ក្រសួងធនធានទឹក និងឧតុនិយម អំពាវនាវដល់ប្រជាពលរដ្ឋឱ្យមានការប្រុងប្រយ័ត្នចំពោះបញ្ហាអាកាសធាតុ ដោយថាកម្ពុជានឹងទទួលរងឥទ្ធិពលពីជ្រលងនៃប្រព័ន្ធសម្ពាធទាប (ITCZ) ហើយបណ្ដារាជធានី-ខេត្តនឹងមានភ្លៀងធ្លាក់ពីកម្រិតខ្សោយទៅមធ្យម លាយឡំដោយផ្គរ រន្ទះ និងខ្យល់កន្រ្តាក់ រយៈពេល៧ថ្ងៃបន្ថែមទៀត។
អ្នកកាន់ជំនឿសាសនាផ្សេងៗគ្នាចំនួន៤នៅកម្ពុជា បង្ហាញឆន្ទៈរួមគ្នាក្នុងការអភិរក្សព្រៃឈើ ដោយមិនប្រកាន់និន្នាការសាសនា ខណៈពួកគេដាំដើមឈើរួមគ្នាចំនួន៦ ៥០០ដើម នៅព្រៃសហគមន៍សង្ឃរុក្ខាវ័ន ខេត្តឧត្ដរមានជ័យ។
គណៈកម្មាធិការជាតិគ្រប់គ្រងគ្រោះមហន្តរាយ បានឱ្យដឹងថា រយៈពេល៦ខែដើមឆ្នាំ២០២២នេះ គ្រោះមហន្តរាយដោយធម្មជាតិទាក់ទងនឹងអាកាសធាតុបណ្ដាលឱ្យមនុស្សចំនួន៣៤នាក់ស្លាប់ និង៥៤នាក់រងរបួសនៅកម្ពុជា។
សហគមន៍ជនជាតិដើមភាគតិចកួយនៅខេត្តព្រះវិហារ ជំរុញទៅអាជ្ញាធរពាក់ព័ន្ធពង្រឹងការអនុវត្តច្បាប់ឱ្យមានតម្លាភាពទៅលើក្រុមជនល្មើស និងឈ្មួញ ដែលគប់គិតគ្នាកាប់បំផ្លាញព្រៃឈើតំបន់អភិរក្ស ស្របពេលពួកគាត់រកឃើញបទល្មើសនៅ «តំបន់ព្រៃព្រះរការ» កើតមានជិត៣០០ករណីបន្ថែមទៀត។
ក្រសួងធនធានទឹក និងឧតុនិយម បានអំពាវនាវដល់ប្រជាពលរដ្ឋឱ្យប្រុងប្រយ័ត្នចំពោះបញ្ហាអាកាសធាតុ ដោយថា កម្ពុជានឹងទទួលរងឥទ្ធិពលពីជ្រលងនៃប្រព័ន្ធសម្ពាធទាប ដែលបណ្ដារាជធានី-ខេត្តនឹងមានភ្លៀងធ្លាក់ពីកម្រិតតិចទៅបង្គួរ លាយឡំដោយផ្គរ រន្ទះ និងខ្យល់កន្រ្តាក់ រយៈពេល៧ថ្ងៃ។
អាជ្ញាធរស្រុកបន្ទាយស្រី អំពាវនាវដល់ពលរដ្ឋនៅក្នុងស្រុកបន្ទាយស្រី ជាពិសេសអ្នករស់នៅតាមបណ្ដោយដងស្ទឹង និងតាមជ្រលងមុខទឹក នៅតាមជើងភ្នំគូលែន ឱ្យបង្កើនការប្រុងប្រយ័ត្នខ្ពស់ចំពោះជំនន់ទឹកភ្លៀង ក្រោយមានភ្លៀងធ្លាក់យ៉ាងជោកជាំអស់រយៈពេលជាច្រើនថ្ងៃមកនេះ។
ប្រជានេសាទនៅសង្កាត់ព្រែកត្នោត ក្រុងបូកគោ ខេត្តកំពត បារម្ភពីការបាត់បង់កន្លែងអាស្រ័យផលសម្រាប់ការនេសាទ ខណៈមានបុគ្គលដែលពួកគាត់មិនស្គាល់អត្តសញ្ញាណបានធ្វើសកម្មភាពចាក់ដីលុបព្រៃកោងកាងក្នុងដែនសហគមន៍។
រាជរដ្ឋាភិបាលបានសម្រេចកាត់ផ្ទៃដីបឹងតាមោក ឬបឹងកប់ស្រូវ ទំហំជាង៦ហិកតា ប្រគល់ឱ្យឈ្មោះ សេង យូអ៊ាន់ ដែលមានតួនាទីជាអគ្គនាយកនៃអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ ធ្វើជាកម្មសិទ្ធិ។
ក្រសួងធនធានទឹក និងឧតុនិយម និងអាជ្ញាធរខេត្តមាត់សមុទ្រចំនួន២ អំពាវនាវដល់ប្រជាពលរដ្ឋបង្កើនការប្រុងប្រយ័ត្ននឹងបញ្ហាអាកាសធាតុ ជាពិសេសពលរដ្ឋរស់នៅភូមិសាស្ត្រខេត្តកោះកុង និងខេត្តព្រះសីហនុ ខណៈកម្ពុជានឹងរងនូវឥទ្ធិពលប្រព័ន្ធសម្ពាធទាប ដែលនឹងធ្វើឱ្យបណ្ដាខេត្តនិងរាជធានី នឹងមានភ្លៀងធ្លាក់ លាយឡំនឹងរន្ទះ និងខ្យល់កន្ត្រាក់ខ្លាំង។
ព្រះមហាក្សត្រខ្មែរ បានអំពាវនាវទៅកាន់ជនរួមជាតិទាំងអស់ ឱ្យជួយទប់ស្កាត់ និងបញ្ឈប់រាល់បទល្មើសការកាប់ឈើ ការកាប់រានដុតឈូសឆាយដីព្រៃ ព្រមទាំងបទល្មើសការចាប់សត្វព្រៃដោយខុសច្បាប់ ហើយត្រូវនាំគ្នាចូលរួមថែរក្សា និងដាំដើមឈើឡើងវិញ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
