សង្គមស៊ីវិលបើកយុទ្ធនាការពាក់អាវពណ៌ខ្មៅរាល់ថ្ងៃចន្ទ ទាមទារឲ្យ​ដោះលែងមន្រ្តីសិទ្ធិមនុស្ស​

អង្គការសង្គមស៊ីវិលមួយចំនួននឹង​​បើកយុទ្ធនាការពាក់អាវពណ៌​ខ្មៅ ជារៀងរាល់ថ្ងៃចន្ទ ក្នុងគោលបំណង​បង្ហាញពីការរឹតត្បិតសិទ្ធិសេរីភាពក្នុងការបញ្ចេញមតិនិងដើម្បីទាមទារឲ្យមានការដោះលែងសកម្មជនការពារសិទ្ធិមនុស្សនិងអគ្គលេខាធិការរងរបស់គ.ជ.ប ដែលកំពុងជាប់ពន្ធនាគារ។​ប្រធានកម្មវិធី​អភិបាល​កិច្ច​ល្អ​នៃ​មជ្ឈមណ្ឌលអប់រំ​ច្បាប់​សម្រាប់​សហគមន៍ លោក បូ ពៅ មានប្រសាសន៍ថាការបើក​យុទ្ធនាការពាក់អាវព៌ណខ្មៅរាល់ថ្ងៃចន្ទ​នេះ ដើម្បីបង្ហាញពីការមិនពេញចិត្តចំពោះចំណាត់ការរបស់រដ្ឋាភិបាលនិងអង្គ​ភាពប្រឆាំងអំពើពុករលួយក្នុង​ការចាប់ខ្លួនមន្ត្រីការពារសិទ្ធិមនុស្សចំនួន៤រូបនិងមន្រ្តីគ.ជ.ប លោក នី ចរិយា។​ លោកបន្តថាការចាប់ខ្លួនសិទ្ធិមនុស្សនេះធ្វើឡើង ដោយគ្មានភស្តុតាងច្បាស់លាស់។
អ្វីទៅជាបុព្វសិទ្ធិ និង​អភ័យ​ឯកសិទ្ធិ​របស់​មន្ត្រីអង្គការសហប្រជាជាតិ?

អ្វីជាបុព្វសិទ្ធិ និង​អភ័យ​ឯកសិទ្ធិ​របស់​មន្ត្រីអង្គការសហប្រជាជាតិ?

នៅ​ពេល​ថ្មីៗនេះ មន្ត្រីសិទ្ធិមនុស្ស​មួយ​រូបរបស់​ការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សនៅ​កម្ពុជា​គឺ លោក ស៊ឺន សាលី ត្រូវ​បាន​អង្គភាព​ប្រឆាំង​អំពើ​ពុករលួយ​កោះហៅឲ្យ​ចូល​បំភ្លឺពាក់ព័ន្ធ​នឹង​ករណី​ពុករលួយ​ក្នុង​ករណីនារីឈ្មោះ ខុម ចាន់តារាទី ហៅ​ស្រីមុំ ដែល​ត្រូវ​គេ​អះអាង​ថា​មាន​ទំនាក់ទំនង​ស្នេហាជាមួយ​លោក កឹម សុខា​។ ទោះយ៉ាងណា លោក ស៊ឺន សាលី មិន​បាន​ចូល​ខ្លួន​បំភ្លឺតាមការ​កោះហៅរបស់​អង្គភាពប្រឆាំ​អំពើពុករលួយ​នោះទេ ដោយ​លោក​ជាមន្ត្រី​របស់​អង្គការ​សហប្រជាជាតិ ហើយ​ត្រូវ​ទទួល​បាន​អភ័យ​ឯកសិទ្ធិ​។ មកដល់ពេលនេះ លោក ស៊ឺន សាលី ត្រូវ​បាន​តុលាការ​ចោទប្រកាន់​ពី​បទ​សមគំនិត​សូកប៉ាន់​សាក្សី​។ តើ​អង្គការ​សហប្រជាជាតិ​ និងមន្ត្រី​របស់​ខ្លួន​មាន​បុព្វសិទ្ធិ និង​អភ័យ​ឯកសិទ្ធិអ្វីខ្លះ?

គណបក្ស​ប្រជាជន​កម្ពុជា​ស្នើ​តុលាការមានចំណាត់ការលើលោក អ៊ូ វីរៈ

អ្នកនាំពាក្យ​គណបក្ស​ប្រជាជន​កម្ពុជា លោក សុខ ឥសាន នៅថ្ងៃ​សុក្រនេះ បាន​ស្នើ​ឲ្យ​តុលាការ​ឲ្យរក​យុត្តិ​ធម៌​ជូន​គណបក្ស​ប្រជាជន​កម្ពុជា​ដែលលោកថា ទទួល​រងគ្រោះ​ ដោយសារ​ការអត្ថាធិប្បាយ​របស់​លោក អ៊ូ វីរៈ ដែលធ្វើ​ឲ្យ​ប៉ះពាល់​ដល់កិត្តិយសនិង​សេចក្តី​ថ្លៃថ្នូរ​របស់​គណបក្សកាន់អំណាច។លោក សុខ ឥសាន លើកឡើង​បែបនេះក្រោយចេញពីបំភ្លឺទៅលើពាក្យបណ្តឹងរបស់ខ្លួន ​នៅ​សាលា​ដំបូង​រាជធានី​ភ្នំ​ពេញ។ លោក​មានប្រសាសន៍ថាការ​លើកឡើង​​របស់​លោក អ៊ូ វីរៈ គឺជាការ​បរិហាកេរ្តិ៍​គណបក្ស​ប្រជាជន​កម្ពុជា ដែល​​លោកអះអាងថា​លើសពី​ព្រំ​ដែន​នៃ​ការ​បញ្ចេញ​មតិដែលបាន​ចែង​​ក្នុង​រដ្ឋធម្មនុញ្ញ។

អាជ្ញាធរមិនឲ្យធ្វើបាតុកម្មពីរក្រុមក្នុងពេលតែមួយករណីចាប់ខ្លួនមន្រ្តីសិទ្ធិមនុស្ស

សាលារាជធានីភ្នំពេញថាមិនអនុញ្ញាតឲ្យមនុស្សពីរក្រុមធ្វើបាតុកម្មក្នុងពេលតែមួយ ដែលម្ខាងជាអ្នកគាំទ្ររដ្ឋាភិបាលនិងម្ខាងជាអ្នករិះគន់រដ្ឋាភិបាលនោះទេ។

សាលាក្រុង​មិនអនុញ្ញាតឲ្យតវ៉ា​ប្រឆាំងនឹង​ACUតាមការស្នើសុំ​ ខណៈ​ពលរដ្ឋ​ប្រកាន់ជំហរតវ៉ាតាមការគ្រោងទុក

សាលា​រាជ​ធានី​ភ្នំពេញបាន​សម្រេច​មិន​អនុញ្ញាត​ឲ្យ​ប្រជា​ពលរដ្ឋ​​មកពីសហគមន៍ដីធ្លី តវ៉ា​និង​ដើរ​ដង្ហែក្បួន​ដាក់​​​ញត្តិ​ទៅ​​​​អង្គភាព​ប្រឆាំ​ងអំពើ​ពុក​រលួយ(ACU)ប្រឆាំង​នឹង​ចំណាត់ការ​របស់​ACU​លើ​មន្រ្តីសិទ្ធិ​មនុស្ស​ ខណៈតំណាងប្រជា​​ពលរដ្ឋនៅតែ​​ប្រកាន់ជំហរតវ៉ាតាមការគ្រោងទុក។​តំណាងប្រជាពលរដ្ឋប្រមាណ២ពាន់នាក់ កាលពីថ្ងៃពុធ បានដាក់លិខិតមួយច្បាប់ទៅអភិបា​លនៃ​គណៈ​អភិបា​ល​រាជធានី​ភ្នំពេញ ដោយស្នើសុំដង្ហែញត្តិនៅថ្ងៃសៅរ៍សប្តាហ៍នេះ ដាក់ទៅអង្គភាព​ប្រ​ឆាំ​ង​អំ​ពើពុ​​ករ​លួយ​(ACU)ទាមទារឲ្យបញ្ឈប់ការចោទប្រកាន់និងដោះ​លែងមន្រ្តីសិទ្ធិមនុស្សដែលកំពុ​ង​ជា​ប់​ពន្ធ​​នាគារ​។

តំណាងរាស្រ្តបក្សប្រឆាំងកោះហៅ​រដ្ឋមន្រ្តីយុត្តិធម៌មកបំភ្លឺ​ផ្ទាល់មាត់ ខណៈ​តុលាការ​ចោទប្រកាន់មន្រ្តីសិទ្ធិមនុស្ស​

តំណាងរាស្រ្តគណបក្ស​សង្រ្គោះជាតិចំនួន​១០រូប ដាក់លិខិតមួយច្បាប់ទៅ​លោកនាយករដ្ឋមន្រ្តី ហ៊ុន សែន ដោយ​កោះហៅរដ្ឋមន្រ្តីក្រសួងយុត្តិធម៌ លោក អង្គ វង្ស​ វឌ្ឍានា ឲ្យ​ចូលបំភ្លឺផ្ទាល់មាត់នៅវិមានរដ្ឋសភា​​លើ​​បញ្ហាមួយចំនួន ដែល​ក្នុងនោះមានការសាកសួរ​ពីការចោទប្រកាន់របស់តុលាការ​លើ​តំណាងរាស្រ្ត​​និង​មន្រ្តីសិទ្ធិមនុស្សផងដែរ។​ក្នុងលិខិតចុះថ្ងៃទី​៤ខែឧសភា តំណាងរាស្រ្ត​បក្សប្រឆាំងក្នុងនោះមាន​ លោក សុន ឆ័យ ផងដែរ​ បានស្នើ​នាយ​ករដ្ឋមន្រ្តី​អនុញ្ញាតឲ្យ​លោករដ្ឋមន្រ្តីក្រសួងយុត្តិធម៌ចូលបំភ្លឺ​ នៅថ្ងៃព្រហស្បតិ៍ក្នុងពេលឆាប់ៗខាងមុខ ពាក់ព័ន្ធ​នឹង​បញ្ហា​មួយចំនួន រួមមាន​​គោល​ការណ៍ច្បាប់​និងគោលនយោបាយ​ព្រហ្មទណ្ឌ​របស់រដ្ឋាភិបាល ពាក់​ព័ន្ធ​នឹង​ការឃុំខ្លួន​ជនត្រូវចោទ​បណ្តោះអាសន្ន(គោលការណ៍​និងការអនុវត្ត​ជាក់ស្តែង​និងអធិការកិច្ចការ​​ឃុំខ្លួន​)និង​ការប្តឹងបរិហារនិងអំណាច​ធ្វើ​អធិបញ្ជា​របស់រដ្ឋមន្រ្តីក្រសួងយុត្តិធម៌។

អង្គការសហប្រជាជាតិការពារ​មន្រ្តីUN លោក ស៊ឺន សាលី​ ពីការកាត់ទោស​រឿងសមគំនិតសូកប៉ាន់សាក្សី​

អ្នកនាំពាក្យ​អង្គការ​សហប្រជាជាតិ(UN)​និយាយ​​ថា​ខ្លួន​បាន​ប្រាប់ទៅរដ្ឋាភិបាល​កម្ពុជា​ថា​បុគ្គលិក​អង្គការ លោក ស៊ឺន សាលី មានអភ័យ​ឯកសិទ្ធិ​ហើយ​មិនអាចកាត់ទោសបាននោះទេ។​លោក ស៊ឺន សាលី ត្រូវបានចោទប្រកាន់​ពីបទសមគំនិតសូកប៉ាន់សាក្សីឈ្មោះ ខុម ចាន់តារ៉ាទី ហៅ​ស្រីមុំដែលត្រូវបាន​ទម្លាយ​ថា​មានទំនាក់ទំនងស្នេហាជាមួយ​អនុប្រធានគណបក្ស​សង្រ្គោះជាតិ លោក កឹម សុខា ឲ្យ​ផ្តល់​ចម្លើយ​កុហក​តុលាការថាមិនមានទំនាក់ទំនងស្នេហាជាមួយ​លោក​មេដឹកនាំបក្សប្រឆាំង។​

អ្នកមានវិវាទដីនៅភ្នំពេញតវ៉ាជាថ្មីដោយព្រួយពីការបណ្ដេញចេញ

ប្រជាសហគមន៍ស្ទឹងមានជ័យទាំង៨ដែលរស់នៅតាមប្រឡាយទឹកបានជួបជុំ​គ្នាដាក់ញត្តិជាថ្មីទៅកាន់ក្រសួងដែនដីនិងសា​លារាជធានីភ្នំពេញ ដើម្បីសុំជួបពិភាក្សាពីការអភិវឌ្ឍនៅ​នឹង​កន្លែងដោយពួកគេព្រួយបារម្ភពីការបណ្ដេញចេញ។

សហភាពអឺរ៉ុបអំពាវនាវឲ្យដោះលែងមន្រ្តីសិទ្ធិមនុស្សដែលត្រូវបានចោទប្រកាន់រឿងសូកប៉ាន់សាក្សី

សហភាពអឺរ៉ុបនៅក្នុងកិច្ចប្រជុំគណៈកម្មាធិការចម្រុះលើកទី៩ដែលធ្វើឡើងនៅរាជធានីភ្នំពេញ បានស្នើរ​ដ្ឋា​ភិបា​លកម្ពុជាបង្កើតឡើងនិងរក្សាបរិយាកាសមួយ ដែលគណបក្សនយោបាយទាំងអស់និងសង្គមស៊ីវិល អាចដំណើរការដោយសេរីនិងគ្មានការភ័យខ្លាចនិងអំពាវនាវដោះលែងមន្រ្តីសិទ្ធិមនុស្សដែលត្រូវបានចោទប្រកាន់រឿងសូកប៉ាន់សាក្សី។ក្នុងសេចក្តីថ្លែងការណ៍រួមមួយក្រោយបញ្ចប់កិច្ចប្រជុំគណៈកម្មាធិការចម្រុះកម្ពុជា-សហភាពអឺរ៉ុបកាល​ពីថ្ងៃ​ពុធ ភាគីទាំងពីរលើកឡើងថាមានការពិភាក្សាស្តីពីការកែទម្រង់រដ្ឋបាល ការកែទម្រង់ច្បាប់និងតុលាការ អភិបា​លកិច្ចនិងសិទ្ធិមនុស្សនិងស្តីពីពាណិជ្ជកម្ម។
All articles loaded
No more articles to load