អភិបាលកិច្ចល្អ

អាជ្ញាធរខេត្ដព្រះវិហារមិនឲ្យអង្គការសិទ្ធិមនុស្សផ្សព្វផ្សាយច្បាប់ដល់សហគមន៍

សមាគមការពារសិទ្ធិមនុស្សអាដហុកនៅខេត្ដព្រះវិហារឲ្យដឹងថាអាជ្ញាធរស្រុកសង្គមថ្មី​ហាមឃាត់​មន្រ្តីអង្គការនេះមិនឲ្យផ្សព្វផ្សាយច្បាប់​ស្ដីពី​សិទ្ធិ​មនុស្សដល់ប្រជាសហគមន៍ដោយអះអាងថាគ្មានច្បាប់​អនុ​ញ្ញាត​​​ពី​អាជ្ញាធរខេត្ត។

លោក ហ៊ុន សែន បញ្ជា​ឲ្យ​ចាប់ខ្លួន​អ្នកនយោបាយ​ឃោសនា​លុបចោលបំណុល​​ពលរដ្ឋ​ ពេលឈ្នះឆ្នោត

លោកនាយករដ្ឋមន្រ្តី ហ៊ុន សែន នៅថ្ងៃ​ចន្ទនេះ បានបញ្ជា​​ឲ្យ​ចាប់ខ្លួន​អ្នកនយោបាយឬ​តំណាងរាស្រ្ត​ណាមួយ ​ដែល​លោកថាបាន​ឃោសនា​”នយោបាយ​បែប​ប្រជាភិថុតិនិង​បោកប្រាស់” ដោយ​ថា​ខ្លួន​នឹង​សងបំណុល ឬ​លុបចោល​បំណុលទាំងអស់ នៅពេល​ឈ្នះ​ឆ្នោត។​​ក្នុងសន្និសីទជាតិ​ស្តីពីការ​អភិវឌ្ឍ​វិស័យ​មីក្រូហិរញ្ញវត្ថុនៅកម្ពុជា លោក ហ៊ុន សែន មានប្រសាសន៍ថា​ការឃោសនា​បែប​នេះ​នឹង​ធ្វើ​ឲ្យ​ប្រជា​ពលរដ្ឋ​សម្រុកទៅខ្ចីលុយលុយ​​ ហើយ​ជំពាក់​វ័ណ្តក រហូត​ដល់ការរឹបអូសផ្ទះសម្បែងដីធ្លី។​ លោក​ចាត់ទុក​ការឃោសនាបែបនេះ​ជា​ការឃោសនា”ថោកទាប” និង”​បោកប្រាស់ប្រជា​ពលរដ្ឋ”។

នាយករដ្ឋមន្រ្តី​បញ្ជា​កុំឲ្យ​សមត្ថកិច្ច​សហការជាមួយ​ស្ថាប័នហិរញ្ញវត្ថុទៅរឹបអូសផ្ទះសម្បែងដី​ប្រជា​ពលរដ្ឋ​

លោកនាយករដ្ឋមន្រ្តី ហ៊ុន សែន នៅថ្ងៃ​ចន្ទនេះ បានបញ្ជា​ឲ្យ​សមត្ថកិច្ច​ទាំងអស់​កុំសហ​ការ​ជាមួយ​ស្ថាប័នមីក្រូហិរញ្ញវត្ថុមួយចំនួន​ដែល​លោកថា​មានចេតនាមិនល្អ​ឲ្យ​ប្រជា​ពលរដ្ឋ​ទៅខ្ចីប្រាក់​ហើយ​ទៅរឹបអូសផ្ទះ​សម្បែងដីធ្លី​របស់​ប្រជា​ពលរដ្ឋ។​ក្នុងសន្និសីទជាតិ​ស្តីពីការ​អភិវឌ្ឍ​វិស័យ​មីក្រូហិរញ្ញវត្ថុនៅកម្ពុជា លោក ហ៊ុន សែន មានប្រសាសន៍ថា​ស្ថាប័នអង្គការ​សមាគមមិនមែនរដ្ឋាភិបាលមួយចំនួន​បានដើរតួនាទីជាគ្រឹះស្ថានមីក្រូហិរញ្ញវត្ថុឲ្យ​ប្រជា​ពលរដ្ឋ​សងប្រាក់កម្ចីមានលក្ខណៈកេងបន្លំ កេងប្រវ័ញ្ច មាននីតិវិធីនៃការខ្ចីប្រាក់មានភាពធូររលុងនិងឆាប់រហ័ស។

ក្រសួង​ព័ត៌មាន​ចាត់​មន្ត្រី​ជំនាញ​មួយ​នាក់​ចាំ​ទទួល​សំណើ​ពី​ស្ថាប័ន​ពាក់ព័ន្ធ​ដែល​សុំ​ណាត់​ជួប​រដ្ឋមន្ត្រី​

​ ​ក្រសួង​ព័ត៌មាន​ឲ្យដឹងថា ខ្លួន​នឹង​ចាត់​មន្ត្រី​ជំនាញ​មួយ​នាក់​នៅក្នុង​ស្ថាប័ន​នេះ ឲ្យ​ចាំ​ទទួល​សំណើ​ពីមន្ត្រី​នៅអង្គភាព​ចំណុះ​ក្រសួង​ព័ត៌មាន និង​មន្ត្រី​រដ្ឋាភិបាល ដែល​ស្នើ​សុំ​ធ្វើ​កិច្ចប្រជុំ​ផ្សេងៗ​ជាមួយ​រដ្ឋមន្ត្រី ដោយ​អះអាង​ថា ដើម្បី​ធានា​ពី​តម្លាភាព​ក្នុង​កិច្ចការរដ្ឋបាល​ទូទៅ​របស់​ក្រសួង​។​ ​ក្នុង​សេចក្តីជូនដំណឹង​របស់​ក្រសួង​ព័ត៌មាន​ចុះ​កាលពី​ថ្ងៃ​ទី​១១ ខែ​មីនា​នេះ បានឲ្យដឹងថា ថ្នាក់​ដឹកនាំ​ក្រសួង ប្រតិភូ​រាជរដ្ឋាភិបាល អគ្គនាយក អគ្គនាយិកា និង​អង្គភាព​ជំណុះ​ក្រសួងព័ត៌មាន ​ទាំងអស់​ដែល​ដាក់​ស្នើសុំ​កម្មវិធី​ការងារ​ជាមួយ​រដ្ឋមន្ត្រី ដូចជាការស្នើ​សុំ​ណាត់​ជួប​ធ្វើ​កិច្ចប្រជុំ កិច្ច​ពិគ្រោះ​យោបល់ កិច្ចសម្ភាសន៍ ការអញ្ជើញ

រដ្ឋាភិបាលសម្រេចដំឡើងប្រាក់បំណាច់មុខងារដល់យោធិននៃកងយោធពលខេរភូមិន្ទ

ដ្ឋាភិបាលបានសម្រេចដំឡើងប្រាក់បំណាច់មុខងារដល់យោធិននៃកងយោធពលខេរភូមិន្ទ ដោយអះអាងថា ដើម្បីធានាបាននូវប្រសិទ្ធ​ភាពនិងបង្កើនផលិតភាពការងារ ដែល​ការដំឡើងនេះ​នឹងអនុវត្តចាប់ថ្ងៃទី១ ខែមេសា ឆ្នាំ២០១៦។ នេះ​បើ​យោងតាមអនុក្រឹត្យ ចុះថ្ងៃទី៩ ខែមិនា ឆ្នាំ២០១៦ ដោយ​លោកនាយករដ្ឋមន្ត្រី ហ៊ុន សែន រដ្ឋមន្រ្តី​ក្រសួ​ងការពារជាតិ ​ក្រសួងសេដ្ឋកិច្ច និង​ក្រសួង​មុខងារសាធារណៈ។

រដ្ឋមន្រ្តីមហាផ្ទៃបណ្តេញនិង​ដកហូតមុខតំណែង​មន្រ្តីនៃបណ្ឌិត្យសភានគរបាល២២នាក់

មន្រ្តីនគរបាលចំនួន២០នាក់នៃបណ្ឌិត្យសភានគរបាលត្រូវបានរដ្ឋមន្រ្តីក្រសួងមហាផ្ទៃសម្រេចបណ្តេញចេញពីក្របខណ្ឌមន្រ្តីនគរបាលជាតិនិង​២នាក់ទៀត​ត្រូវ​បាន​ដក​ហូត​មុខតំណែអ ដោយសំអាង​ថា​ពួកគេមិនបានមកបំពេញការងារ​និង​អសកម្មនឹង​ការងារ។​នៅ​ក្នុង​ប្រកាសចុះហត្ថលេខាដោយរដ្ឋមន្រ្តីមហាផ្ទៃ លោក ស ខេង នៅថ្ងៃទី២៦ខែកុម្ភៈ ហើយ​វីអូឌី(VOD )ទើប​ទទួល​បាន​ ក្រសួង​មហាផ្ទៃ​បញ្ជាក់ថា​ត្រូវ​បានអនុវត្ត​វិន័យ​ចំពោះ​មន្រ្តី​នគរបាល​២០​នាក់​នៃ​បណ្ឌិត្យ​សភានគរបាល​កម្ពុជា​ ដោយ​ដក​ហូត​តមុខតំណែង ឋានន្តរសក្តិ​​និង​បណ្តេញចេញ​ផុត​ពី​ក្រ​ប​ខណ្ឌ​មន្រ្តី​នគរបាល​ជាតិ។

រដ្ឋាភិបាលសម្រេច​ដំឡើង​ប្រាក់បំណាច់ដល់មន្រ្តីតុលាការ​គ្រប់កម្រិត​​

រដ្ឋាភិបាលបាន​សម្រេចដំឡើង​ប្រាក់បំណាច់​ដល់មន្រ្តីតុលាការ​គ្រប់កម្រិត តាំងពីថ្នាក់​​​ប្រធាន​តុលាការ ចៅក្រមនិង​ព្រះរាជអាជ្ញា ដោ​យ​​អះអាង​ថា​ដើម្បី​ធានានូវ"ប្រសិទ្ធភាព​និងការបង្កើនផលិតភាពក្នុងប្រព័ន្ធយុត្តិធម៌" ដែល​ការដំឡើង​​នេះ​នឹងត្រូវអនុវត្តចាប់ពីថ្ងៃទី១ ​ខែមេសា ឆ្នាំ២០១៦។​ នេះ​បើ​យោ​ង​តាម​អនុក្រឹត្យចុះថ្ងៃទី៩ ខែមិនា ឆ្នាំ២០​១៦ ដោយ​លោកនាយករដ្ឋមន្ត្រី ហ៊ុន សែន រដ្ឋមន្រ្តី​ក្រសួ​ងយុត្តិធម៌ ក្រសួង​មុខងារសាធារណៈនិង​ក្រសួងសេដ្ឋកិច្ច​។

មន្រ្តីរដ្ឋាភិបាល​ថា​ក្រ​សួង​កំពុង​រៀប​ចំផ្ទេរ​ការ​គ្រប់គ្រង​ទៅ​រដ្ឋបាល​ថ្នាក់ក្រោម​ជាតិ

មន្រ្តី​រដ្ឋាភិបាល​ឲ្យដឹង​ថា​ក្រ​សួងមួយចំនួន​កំពុង​រៀប​ចំផ្ទេរការគ្រប់គ្រងរបស់​ខ្លួន​ទៅ​រដ្ឋបាល​ថ្នាក់​ក្រោមជាតិ ដោយ​ថា​​ដើម្បី​ផ្តល់​​សេវាសាធារណៈនិង​អភិវឌ្ឍមូល​ដ្ឋាន​ឲ្យបានកាន់តែប្រ​សើរនិង​ឆ្លើយ​តប​ទៅ​តាម​សេចក្តីត្រូវការ​របស់​ប្រ​ជាពល​រដ្ឋ។ នៅ​ក្នុង​កិច្ច​ប្រ​ជុំ​ប្រ​ចាំឆ្នាំ​របស់​អង្គការគណៈកម្មការសហប្រតិបត្តិការ​ដើម្បី​កម្ពុជា នៅ​ព្រឹកថ្ងៃ​ព្រហស្បតិ៍នេះ អនុរដ្ឋលេខាធិការក្រ​សួង​មហាផ្ទៃនិង​ជា​អនុប្រ​ធាន​ប្រតិបត្តិលេខាធិការដ្ឋានគណៈកម្មកាធិការជាតិសម្រាប់​ការអភិវឌ្ឍតាម​បែបប្រជាធិបតេយ្យនៅថ្នាក់ក្រោម​ជាតិ លោក ង៉ាន់ ចំរើន ថ្លែងថាផែន​ការ​អភិវឌ្ឍន៍​៣ឆ្នាំ​ដំណាក់កាលទី​២​របស់​រដ្ឋា​ភិបាល​ចាប់​អនុវត្តពី​ឆ្នាំ​២០១៥ទៅ​២០១៧។ លោក​បន្តថា​ផែន​ការអភិវ​ឌ្ឍន៍​នេះ​ផ្តោតសំខាន់ទៅ​លើ​ការ​ជំរុញឲ្យមានការផ្ទេរ​ភារកិច្ចមុខងារនិង​ធន​ធាន​ទៅ​កាន់​រដ្ឋបាលថ្នាក់​ក្រោម​ជាតិ។
រដ្ឋមន្រ្តី​ក្រសួងការងារលោក អិុត សំហេង

រដ្ឋាភិបាលថាសេចក្ដីព្រាងច្បាប់ស្ដីពីសហជីពមានការកែប្រែជិត៥០ភាគរយនៃចំណុចវិវាទ

សេចក្ដីព្រាងច្បាប់ស្ដីពីសហជីពដែលមានភាពចម្រោងចម្រាស់​នោះត្រូវបានមន្រ្តីរដ្ឋាភិបាលលើកឡើងថាមានការកែប្រែជិត ៥០ភាគរយនៃចំណុចវិវាទដែលបានលើកឡើងដោយ​ភាគីពាក់​ព័ន្ធ។

រដ្ឋាភិបាលសម្រេច​ដំឡើងប្រាក់ឧបត្ថម្ភដល់រដ្ឋបាលថ្នាក់ក្រោមជាតិ

រដ្ឋាភិបាលសម្រេចដំឡើងប្រាក់ឧបត្ថម្ភ(ប្រាក់ប្រចាំខែ)ដល់សមាជិកក្រុមប្រឹក្សរាជធានី ខេត្ត ក្រុង ស្រុក ខណ្ឌ ឃុំ សង្កាត់​ មន្រ្តីភូមិនិងប្រធានការិយាល័យរបស់រដ្ឋបាលក្រុង ស្រុក ខណ្ឌ ដែលបានបង្កើតការិ​យាល័យ​ច្រកចេញចូលតែមួយ ហើយ​ការអនុវត្ត​នឹង​ចាប់ផ្តើមពីខែមេសា ឆ្នាំ​២០១៦តទៅ។​ អនុក្រឹត្យមួយចុះថ្ងៃទី៩ ខែមិនា លោក ហ៊ុន សែន បានលើកឡើងថាអនុក្រឹត្យនេះកំណត់ជាថ្មីនូវកម្រិតប្រាក់​ឧបត្ថម្ភប្រចាំខែចំពោះសមាជិកក្រុមប្រឹក្សារាជ​ធានី ខេត្ត ក្រុង ស្រុក ខណ្ឌ ឃុំ សង្កាត់​…

នាយករដ្ឋមន្ត្រីថា គ្រូពេទ្យឯកទេសចូលនិវត្តន៍មួយចំនួននឹងត្រូវតែងតាំងជាមន្រ្តីក្របខណ្ឌនយោបាយ

លោកនាយករដ្ឋមន្រ្តី ហ៊ុន សែន នៅព្រឹកថ្ងៃព្រហស្បតិ៍នេះលើកឡើងថា គ្រូពេទ្យឯកទេសដែលចូលនិវត្តន៍មួយចំនួននឹងត្រូវតែងតាំងជាមន្រ្តីក្របខណ្ឌនយោបាយ ដោយលោកថាដើម្បីឲ្យពួកគាត់អាចបន្តការបម្រើការងារនៅតាមមន្ទីរពេទ្យបាន។ ក្នុងពិធីបិទសន្និបាតបូកសរុបការងាររបស់ក្រសួងសុខាភិបាលលើកទី៣៧ លោកនាយករដ្ឋមន្ត្រីមានប្រសាសន៍ថា លក្ខន្តិកៈមន្រ្តីរាជការតម្រូវឲ្យចូលនិវត្តន៍នៅអាយុ៦០ឆ្នាំ តែលោកថា បញ្ហានេះអាចសម្របសម្រួលបានសម្រាប់គ្រូពេទ្យឯកទេសមួយចំនួនដែលត្រូវចូលនិវត្តន៍តាមរយៈការតែងតាំងជាមុខងារនយោបាយ ហើយឲ្យធ្វើការបន្តនៅមន្ទីរពេទ្យ។ លោកមានប្រសាសន៍ថា៖ “ដល់គ្រូពេទ្យដែលចូលនិវត្តន៍ ឯកទេសដែលចូលនិវត្តន៍ ខិតខំយកអ្នកទាំងហ្នឹងតែងតាំងក្នុងមុខងារនយោបាយ ប៉ុន្តែឲ្យទៅបម្រើការងារនៅតាមមន្ទីរពេទ្យ ដូច្នេះយើងមិនខ្សោះឈាម ប្រឹងបណ្តុះបណ្តាលមកមិនបានប៉ុន្មានចូលនិវត្តន៍អស់”។
វេទិកា​កសិករ​​ថ្នាក់ជាតិលើកទី៦

បញ្ហាខ្វះ​ទឹកនិង​ទីផ្សារ​លក់​ផលិតផល​កសិកម្មនៅ​តែ​ជា​បញ្ហា​ប្រឈមចម្បង​សម្រាប់កសិករ​

តំណាង​ប្រជាកសិករលើកឡើង​ថាបញ្ហា​កង្វះ​ទឹកនិង​ទី​ផ្សារ​សម្រាប់​លក់​ផលិត​ផល​កសិកម្ម​នៅ​តែ​ជា​បញ្ហា​ចម្បង​​ដែលពួកគេប្រឈមក្នុងការប្រកបរបរចិញ្ចឹមជីវិតដោយពឹងផ្អែកលើការធ្វើកសិកម្ម។
All articles loaded
No more articles to load