ឈត្តកម្មអចិន្ត្រៃយ៍ ដែលជាតុលាការអន្តរជាតិចំណាស់ជាងគេនៅលើពិភបលោកសម្រាប់ស្វែងរកដំណោះស្រាយរវាងប្រទេសនានាដោយសន្តិវិធីនោះអាចនឹងបង្កឲ្យមានភាពតានតឹងបន្ថែមទៀតទៅលើជម្លោះដែលមានស្រាប់ជុំវិញដែនទឹកនោះ។

ទីភ្នាក់ងារព័ត៌មាន AFP បានរាយការណ៍ថាតុលាការនៅទីក្រុងឡាអេនេះបានប្រកាសថា ខ្លួនបានជូនដំណឹងទៅដល់ភាគីថាតុលាការនឹងចេញសាលក្រមនៅព្រឹកថ្ងៃទី១២ ខែកក្កដាខាងមុខនេះ។

សាលក្រមជាលាយលក្ខណ៍អក្សរដំបូងនឹងត្រូវផ្ញើរទៅភាគីនីមួយៗ ហើយបន្ទាប់មកផ្សព្វផ្សាយដល់អ្នកកាសែត។

ដោយចំណាយពេលដល់ទៅជាង៣ឆ្នាំសម្រាប់សិក្សាលើភស្តុតាងជាង៤ពាន់ទំព័រ ករណីនេះមានលក្ខណៈស្មុគស្មាញខ្លាំង ហើយបានបង្កឲ្យក្រុងប៉េកាំងខឹងសម្បាររួចទៅហើយ។

ចិនបានអះអាងជាម្ចាស់លើដែនទឹកភាគច្រើននៅសមុទ្រចិនខាងត្បូងដោយសម្អាងទៅលើផែនទីនៅអំឡុងទសវត្សរ៍១៩៤០។

ប៉ុន្តែប្រទេសហ្វីលីពីនបានជំទាស់នឹងការអះអាងនេះ ហើយបាននាំករណីនេះទៅតុលាការអន្តរជាតិ បន្ទាប់ពីហត់នឿយទៅនឹងជម្លោះនយោបាយនិងកាទូតជាមួយប្រទេសចិន៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ