សង្គមស៊ីវិលអះអាងថានឹងបន្តធ្វើយុទ្ធនាការឲ្យដោះលែងមន្ត្រីសិទ្ធិមនុស្សបើទោះបីរដ្ឋាភិបាលគំរាម

អ្នកធ្វើការលើកស្ទួយសិទ្ធិមនុស្សបានអះអាងថា ពួកគេនៅតែបន្តធ្វើយុទ្ធនាការដោយសន្តិវិធីនៅមុខពន្ធ​នា​​គា​រព្រៃសរៀង​រាល់​ថ្ងៃចន្ទប្រឆាំងនឹងការចាប់ឃុំខ្លួនម​ន្ត្រីសិទ្ធិមនុស្ស​ ខណៈដែលរ​ដ្ឋាភិបាលនូវ​តែប​ន្ត​គំរា​​​​មចា​ត់វិធា​នកា​​រ​។

ជនជាប់ចោទផ្តល់​ចម្លើយសារភាព​​ប្រហាក់ប្រហែលគ្នា​រឿងវាយតំណាងរាស្រ្ត​

ជនជាប់ចោទ​៣រូបដែលជាប់ពាក់ព័ន្ធ​នឹង​​រឿងវាយតំណាងរាស្រ្ត​បក្សប្រឆាំង ​បានផ្តល់ចម្លើយសារភាព​ប្រហាក់ប្រហែលគ្នា តាមការ​សាកសួរ​របស់អង្គសវនាការជំនុំជម្រះនៅព្រឹកថ្ងៃ​អង្គារនេះ។​កាលពីថ្ងៃទី២៦ ខែតុលាឆ្នាំ២០១៥ តំណាងរាស្ត្រគណបក្សសង្គ្រោះជាតិ គឺលោក គង់ សភានិងលោក ញ៉យ ចំរើន ត្រូវបានបាតុករ ដែលគេស្គាល់ថា គាំទ្របក្សកាន់អំណាចវាយឲ្យរងរបួសធ្ងន់ នៅពេលពួកគេជិះរថយន្តចេញពីប្រជុំសភា។ ព្រឹត្តិការណ៍នៃការវាយតំណាងរាស្រ្តកើតឡើងស្របពេលដែលមានបាតុកម្មទាមទារឲ្យលោក កឹម សុខា អនុប្រធានគណបក្សសង្រ្គោះជាតិចុះចេញពីតំណែងអនុប្រធានទីមួយនៃរដ្ឋសភា។

តុលាការ​បន្ត​សវនាការជំនុំជម្រះ​លើអ្នកវាយតំណាងរាស្រ្ត​

សាលាដំបូងរាជធានីភ្នំពេញ នៅព្រឹកថ្ងៃអង្គារនេះ បានបើកសវនាការជំនុំជម្រះករណីវាយដំអ្នកតំណាងរាស្ត្រនៅខាងមុខរដ្ឋសភាកាលពីខែតុលា ឆ្នាំ២០១៥ ដោយសាកសួរជនជាប់ចោទ២នាក់​ក្នុងចំណោម៣នាក់។​កាលពីថ្ងៃទី២៦ ខែតុលាឆ្នាំ២០១៥ តំណាងរាស្ត្រគណបក្សសង្គ្រោះជាតិ គឺលោក គង់ សភានិងលោក ញ៉យ ចំរើន ត្រូវបានបាតុករ ដែលគេស្គាល់ថា គាំទ្របក្សកាន់អំណាចវាយឲ្យរងរបួសធ្ងន់ នៅពេលពួកគេជិះរថយន្តចេញពីប្រជុំសភា។ ព្រឹត្តិការណ៍នៃការវាយតំណាងរាស្រ្តកើតឡើងស្របពេលដែលមានបាតុកម្មទាមទារឲ្យលោក កឹម សុខា អនុប្រធានគណបក្សសង្រ្គោះជាតិចុះចេញពីតំណែងអនុប្រធានទីមួយនៃរដ្ឋសភា។
វិហារឥស្លាមក្នុងតំបន់បឹងកក់

​កិច្ច​ប្រជុំ​ជាមួយ​សាលាក្រុងរឿងធ្វើផ្លូវក្បែរវិហារបឹងកក់មិនទាន់​បាន​លទ្ធផលអ្វី

រដ្ឋលេខាធិការក្រសួងសង្គមកិច្ចនិងជាទីប្រឹក្សារបស់នាយករដ្ឋមន្រ្តី លោក អះម៉ាត់ យ៉ះយ៉ា បានអះអាង​ថា​កិច្ចប្រជុំ​ជាមួយ​សាលាក្រុង​កាលពីថ្ងៃចន្ទទាក់ទងនឹងគម្រោងធ្វើផ្លូវក្បែរ​វិហារបឹងកក់នៅតែមានភាពចម្រោងចម្រាសនៅឡើយ។លោក អះម៉ាត់ យ៉ះយ៉ា ប្រាប់វីអូឌី​ថា​លោក​បាន​ចូលរួមប្រជុំ​កាលពីរសៀលថ្ងៃចន្ទ ដោយ​ភាគីទាំងអស់មាន​គំនិតផ្ទុយគ្នាពីគម្រោង​ធ្វើផ្លូវនេះ។​ លោក​ថា​កិច្ច​ប្រជុំ​នេះ​មិនទទួល​បានលទ្ធផលអ្វីនោះទេ។​ លោក​បន្ត​ថាសាលារាជធានីស្នើ​ឲ្យ​មាន​ជំនួបមួយទៀតដាច់ដោយ​ឡែកជាមួយ​ក្រុម​របស់​លោក​ដែល​ជំទាស់នឹងប្លង់​គូសវាស​ធ្វើផ្លូវបច្ចុប្បន្ននេះ។ លោក​មានប្រសាសន៍ថា​ប្រជា​ពលរដ្ឋ​ក៏ដូចជា​រូបលោក​នៅតំបន់​នោះ​ស្នើ​ឲ្យ​មាន​​ការ​ធ្វើផ្លូវនៅជាប់នឹងរបងដើម្បីកុំ​ឲ្យ​រំខាន​ការ​ថ្វាយ​បង្គំ​។​

ក្រសួងការបរទេសកម្ពុជាថាមន្រ្តីUNលោក ស៊ឺន សាលី មានអភ័យឯកសិទ្ធិ

មន្រ្តីការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជាឲ្យដឹងថាក្រសួងការបរទេសកម្ពុជាបានទទួលស្គាល់ថាមន្រ្តីUN លោក ស៊ឺន សាលី មានអភ័យឯកសិទ្ធិនិង​រួចផុតពីការកាត់ទោសរឿងសមគំនិតសូកប៉ាន់សាក្សី ដែលការអះអាងនេះផ្ទុយពីប្រសាសន៍នាយករដ្ឋមន្រ្តីកាលពីកន្លង​ទៅ។លោក ស៊ឺន សាលី ត្រូវបានចោទប្រកាន់ពីបទសមគំនិតសូកប៉ាន់សាក្សីឈ្មោះ ខុម ចាន់តារ៉ាទី ហៅស្រីមុំដែលត្រូវបានទម្លាយថាមានទំនាក់ទំនងស្នេហាជាមួយអនុប្រធានគណបក្សសង្រ្គោះជាតិ លោក កឹម សុខា ឲ្យផ្តល់ចម្លើយកុហកតុលាការថាមិនមានទំនាក់ទំនងស្នេហាជាមួយមេដឹកនាំបក្សប្រឆាំង។

រដ្ឋាភិបាលជំរុញឲ្យមានអ្នកប្តឹងរកមុខអ្នកចេញខ្សែអាត់សំឡេងសន្ទនាឯកជន

គណកម្មាធិការសិទ្ធិមនុស្សកម្ពុជាដែលបង្កើតឡើងដោយរដ្ឋាភិបាលលើកឡើងថាដើម្បីឲ្យស្មើ​សិទ្ធិក្នុងការស្វែងរកភាគីពាក់ព័ន្ធក្នុងសំណុំរឿងខ្សែអាត់សំឡេង​ដែលថាជាការសន្ទនា​ស្នេ​ហា​​របស់​លោក កឹម សុខា លុះ​ត្រាតែមានអ្នកដាក់ពាក្យបណ្ដឹងប្ដឹងទៅកាន់តុលាការស្វែងរកអ្នកលួចថតសំឡេង​។

ACUនឹងបញ្ជូនមន្រ្តីទៅកូរ៉េខាងត្បូង​បន្ត​ស៊ើបអង្កេតករណីលោក ស៊ុត ឌីណា

ប្រធានអង្គភាព​ប្រ​ឆាំងអំពើ​ពុក​រលួយ(ACU)អះអាង​ថា​អង្គភាព​នឹង​បញ្ជូនមន្រ្តី​ទៅ​ប្រទេស​កូរ៉េខាងត្បូង ដើម្បី​​​បន្ត​ស៊ើប​សង្កេតបន្ថែម​លើ​សំណុំ​រឿង​ពុករលួយយ៉ាងតិចពីរទៀត​របស់​អតីតឯកអគ្គរាជទូតខ្មែរប្រចាំប្រទេស​កូរ៉េខាងត្បូង លោក ស៊ុត ឌីណា។​ប្រ​ធានអង្គភាព​ប្រ​ឆាំងអំពើពុក​រលួយ លោក ឱម យ៉ិនទៀង ប្រាប់​វីអូឌីនៅ​រសៀលនេះ​ថាក្រោយ​ពី​បញ្ជូន​ខ្លួន​​លោក ស៊ុត ឌីណា ទៅកាន់​តុលាការ អង្គភាព​បាន​បញ្ជូន​ក្រុមការងារ​របស់​ខ្លួន​ទៅ​ប្រ​ទេស​កូរ៉េខាងត្បូ​ង ដើម្បី​ប្រ​មូលឯកសារពាក់ព័ន្ធនឹង​អ្វីដែល​លោក​ថា លោក ស៊ុត ឌីណា បាន​ទារប្រាក់ពី​បុគ្គលមួយចំនួន​។

អ្នករាយការណ៍ពិសេសUNខាងសិទ្ធិសេរីភាពបារម្ភពីការហាមឃាត់យុទ្ធនាការពាក់អាវពណ៌ខ្មៅ

អ្នករាយការណ៍​ពិសេសរបស់​អង្គការសហប្រជាជាតិ(អ.ស.ប)​ទទួលបន្ទុក​ផ្នែកសេរីភាព​ប្រមូលផ្តុំនិង​បង្កើត​​​​សមាគម លោក ម៉េណា គីអេ (Maina Kiai)បានស​ម្តែង​ការ​ព្រួយបារម្ភ​លើការទប់ស្កាត់​យុទ្ធ​នាការ​ស្លៀកពាក់ខ្មៅរបស់សង្គមស៊ីវិល​ដើម្បីទាមទារ​ឲ្យ​ដោះលែង​មន្រ្តីសិទ្ធិមនុស្ស។​ លោក ម៉េណា គីអេ បានសរសេរនៅលើហ្វេសប៊ុក​ផ្លូវការរបស់​លោក​នៅ​ថ្ងៃ​ចន្ទនេះថា​ការអនុញ្ញាតឲ្យ​អ្នក​ ​ប្រឆាំងតវ៉ា​​ដោយ​សន្តិវិធី បញ្ចេញមតិ​និងការប្រមូលផ្តុំ ជួបជុំ​ មិនមែន​ត្រឹមតែ​ជា​​តួនាទី​របស់រដ្ឋាភិបាល​ក្រោម​ច្បាប់អន្តរជាតិនោះទេ តែ​វា​ក៏​កាត់​បន្ថយ​នូវ​លទ្ធភាព​នៃ​ការបះបោរ​ដោយ​ហិង្សា​ដោយ​ការ​បង្កើត​នូវ​សង្គមដែលមានការ​ចូលរួម​ពីគ្រប់ភាគី​។ លោក​បញ្ជាក់ថា៖ “វាជា​ការព្រួយបារម្ភមួយ​ដែលឃើញ​កម្ពុជា​កំពុង​ដើរ​លើ​ផ្លូវ​ខុសសម្រាប់យុទ្ធនាការ​ពាក់អាវពណ៌ខ្មៅ”។

អាជ្ញាធរខេត្ដព្រះវិហាររារាំងការធ្វើវេទិកាសាធារណៈ

អាជ្ញាធរស្រុកជ័យសែន ខេត្ដព្រះវិហារ រងការចោទថារារាំងប្រជាសហគម​ន៍មិនឲ្យធ្វើ​វេទិកា​សាធារ​ណៈស្ដីពីការគ្រប់គ្រងធនធានធម្មជាតិនិងអភិបាលកិច្ចដីធ្លី ដោយអះអាងថាគ្មានច្បាប់អនុញ្ញាត។
All articles loaded
No more articles to load