រដ្ឋមន្ត្រីក្រសួងមហាផ្ទៃ លោក ស ខេង បញ្ជាក់ថា ក្រសួងនឹងសហការជាមួយក្រសួងយុត្តិធម៌ ដើម្បីពន្លឿននីតិវិធីរបស់តុលាការលើជនជាប់ឃុំទាំងអស់ ដែលត្រូវបានក្រុមសិទ្ធិមនុស្សក្នុងស្រុករកឃើញថា ត្រូវបានដាក់ឲ្យជាប់ឃុំលើសនីតិវិធី ហើយស្ថានភាពពន្ធនាគារកាន់តែចង្អៀត។
អគ្គនាយកដ្ឋានអន្តោប្រវេសន៍កម្ពុជា បានចុះផ្សាយនៅលើទំព័រហ្វេសប៊ុករបស់ខ្លួនថា កម្លាំងប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែតនៅថ្ងៃនេះ បានទទួលបុរសជនជាតិខ្មែរ-ឥស្លាម ៣នាក់ ដែលនគរបាលអន្តោប្រវេសន៍ច្រកទ្វារខ្លងលឹក ខេត្តស្រះកែវ មិនប្រថាប់ត្រាអនុញ្ញាតឲ្យចូលប្រទេសថៃ។
ក្រសួងព័ត៌មាន ឲ្យដឹងថាខ្លួននឹងជំរុញការងារពិនិត្យសេចក្ដីព្រាងច្បាប់ស្ដីពីសិទ្ធិទទួលព័ត៌មានជាមួយបណ្ដាក្រសួងនិងស្ថាប័នពាក់ព័ន្ធដទៃទៀត ដោយថា ដើម្បីឲ្យសេចក្ដីព្រាងច្បាប់នេះចូលជាធរមានក្នុងពេលឆាប់ៗ។
បុរសឈ្មោះ ស៊ុំ ម៉ឺន ត្រូវបានទាហាននៅកងពលតូចលេខ ៦ ចាប់ខ្លួននៅក្នុងចំណោមពលរដ្ឋ ១៤នាក់ទៀត នៅក្នុងជម្លោះដីធ្លីមួយជាមួយក្រុមហ៊ុនមេត្រីភាព នៅឃុំយាង ស្រុកជាំក្សាន្ត កាលពីថ្ងៃទី២០ ខែមករាកន្លងមក ហើយត្រូវបានក្រុមគ្រួសារអះអាងថា បានបាត់ខ្លួនរហូតមក។
នាយកប្រតិបត្តិអង្គការតម្លាភាពកម្ពុជា លោក ព្រាប កុល បានជំរុញទៅរដ្ឋាភិបាលដឹកនាំដោយលោកនាយករដ្ឋមន្ត្រី ហ៊ុន សែន ឲ្យកែលម្អស្ថានភាពសិទ្ធិមនុស្សឡើងវិញ ដើម្បីទប់ស្កាត់ការដកហូតប្រព័ន្ធអនុគ្រោះពន្ធដែលសហគមន៍អឺរ៉ុបផ្ដល់មកកម្ពុជា។
មន្ត្រីនៅក្រសួងធនធានទឹក និងឧតុនិយម លោក ឡាយ ប៊ុនថូ បានឱ្យដឹងតាមរយៈការផ្សាយវីដេអូផ្ទាល់ជាមួយសារព័ត៌មានអនឡាញថា រូបលោកត្រូវបានមន្ត្រីនគរបាលប្រឆាំងការជួញដូរគ្រឿងញៀនចាប់ខ្លួនកាលពីយប់ថ្ងៃទី៨ ខែកុម្ភៈនេះ នៅក្បែរស្ថានីយ៍ប្រេងសាំងសូគីម៉ិច តាមបណ្ដោយមហាវិថីព្រះមុនីវង្ស ដោយត្រូវបានសង្ស័យថា ជាមេខ្លោងជួញដូរគ្រឿងញៀន។
កាលពីខែមករាកន្លងទៅ ក្រុមទាហានកងពលតូចវារៈ ២៦១ បានចុះចាប់ខ្លួនពលរដ្ឋចំនួន ១៥ នាក់ បន្ទាប់ពីពលរដ្ឋទាំងនោះបានដឹកនាំអ្នកភូមិតវ៉ារឿងវិវាទដីធ្លីជាមួយក្រុមហ៊ុនមេត្រីភាព ស្ថិតក្នុងឃុំយាង ស្រុកជាំក្សាន្ត ខេត្តព្រះវិហារ។ ក្នុងចំណោមពលរដ្ឋ ១៥ នាក់នោះ គឺមានម្នាក់ ឈ្មោះ ស៊ុំ ម៉ឺន។
សាច់ញាតិអ្នកជាប់ឃុំ នៅខេត្តព្រះសីហនុក្នុងជម្លោះដីធ្លី ស្នើឱ្យតុលាការ និងអាជ្ញាធរខេត្តនេះ ដោះលែង អតីតចៅសង្កាត់រងលោក ឆាយ រដ្ឋ និងបុគ្គលិកសហភាពការងារកម្ពុជា លោក ទូច សុផា ឱ្យមានសេរីភាពឡើងវិញ ដោយថា ពួកគេមិនបានប្រព្រឹត្តដូចការចោទប្រកាន់ឡើយ។
សេចក្តីប្រកាសព័ត៌មានរបស់ក្រសួងការបរទេសម៉ាឡេស៊ី ចុះផ្សាយកាលពីម្សិលម្សិញ ឲ្យដឹងថា ស្ថានទូតប្រទេសនេះប្រចាំកម្ពុជាទទួលបានដំណឹងពីការចាប់ខ្លួនពួកគេទាំង៤៧នាក់ កាលពីថ្ងៃទី២៨ ខែធ្នូ ឆ្នាំ២០១៨ តាមរយៈអាជ្ញាធរខេត្តបន្ទាយមានជ័យ។ ក្រោយពេលចុះទៅជួបពួកគេនៅពន្ធនាគារ មន្ត្រីទូតម៉ាឡេស៊ីរកឃើញថាអ្នកដែលត្រូវបានចាប់ខ្លួនភាគច្រើនមកធ្វើការដោយសារតែការសន្យាផ្ដល់ប្រាក់ខែខ្ពស់។
មេធាវីការពារក្តីឱ្យលោក គង់ ម៉ាស់ គឺលោក សំ សុគង់ ឱ្យ វី.អូ.ឌី ដឹងនៅថ្ងៃនេះថា ខាងលោកបានសម្រេចដាក់ពាក្យប្តឹងទៅសាលាឧទ្ធរណ៍កាលពីថ្ងៃពុធសប្តាហ៍នេះ ដោយថា ដើម្បីស្នើឱ្យសភាស៊ើបសួរនៃសាលាឧទ្ធរណ៍ពិនិត្យឡើងវិញ ចំពោះដីកាសម្រេចមិនព្រមដោះលែងកូនក្តីរបស់លោកបាននៅក្រៅឃុំជាបណ្តោះអាសន្នពេលនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
