លោកនាយករដ្ឋមន្ត្រី ហ៊ុន សែន បានលើកឡើងថា នឹងផ្តល់មេធាវីស្ម័គ្រចិត្តការពារក្តីជូនស្ត្រី ដែលបម្រើការងារផ្នែកសេវាកម្សាន្តនៅទូទាំងប្រទេស ដើម្បីការពារសិទ្ធិស្ត្រីទាំងនោះតាមផ្លូវច្បាប់ ក្នុងករណីមានការរំលោភសិទ្ធិណាមួយកើតឡើង។
តុលាការបានចេញដីកាបញ្ជាឱ្យជនបង្កគ្រោះថ្នាក់ចរាចរណ៍ចូលបំភ្លឺ ពាក់ព័ន្ធនឹងរឿងបើកបរធ្វេសប្រហែសបណ្ដាលឱ្យរបួស និងមានទារកអាយុ២ខែម្នាក់ស្លាប់ លើស្ពានជ្រោយចង្វារ កាលពីខែធ្នូ ឆ្នាំមុន ប៉ុន្តែជនបង្កមិនបានចូលបំភ្លឺនៅចំពោះមុខតំណាងអយ្យការនោះទេ រហូតមកទល់ពេលនេះ។
អគ្គនាយិកាក្រុមហ៊ុន ហេងអភិវឌ្ឍន៍ គឺលោកស្រី សៀង ចាន់ហេង បានប្រគល់ដីឱ្យឈ្មោះ ហ៊ុន ប៊ុនធឿន ដែលជាប្អូនស្រីរបស់លោកនាយករដ្ឋមន្ត្រី ហ៊ុន សែន វិញ ក្រោយពីមានការសម្របសម្រួល និងដោះស្រាយដោយផ្ទាល់ពីលោក ជា សុផារ៉ា។
សាលាដំបូងខេត្តកំពង់ស្ពឺ បានលើកលែងការចោទប្រកាន់ និងបន្ធូបន្ថយទោសលើអតីតមន្ត្រីយោធាផ្កាយ២ ក្រោយពីអតីតមន្ត្រីយោធារូបនោះត្រូវបានតុលាការចោទប្រកាន់ពីបទចាប់បង្ខាំងដោយខុសច្បាប់ និងប្រើហិង្សាលើស្ត្រីម្នាក់បណ្តាលឱ្យរងបួសធ្ងន់កាលពីដើមឆ្នាំ២០២១។
រដ្ឋបាលខេត្តព្រះសីហនុ ព្រមានឃាត់ទុកជាបណ្តោះអាសន្ន ចំពោះរាល់យានយន្ត ឬរទេះលក់ដូរនៅលើផ្លូវថ្មើរជើង ដែលក្រាលថ្មក្រានីតតាមបណ្តោយឆ្នេរ ឬលើឆ្នេរខ្សាច់ ដើម្បីកុំឱ្យប៉ះពាល់ដល់សណ្តាប់សាធារណៈ។
កម្លាំងកងរាជអាវុធហត្ថខេត្តឧត្តរមានជ័យ បានឃាត់ខ្លួនមនុស្សម្នាក់សួរនាំពាក់ព័ន្ធរឿងក្លែងឯកសណ្ឋានអាវុធហត្ថ និងឯកសារសាធារណៈ រួមទាំងរឹបអូសបានវត្ថុតាងមួយចំនួន ដើម្បីបន្តតាមនីតិវិធីច្បាប់។
ពលរដ្ឋមួយក្រុមដែលរងផលប៉ះពាល់ពីគម្រោងអភិវឌ្ឍន៍ផ្លូវដែក នៅរាជធានីភ្នំពេញ ស្នើជាថ្មីទៀតទៅរដ្ឋបាលរាជធានីភ្នំពេញ ពន្លឿនការដោះស្រាយបញ្ហាដីធ្លីជូនពួកគេឱ្យបានឆាប់ ខណៈពួកគាត់បារម្ភពីការបណ្តេញចេញដោយបង្ខំ និងមិនទទួលបានសំណងសមរម្យ ដោយសារអាជ្ញាធរនៅតែចង្អុលបង្ហាញឱ្យពួកគេទទួលយកដីនៅក្រុមហ៊ុន7NG ស្ថិតនៅខេត្តកណ្ដាល។
រដ្ឋមន្ត្រីក្រសួងមហាផ្ទៃ បញ្ជាទៅអាជ្ញាធរខេត្តសៀមរាប ត្រូវធ្វើការស្រាវជ្រាវ បង្ក្រាប និងចាត់វិធានការច្បាប់ ព្រមទាំងបញ្ជូនជនល្មើសទៅតុលាការឱ្យទាន់ពេលវេលា បើរកឃើញថាមានជាប់ពាក់ព័ន្ធនឹងការបំផ្លិចបំផ្លាញសម្បត្តិបេតិកភណ្ឌជាតិ។
គណបក្សប្រជាធិបតេយ្យមូលដ្ឋាន ដាក់ញត្តិទៅរដ្ឋសភានៅព្រឹកថ្ងៃចន្ទ ស្នើកែប្រព័ន្ធបោះឆ្នោត ដើម្បីឱ្យការបោះឆ្នោតខាងមុខទទួលបានសេរី ត្រឹមត្រូវ និងយុត្តិធម៌ ព្រមទាំងបញ្ចៀសមិនឱ្យមានវិវាទ រួមទាំងវិបត្តិនយោបាយក្រោយការបោះឆ្នោតដូចអាណត្តិមុនៗ។
អ្នកជំនាញដែលធ្វើការលើកកម្ពស់វិស័យសារព័ត៌មាននៅកម្ពុជាយល់ឃើញថា ក្រោយលោកនាយករដ្ឋមន្ត្រី ហ៊ុន សែន បញ្ជាទៅមន្ត្រីក្រោមឱវាទទាំងអស់មិនត្រូវចាត់ទុកអ្នកសារព័ត៌មានជាសត្រូវនោះ កិច្ចសហការរវាងមន្ត្រីរដ្ឋាភិបាលនិងអ្នកកាសែតកាន់តែល្អប្រសើរថែមទៀត ខណៈកន្លងមកអ្នកសារព័ត៌មានវិជ្ជាជីវៈរងនូវការរើសអើង ការគំរាមកំហែង និងការរឹតត្បិតជាបន្តបន្ទាប់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
