មន្រ្តីអង្គការសង្គមស៊ីវិល និងសហជីព គ្រោងលើក​យក​បញ្ហាសិទ្ធិមនុស្ស និងសិទ្ធិការងារប្រាប់ទៅប្រតិភូ​សហភាព​អឺរ៉ុប ​ដើម្បីសុំអន្តរាគមន៍ពីប្លុក​មួយនេះឲ្យ​ជួយដោះស្រាយ​បញ្ហាសិទ្ធិមនុស្ស និងសិទ្ធិការងារ ដែល​ក្រុម​សង្គម​ស៊ីវិល​ថា នៅពុំមានភាពល្អប្រសើរឡើង​នៅ​ឡើយ។

អង្គការលើកលែងទោសអន្ដរជាតិ (Amnesty International) បានអំពាវនាវឲ្យតុលាការកម្ពុជាទម្លាក់ចោលការចោទប្រកាន់លើអ្នកបកប្រែភាសាឲ្យទូរទស្សន៍រុស្ស៊ី RT លោក រ៉ាត់ រ័ត្នមុនី។

លោក​នាយករដ្ឋ​មន្ត្រី ហ៊ុន សែន អះអាងថា រដ្ឋាភិបាលរបស់​លោក​បានយកចិត្តទុកដាក់ទប់ស្កាត់ការប្រើប្រាស់ទម្រង់ធ្ងន់ធ្ងរបំផុតនៃពលកម្មលើកុមារ និងការធ្វើការងារដោយបង្ខំ តាមរយៈការពង្រឹងសមត្ថភាពមន្ដ្រីជំនាញ និងយន្ដការពាក់ព័ន្ធនានា។

ស្នងការនគរបាលខេត្តកំពង់ចាម បានលើកឡើងថា សមត្ថកិច្ចមិនដែលព្រងើយកន្តើយចំពោះករណីស្លាប់កូនអតីតមន្ត្រីមូលដ្ឋានបក្សប្រឆាំង លោក ទិត្យ រ៉ន នោះឡើយ ដោយថា ការស៊ើបអង្កេតនោះ ធ្វើឡើងមុន​ពេលមានការជំរុញពីមជ្ឈដ្ឋានមួយចំនួនទៀតផង។

តុលាការខេត្តសៀមរាប បានចោទប្រកាន់បុរសជនជាតិអាមេរិកម្នាក់ពីបទបំពារបំពានផ្លូវភេទលើក្មេងស្រី ៤នាក់ក្នុងប្រទេសកម្ពុជា។

ប្រជាសហគមន៍ជនជាតិដើមភាគតិចថ្នូន នៅ​ខេត្តមណ្ឌលគិរី បាននាំគ្នាដាក់ពាក្យបណ្ដឹងទៅតុលាការខេត្ត​នៅថ្ងៃនេះ ដោយចោទមន្ត្រីបរិស្ថានថា បានគំរាមកំហែងពួកគេមិនឱ្យចុះល្បាតព្រៃនៅក្នុងដែនជម្រកសត្វព្រៃភ្នំព្រេចកាលពីខែមេសា​កន្លងទៅ។

អាជ្ញាធរមូលដ្ឋានម្នាក់ និងពលរដ្ឋនៅឃុំមួយក្នុង​ស្រុក​គិរីសាគរ ខេត្តកោះកុង កំពុង​ព្រួយ​បារម្ភពីសុវត្ថិភាពរបស់​ពួកគេ ក្រោយ​ពី​សមត្ថកិច្ចបាន​កោះហៅមេឃុំមា្នក់ទៅសាក​សួរ បន្ទាប់​ពី​មាន​ជម្លោះដីធ្លីជាមួយក្រុមហ៊ុនចិនមួយដែលកំពុង​កាន់​កាប់​ដីសម្បទានសេដ្ឋកិច្ច​នៅក្នុងខេត្តនេះ។

ប្រធានសហភាពការងារកម្ពុជា លោក អាត់ ធន់ អំពាវនាវរកកិច្ចអន្តរាគមន៍ដោះលែងតំណាងសហជីពរបស់ខ្លួន ពីររូប ដែលកងរាជអាវុធហត្ថស្រុកអង្គស្នួល ខេត្តកណ្តាល ឃាត់ខ្លួន ខណៈមានការប៉ះទង្គិចជាមួយសហជីពមួយទៀត ពេលចុះពន្យល់កម្មករឲ្យចូលសមាជិកសហជីព។