ការវិនិយោគ

កូនៗរបស់សម្តេច ហ៊ុន សែន ថា​Global Witnessចង់បំផ្លាញឪពុក​របស់ពួកគេ

បន្ទាប់ពី​អង្គការ​ការគ្លូបល វីតណេស(Global Witness)ដែលមានមូលដ្ឋាននៅទីក្រុងឡុងដ៍​នៃប្រទេសអង់គ្លេសបានចេញរបាយការណ៍​ស្តីពី​ជំនួញធំៗ​របស់ត្រកូល​ហ៊ុន សែន កូន​របស់សម្តេចនាយករដ្ឋមន្រ្តី២នាក់​បាន​ចេញមុខ​ឆ្លើយ​តបនឹងរបាយការណ៍នេះ។​សម្តេច ហ៊ុន សែន នៅរសៀលថ្ងៃ​ព្រហស្បតិ៍នេះបាន​បង្ហោះរូបភាពថត​ជុំគ្នា​ជាមួយកូន​របស់​លោកនិង​សារ​ដែល​កូន​ពីរនាក់របស់​លោក គឺ​លោកស្រី ហ៊ុន ម៉ាណានិងលោក ហ៊ុន​ ម៉ានិត បានបង្ហោះលើហ្វេសប៊ុក​។

កូនប្រុសសម្តេច ហ៊ុន សែន ច្រានចោល​របាយការណ៍របស់អង្គការ​Global Witnessដែលទម្លាយ​ពីការរកស៊ីរបស់ត្រកូលហ៊ុន

កូនប្រុស​របស់សម្តេចនាយក​រដ្ឋមន្រ្តី លោក ហ៊ុន ម៉ានិត បាន​ច្រានចោល​របាយការណ៍​របស់​អង្គការគ្លូបល វីតណេស(Global Witness)ដែលនិយាយពីការរកស៊ី​ជំនួញធំៗ​របស់ត្រកូលហ៊ុន ដោយ​ថា​របាយការណ៍នេះ”ពោរពេញដោយកំហុស​និង​ព័ត៌មានមិនពិត”។​លោក ហ៊ុន ម៉ានិត ដែលបច្ចុប្បន្នមាន​មុខងារ​ជា​​ប្រធាន​នាយក​ដ្ឋាន​ស្រាវ​ជ្រាវ​ចារកិច្ច​នៃ​កង​យោធពល​​ខេមរភូមិន្ទ បានសរសេរនៅលើហ្វេសប៊ុក​របស់​លោក​នៅព្រឹកថ្ងៃព្រហស្បតិ៍បន្ទាប់ពី​របាយការណ៍​របស់អង្គការGlobal Witnessត្រូវបានផ្សព្វផ្សាយតាមសារព័ត៌មានថា៖

របាយការណ៍ទម្លាយ​ពី​ជំនួញរកស៊ី​របស់ក្រុមគ្រួសារត្រកូលហ៊ុន

របាយការណ៍របស់អង្គការគ្លូបល វីតណេស(Global Witness)បង្ហាញថាសមាជិកគ្រួសារត្រកូលហ៊ុន របស់សម្តេចនាយករដ្ឋមន្រ្តីហ៊ុន សែន បានកាន់កាប់ការរកស៊ីជាច្រើនដែលមានដើមទុនចុះបញ្ជីសរុបទៅ ដល់​២០០លានដុល្លារអាមេរិក។នៅថ្ងៃព្រហស្បតិ៍នេះ អង្គការGlobal Witnessដែលមានមូលដ្ឋាននៅទីក្រុងឡុងដ៍នៃ​ប្រទេស​អង់គ្លេសបានចេញផ្សាយរបាយការណ៍មួយដែលមានឈ្មោះថាHostile Takeover ដែលរបាយការណ៍នេះត្រូវបានស្រាវជ្រាវនិងចងក្រងតាមរយៈទិន្នន័យសិទ្ធិកាន់កាប់ក្រុមហ៊ុនដែលរដ្ឋាភិបាលតែងតែរឹតបន្តឹងមិនឲ្យគេយកបាន។

ក្រុមហ៊ុនចិនសិក្សាគម្រោងសង់ផ្លូវដែកប្រវែង៤០គីឡូម៉ែត្រភ្ជាប់កំពង់ផែស្វយ័តភ្នំពេញ

ក្រុមហ៊ុនចិនមានគម្រោងសាងសង់ផ្លូវដែកថ្មីមួយខ្សែភ្ជាប់ទៅនឹងកំពង់ផែស្វយ័តភ្នំពេញក្នុងខេត្តកណ្តាល ដោយគ្រោងចំណាយទឹកប្រាក់ប្រមាណ២៥០លានដុល្លារ។

អាមេរិក​បារម្ភបញ្ហានយោបាយនៅកម្ពុជាប៉ះពាល់ដល់ឱកាស​វិនិយោគ

អនុរដ្ឋលេខាធិការទទួលបន្ទុកផ្នែកកំណើនសេដ្ឋកិច្ច ថាមពលនិងបរិស្ថាននៃក្រសួងការបរទេសអាមេរិកលោកស្រីCatherine Novelli បានលើកឡើងពីក្តីបារម្ភថាបញ្ហានយោបាយបច្ចុប្បន្ននេះ​អាចប៉ះពាល់ដល់ឱកាសវិនិយោគនៅកម្ពុជា។ លោកស្រី Catherine ដែលកំពុងបំពេញទស្សនកិច្ចនៅកម្ពុជារយៈពេល២ថ្ងៃចាប់ពីថ្ងៃទី៩-១០ ខែមិថុនា បានជួបពិភាក្សាការងារជាមួយរដ្ឋលេខាធិការក្រសួងពាណិជ្ជកម្មនិងជារដ្ឋមន្រ្តីស្តីទី លោក គឹម ស៊ីថននិងមន្រ្តីក្រុមប្រឹក្សាអភិវឌ្ឍន៍កម្ពុជា(CDC)។

ក្រសួងការងារកំណត់ខែកក្កដា​ពិភាក្សាប្រាក់ឈ្នួលអប្បបរមាកម្មករ​

ក្រសួងការងារនិងបណ្តុះបណ្តាលវិជ្ជាជីវៈសម្រេចយកខែកក្កដា ឆ្នាំ២០១៦​ ដើម្បីពិភាក្សាពីលទ្ធភាពនៃការដំឡើង​ប្រាក់ឈ្នួលអប្បបរមាផ្នែកវាយនភណ្ឌ កាត់ដេរនិងផលិតស្បែកជើង។​ យោងតាមសេចក្តីប្រកាសរបស់​ក្រសួងការងារចុះថ្ងៃទី០៦ ខែមិថុនា ការពិភាក្សាពីប្រាក់ឈ្នួលអប្បបរមា លក្ខណៈផ្ទៃក្នុងភាគី​ ត្រូវបានកំណត់ធ្វើនៅខែកក្កដាខាងមុខនេះ ចំណែកការចូលជាធរមានរបស់ប្រាក់ឈ្នួលអប្បបរមានេះនឹងត្រូវធ្វើឡើងនៅថ្ងៃទី១​ ខែមករា ឆ្នាំ២០១៧។

​នាយករដ្ឋមន្រ្តីកម្ពុជា​ស្នើ​ជាថ្មី​ឲ្យ​រុស្ស៊ី​បង្វែរ​បំណុលទៅជាជំនួយ​និង​ការ​វិនិយោគរួមគ្នា​

លោកនាយករដ្ឋមន្រ្តី ហ៊ុន សែន ក្នុងដំណើរទស្សនកិច្ច​នៅប្រទេស​រុស្ស៊ី បាន​ស្នើជាថ្មី​ទៅ​កាន់​រដ្ឋាភិបាល​រុស្ស៊ី​ឲ្យ​បង្វែរបំណុល​ជំពាក់រុស្ស៊ី​​ប្រមាណ​១៥០០​លាន​​​ដុល្លារដែល​ខ្ចី​រុស្ស៊ី​​​បន្ទាប់ពី​ការ​ផ្ដួល​រំលំ​របប​ខ្មែរ​ក្រហម​​ក្នុង​ឆ្នាំ​១៩៧៩​​នោះ ​ទៅជាជំនួយ​និង​ការ​វិនិយោគរួម។ក្នុងពេលសំណេះសំណាលជាមួយ​និស្សិតខ្មែរ​នៅ​ប្រទេស​រុស្ស៊ីនៅថ្ងៃ​ពុធនេះ លោកនាយករដ្ឋមន្រ្តីបានថ្លែង​ថាបំណុល​ដែលជំពាក់រុស្ស៊ី​ជាបំណុលអាចពិនិត្យ​បាន​ ដោយ​លោក​បានប្រៀបធៀបទៅនឹងបំណុលជំពាក់អាមេរិកប្រមាណ​៤៤៥លានដុល្លារ ដែល​​លោក​ចាត់ទុក​ជា​”បំណុលកខ្វក់”មិនអាច​ពិនិត្យបាន។

កម្ពុជានិងរុស្ស៊ីចុះហត្ថលេខាលើការប្រើប្រាស់ថាមពលនុយក្លេអ៊ែរស៊ីវិល

រដ្ឋាភិបាល​កម្ពុជានិង​រុស្ស៊ីកាលពីថ្ងៃ​អង្គារ​បាន​ចុះកិច្ចព្រម​ព្រៀង​លើការប្រើប្រាស់​ថាមពល​នុយក្លេអ៊ែរស៊ីវិល ដោយ​លោក​នាយក​រដ្ឋមន្ត្រី ហ៊ុន សែន អះអាងនៅចំពោះ​មុខសមភាគីរបស់​ខ្លួន​ថាកម្ពុជានឹងមិនអនុ​ញ្ញាត​ឲ្យមានការសាយភាយអាវុធនុយក្លេអ៊ែរនោះទេ។​នាយក​រដ្ឋមន្ត្រីកម្ពុជា​ លោក ហ៊ុន សែននិងនាយក​រដ្ឋមន្ត្រីរុស្ស៊ី លោក ឌីមីទ្រី មេដវេដេវ បាន​ធ្វើជាសាក្សីក្នុងពិធីចុះ​ហត្ថលេខាលើកិច្ចព្រមព្រៀង​ទ្វេភាគីចំនួន​៨ នៅ​ទីក្រុងមូស្កូ សហព័ន្ធរុស្ស៊ី កាលពីថ្ងៃ​អង្គារ។​ កិច្ច​ព្រមព្រៀងទាំងនោះមាន​ដូចជាកិច្ចសហការលើបច្ចេកទេសយោធា អនុស្សរណៈយោគយល់លើ​ប្រព័ន្ធទូរគមនាគមន៍និងប្រព័ន្ធផ្សព្វផ្សាយ អនុស្សរណៈយោគយល់ពីការបង្កើតមជ្ឈមណ្ឌលព័ត៌មាន​ថាមពលនុយក្លេអ៊ែរនៅកម្ពុជានិង​អនុស្សរណៈយោគយល់ស្តីពីការបង្កើត​ក្រុមការងារកម្ពុជា-រុស្ស៊ី ចំពោះកិច្ចសហការលើ​ការប្រើប្រាស់​ថាមពលនុយក្លេអ៊ែរស៊ីវិល​ជាដើម។

រោងចក្រផលិតស្ករស​នៅកម្ពុជា​តម្លៃ​ជាង​៣៦០លានដុល្លារ​ត្រូវបានដាក់សម្ពោធឲ្យ​ដំណើរ​ការ​

រោងចក្រ​ផលិត​ស្ករស​តម្លៃ​ជាង​៣៦០លានដុល្លារអាមេរិក​ដែល​ជា​ការវិនិយោគ​របស់​​ក្រុមហ៊ុន​ចិនត្រូវ​បាន​ដាក់សម្ពោធ​ឲ្យ​ដំណើរ​ការ​នៅព្រឹកថ្ងៃ​អង្គារនេះ ក្រោម​អធិបតីភាព​របស់​​លោក​នាយករដ្ឋមន្រ្តី ហ៊ុន សែន។រោងចក្រផលិតស្ករស កៀបទឹកអំពៅ ស្ថិត​ក្នុងភូមិ ពោធិទាប ឃុំ ម្លូព្រៃ១ ស្រុក ឆែប ខេត្រព្រះវិហារ នៅលើ​ដីសម្បទាន​សេដ្ឋកិច្ច​ជាង​២០០ហិកតា។​

រដ្ឋាភិបាល​សិក្សា​​បង្កើត​ឧទ្យានជាតិសមុទ្រ​កោះរុង

រដ្ឋាភិបាល​សម្រេច​បង្កើត​គណៈកម្មការ​អន្តរក្រសួងមួយ ដែល​មានតួនាទី​សិក្សា​ពី​លទ្ធភាព​បង្កើត​ឧទ្យានជាតិ​​សមុទ្រ​កោះរុង​ ដែលមានទីតាំង​នៅ​តំបន់កោះរុង ខេត្តព្រះសីហនុ។នៅ​ក្នុងសេចក្តីសម្រេចមួយ ចុះថ្ងៃទី​៣ខែមីនា ហើយ​វីអូឌី​ទើប​តែ​ទទួលបាន​ រដ្ឋាភិបាល​បានបញ្ជាក់ថា​សមា​សភាព​នៃ​គណៈកម្មការ​នេះ​មានរដ្ឋមន្រ្តីក្រសួងបរិស្ថាន ​លោក សាយ សំអាល់ ជា​ប្រធាន និង​លោក តឹករ៉េត សំរេច រដ្ឋលេខាធិ​ការ​ទីស្តីការគណៈរដ្ឋមន្រ្តីជាអនុប្រធាន។​ សមាសភាពជាសមាជិក​ក៏​មាន​អ​ភិបាល​ខេត្ត​ព្រះសីហនុ​ រដ្ឋលេខាធិការក្រសួង​រ៉ែ​និង​ថាមពល ក្រសួង​ធនធានទឹក ក្រសួង​កសិកម្ម ក្រសួង​មហាផ្ទៃនិងក្រសួងដែនដីផងដែរ។​

រដ្ឋាភិបាលបង្កើតក្រុមការងារសិក្សាការអភិវឌ្ឍរួមគ្នាលើដែនសមុទ្រត្រួតគ្នាកម្ពុជា-ថៃ

រដ្ឋាភិបាលបានសម្រេចបង្កើតក្រុមការងារមួយដែលក្រុមការងារនេះនឹងផ្តោតលើកិច្ចការអភិវឌ្ឍន៍រួមគ្នានៅ ក្នុងតំបន់ទាមទារដែនសមុទ្រត្រួតគ្នា(OCA)។នៅក្នុងសេចក្តីសម្រេចមួយចុះថ្ងៃទី២៤ ខែកុម្ភៈ ហើយវីអូឌីទើបតែទទួលបាន រដ្ឋាភិបាលសម្រេចបង្កើតក្រុមការងារមួយ ដែលមានសមាជិក១២រូបនិងមានរដ្ឋលេខាធិការក្រសួងការពារជាតិ លោក នាង ផាត ជា​ប្រធាននិងរដ្ឋលេខាធិការក្រសួងរ៉ែនិងថាមពល លោក សុខ ខាវ៉ាន់ ជាអនុប្រធាន។

លោក ហ៊ុន សែន បញ្ជា​ឲ្យ​ចាប់ខ្លួន​អ្នកនយោបាយ​ឃោសនា​លុបចោលបំណុល​​ពលរដ្ឋ​ ពេលឈ្នះឆ្នោត

លោកនាយករដ្ឋមន្រ្តី ហ៊ុន សែន នៅថ្ងៃ​ចន្ទនេះ បានបញ្ជា​​ឲ្យ​ចាប់ខ្លួន​អ្នកនយោបាយឬ​តំណាងរាស្រ្ត​ណាមួយ ​ដែល​លោកថាបាន​ឃោសនា​”នយោបាយ​បែប​ប្រជាភិថុតិនិង​បោកប្រាស់” ដោយ​ថា​ខ្លួន​នឹង​សងបំណុល ឬ​លុបចោល​បំណុលទាំងអស់ នៅពេល​ឈ្នះ​ឆ្នោត។​​ក្នុងសន្និសីទជាតិ​ស្តីពីការ​អភិវឌ្ឍ​វិស័យ​មីក្រូហិរញ្ញវត្ថុនៅកម្ពុជា លោក ហ៊ុន សែន មានប្រសាសន៍ថា​ការឃោសនា​បែប​នេះ​នឹង​ធ្វើ​ឲ្យ​ប្រជា​ពលរដ្ឋ​សម្រុកទៅខ្ចីលុយលុយ​​ ហើយ​ជំពាក់​វ័ណ្តក រហូត​ដល់ការរឹបអូសផ្ទះសម្បែងដីធ្លី។​ លោក​ចាត់ទុក​ការឃោសនាបែបនេះ​ជា​ការឃោសនា”ថោកទាប” និង”​បោកប្រាស់ប្រជា​ពលរដ្ឋ”។
All articles loaded
No more articles to load