រថយន្តសណ្ដោងផ្ទុកទៅដោយសម្ភារៈការពារមីស៊ីល THAAD របស់អាមេរិក ត្រូវបានគេដឹកចូលទៅដល់ទីតាំងដាក់ពង្រាយនៅក្នុងប្រទេសកូរ៉េខាងត្បូងហើយនៅថ្ងៃនេះ ខណៈដែលមានភាពតានតឹងកាន់តែខ្លាំងជុំវិញកម្មវិធីនុយក្លេអ៊ែរ និងគ្រាប់មីស៊ីលរបស់កូរ៉េខាងជើង។
សេចក្ដីរាយការណ៍នានា បានឲ្យដឹងថា ប្រទេសកូរ៉េខាងជើងដែលមានគ្រាប់នុយក្លេអ៊ែរ នៅថ្ងៃនេះ បានប្រារព្ធពិធីរំលឹកខួបកងទ័ព ដោយមានសមយុទ្ធបាញ់គ្រាប់ពិត ខណៈដែលក្រុងសេអ៊ូលបានប្រកាសអំពីសមយុទ្ធកងទ័ពជើងទឹករួមគ្នាជាមួយនាវាដឹកយន្តហោះអាមេរិក នៅតំបន់កំពុងតែឡើងកម្ដៅ។
ប្រធានាធិបតីបារាំង លោក ហ្វ្រង់ស័រ ហូឡង់ នៅថ្ងៃនេះ បានជំរុញទៅអ្នកបោះឆ្នោត កុំឲ្យបោះឆ្នោតឲ្យអ្នកស្រី ម៉ារីន ឡឺប៉ែន បេក្ខនារីប្រធានាធិបតីស្ដាំនិយមជ្រុល នៅក្នុងការបោះឆ្នោតជ្រើសរើសប្រធានាធិបតីបារាំងជុំផ្ដាច់ព្រ័ត្រ ប្រកួតប្រជែងជាមួយបេក្ខជនអឺរ៉ុបនិយម លោក អែមម៉ានុយអ៊ែល ម៉ាក្រុន។
អតីតប្រធានាធិបតីអាមេរិក លោក បារ៉ាក់ អូបាម៉ា បានវិលត្រឡប់ទៅបង្ហាញខ្លួនជាសាធារណៈឡើងវិញនៅថ្ងៃនេះ ដោយបានថ្លែងថា លោកសង្ឃឹមថានឹងចំណាយពេលចុងក្រោយនៃជីវិតរបស់លោក ក្នុងការជួយរៀបចំភាពជាអ្នកដឹកនាំដល់អ្នកជំនាន់ក្រោយ។
ក្រុមប្រឆាំងអំពើពុករលួយរបស់បក្សកុម្មុយនីស្តចិន បាននិយាយនៅថ្ងៃនេះថា ចំនួនជនសង្ស័យប្រព្រឹត្តអំពើពុករលួយដែលរត់គេចខ្លួននៅក្នុងប្រទេសចិននៅរយៈពេល ៤ឆ្នាំចុងក្រោយនេះ បានធ្លាក់ចុះយ៉ាងច្រើន ខណៈដែលរដ្ឋាភិបាលបង្កើនការគ្រប់គ្រងលើរឿងផ្សេងៗ ដូចជាការចេញលិខិតឆ្លងដែនដល់មន្ត្រីជាដើម។
ឧត្ដមសេនីយ៍យោធាហ្វីលីពីនម្នាក់ និយាយថា កម្លាំងសន្តិសុខ បានសម្លាប់ពួកបះបោរ ៣៦នាក់ដែលមានទំនាក់ទំនងនឹងក្រុមរដ្ឋឥស្លាម នៅក្នុងប្រតិបត្តិការតាមផ្លូវអាកាស និងតាមផ្លូវគោករយៈពេល ៣ថ្ងៃ នៅលើកោះភាគខាងត្បូងមួយ ព្រមទាំងដណ្ដើមបានមូលដ្ឋានពួកបះបោរផងដែរ។
ប្រមុខការពារជាតិអាមេរិក លោក Jim Mattis បានធ្វើដំណើរទៅដល់ប្រទេសអាហ្វហ្កានីស្ថានហើយ នៅក្នុងដំណើរទស្សនកិច្ចមិនត្រូវបានប្រកាសឲ្យដឹងមួយ នៅថ្ងៃនេះ ប៉ុន្មានម៉ោងក្រោយពីប្រមុខការពារជាតិអាហ្វហ្កានីស្ថាន បានលាលែងពីតំណែង ជុំវិញការវាយប្រហារដ៏បង្ហូរឈាម ដែលជំរុញឲ្យមានកំហឹង និងបណ្ដាលឲ្យទឹកចិត្តកងទ័ពធ្លាក់ចុះ។
ប្រទេសចិននឹងរឹតបន្តឹងការបង្ក្រាបទៅលើការប្រើប្រាស់ប្រេងឆាកខ្វក់ ដែលជាការពង្រឹងការគ្រប់គ្រងទៅលើប្រភពប្រេងក្លែងក្លាយ និងការត្រួតពិនិត្យទៅលើដំណើរការចម្រាញ់ប្រេងឆាទាំងនោះ។
ប្រធានាធីបតីអាមេរិក លោក ដូណាល់ ត្រាំ បានថ្លែងនៅថ្ងៃនេះថា ក្រុមប្រឹក្សាសន្តិសុខអង្គការសហប្រជាជាតិ ត្រូវតែប្រុងប្រៀបខ្លួនឲ្យបានរួចរាល់ដើម្បីដាក់ទណ្ឌកម្មកាន់តែតឹងរឹងបន្ថែមទៀតទៅលើកូរ៉េខាងជើង ជុំវិញកម្មវិធីនុយក្លេអ៊ែរ និងមីស៊ីលរបស់ប្រទេសនេះ ដោយលោក ត្រាំ ហៅស្ថានភាពបច្ចុប្បន្ននេះថា មិនអាចទទួលយកបាន។
រដ្ឋមន្ត្រីក្រសួងការពារជាតិអាហ្គានីស្ថាន និងមេបញ្ជាការមួយចំនួនទៀត ប្រកាសលាលែងពីតំណែងដោយសារមូលហេតុកើតមានឡើងការវាយប្រហារដោយពួកតាលីបង់លើបន្ទាយយោធា បណ្តាលឲ្យស្លាប់និង របួសទាហានជាង១០០នាក់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
