អាជ្ញាធរ​ម៉ាឡេស៊ី​ដោះ​លែង​មេដឹកនាំ​ប្រជាធិបតេយ្យ​នៅ​ក្រៅ​ឃុំ

មេដឹកនាំក្រុមប្រជាធិបតេយ្យ Bersih(រូបភាពពីទីភ្នាក់ងារសារព័ត៌មានReuters)

មេដឹកនាំ​ក្រុម​ប្រជាធិបតេយ្យ Bersih ត្រូវ​បាន​ប៉ូលិស​ម៉ាឡេស៊ី​ដោះ​លែង​ឲ្យ​នៅ​ក្រៅ​ឃុំ​កាល​ពី​ថ្ងៃ​ម្សិល​មិញ បន្ទាប់​ពី​សមត្ថកិច្ច​ឃាត់​ខ្លួន​សាក​សួរ​អស់​រយៈ​ពេល​ជាង ២​ម៉ោង។ នេះ​ដោយ​យោង​តាម​ការ​ចុះ​ផ្សាយ​របស់​ទីភ្នាក់ងារ​ព័ត៌មាន Reuters។

មេដឹកនាំក្រុមប្រជាធិបតេយ្យ Bersih ត្រូវបានប៉ូលិសម៉ាឡេស៊ីដោះលែងឲ្យនៅក្រៅឃុំកាលពីថ្ងៃម្សិលមិញ បន្ទាប់ពីសមត្ថកិច្ចឃាត់ខ្លួនសាកសួរអស់រយៈពេលជាង ២ម៉ោង។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន Reuters។

បើតាម Reuters អ្នកស្រី Maria Chin Abdullah ត្រូវបានប៉ូលិសឃាត់ខ្លួននៅរដ្ឋ Sabah អំឡុងពេលអ្នកស្រីចែកចាយខិតប័ណ្ណនិយាយអំពីបាតុកម្មប្រឆាំងនឹងលោកនាយករដ្ឋមន្ត្រី ណាជីប រ៉ាហ្សាក់ ដែលគ្រោងធ្វើឡើងនៅថ្ងៃទី១៩ ខែវិច្ឆិកាខាងមុខនេះ នៅឯទីក្រុងគួឡាឡំពួ។

Reuters បានផ្សាយបន្តថា ក្រុមអ្នកស្រី Maria Chin Abdullah បានអំពាវនាវទៅលោក ណាជីប ឲ្យលាលែងពីតំណែង ដើម្បីសម្រួលដល់ការស៊ើបអង្កេតលើរឿងអាស្រូវមួយ ពាក់ព័ន្ធនឹងក្រុមហ៊ុនរដ្ឋមួយដែលបង្កើតឡើងដោយលោក ណាជីប។

មនុស្សជាង ២សែននាក់ បានចេញតវ៉ានៅទីក្រុងគួឡាឡំពួ ដើម្បីទាមទារឲ្យលោក ណាជីប លាលែងពីតំណែង កាលពីខែសីហាកន្លងមក៕

CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។