រដ្ឋាករទឹកនឹងទូទាត់លុយសងអតិថិជន​វិញចាប់ពីដើមខែកញ្ញា

រដ្ឋាករទឹកស្វយ័តក្រុងភ្នំពេញប្រកាសថា នឹងទូទាត់សាច់ប្រាក់ជូនអតិថិជនវិញ ទូទាំងរាជធានីភ្នំពេញនិងក្រុងតាខ្មៅ ចាប់ពីដើមខែកញ្ញាខាងមុខនេះ។

ក្នុងរយៈពេលនៃការរៀបចំកែសម្រួលទៅកាន់ការគិតថ្លៃទឹកនូវតម្លៃដើមវិញ រដ្ឋាករទឹកស្វយ័តក្រុងភ្នំពេញ ក៏បានចេញសេចក្តីជូនដំណឹងមួយផ្សេងទៀតចុះថ្ងៃទី២៩ ខែសីហា ដែលបានសម្រេចថា នឹងធ្វើការទូទាត់សាច់ប្រាក់លម្អៀងជូនអតិថិជនវិញ ចាប់ពីថ្ងៃទី៤ខែកញ្ញាខាងមុខ។

កាលពីថ្ងៃទី២៨ ខែសីហា លោក ហ៊ុន សែន បានសរសេរនៅលើទំព័រហ្វេសបុករបស់លោក ដោយបានបញ្ជាឲ្យរដ្ឋមន្ត្រីក្រសួងឧស្សាហកម្ម និងសិប្បកម្ម លោក ចម ប្រសិទ្ធ សងប្រាក់ទៅប្រជាពលរដ្ឋវិញ នូវទឹកប្រាក់ដែលបានយកលើសពីពលរដ្ឋ បន្ទាប់ពីលោកទើបតែដឹងថាតម្លៃទឹកនៅទីក្រុងភ្នំពេញ មានការកើនឡើង ដែលធ្វើឲ្យអ្នកប្រើតិច ត្រូវបង់ច្រើនដូចអ្នកប្រើច្រើនដែរ៕

ម៉ាប់ ស៊ុយ Mabsuy168gmail.com

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ