ក្រោមដំបូលរដ្ឋធម្មនុញ្ញជិត៣០ឆ្នាំមកនេះ ការប្រកួតអំណាចនៅកម្ពុជាមិនទាន់បានអនុវត្តប្រព័ន្ធប្រជាធិបតេយ្យឱ្យបានពេញលេញ ដើម្បីការពារឯកភាពជាតិ បម្រើពលរដ្ឋ ដូចច្បាប់កំពូលនេះបានចែងទេ ដែលបញ្ហានេះបង្កឱ្យមានជម្លោះនយោបាយកើតឡើងស្ទើរគ្រប់អាណត្តិ។
មន្ត្រីនគរបាលពាក់ផ្កាយ៣ លោកឧកញ៉ា ឌួង ងៀប ត្រូវបានសមត្ថកិច្ចចាប់ខ្លួន ក្រោយពីគាត់ទម្លាយរឿងអាស្រូវពុករលួយរបស់ចៅក្រមក្នុងប្រព័ន្ធតុលាការ។ លោក ឌួង ងៀប ត្រូវសាលាដំបូងរាជធានីភ្នំពេញបញ្ជូនទៅឃុំខ្លួននៅពន្ធនាគារ កាលពីរសៀលថ្ងៃទី១៤ ខែកុម្ភៈ ក្រោយពីសមត្ថកិច្ចចាប់ខ្លួនគាត់នៅព្រឹកថ្ងៃដដែល។
វិវាទការងារនៅក្រុមហ៊ុនណាហ្គាវើលដ៍ជិត២ខែមកនេះ ហាក់បានក្លាយជាប្រធានបទមួយឆ្លុះបញ្ចាំងពីបញ្ហាសង្គមច្រើនទៀត ក្នុងរយៈពេលជាង៤ឆ្នាំនៃអាណត្តិទី៦នេះ ដែលសមាជិកសភាបន្តរក្សាភាពស្ងៀមស្ងាត់ មិនកោះអញ្ជើញមន្ត្រីពាក់ព័ន្ធមកសួរដេញដោល ដើម្បីបង្ហាញពីទំនួលខុសត្រូវចំពោះមុខម្ចាស់ឆ្នោត ដូចមានចែងក្នុងរដ្ឋធម្មនុញ្ញ។
បញ្ហាគ្រឿងញៀន ហាក់បានក្លាយជាវិញ្ញាសាចាស់មួយដែលរដ្ឋាភិបាលមិនទាន់បានផ្ដល់ចម្លើយជាក់លាក់ ដើម្បីលុបបំបាត់បញ្ហានេះនៅឡើយទេ បើទោះបីជារដ្ឋាភិបាលបានបង្ហាញការខំប្រឹងប្រែងអស់ររយៈពេលជាង៥ឆ្នាំមកហើយក្ដី។
ជាង៤ឆ្នាំមកនេះ បទល្មើសទ្រង់ទ្រាយធំជាច្រើនបានកើតឡើង រហូតមេដឹកនាំកំពូលបានចេញបញ្ជាជាសាធារណៈឱ្យទប់ស្កាត់ ក្នុងនោះមានទាំងការរំលោភយកដីព្រៃលិចទឹករាប់ម៉ឺនហិកតានៅជុំវិញបឹងទន្លេសាប រួមទាំងលំហូរគ្រឿងញៀន ជាដើម។
វិវាទការងារនៅក្រុមហ៊ុនល្បែងណាហ្គាវើលដ៍ ក្នុងរាជធានីភ្នំពេញ បានជំរុញឱ្យកូដកររាប់សិបនាក់ដើរដាក់ញត្តិតាមស្ថានទូតបរទេសនានាប្រចាំកម្ពុជា នារយៈពេលប៉ុន្មានថ្ងៃមកនេះ ដើម្បីរកលទ្ធភាពដោះលែងមេដឹកនាំសហជីពចំនួន៨រូបដែលត្រូវបានចាប់ខ្លួន។
គិតត្រឹមសប្ដាហ៍ទី១ ខែមករានេះ បុគ្គលិកណាហ្គាវើលដ៍ចំនួន២៦នាក់ដែលភាគច្រើនជាស្ត្រីនិងជាមេដឹកនាំសហជីព ក្នុងនោះមានទាំងកញ្ញា ឈឹម ស៊ីថរ ផងនោះ ត្រូវបានអាជ្ញាធរឃាត់ខ្លួនជាបន្តបន្ទាប់ ដោយចោទថា ពួកគេធ្វើបាតុកម្មខុសច្បាប់។
ចាប់ពីខែមករា ឆ្នាំ២០២២ទៅ កម្ពុជានឹងក្លាយជាប្រធានប្តូរវេនរបស់អាស៊ានជាផ្លូវការ ក្នុងរយៈពេល១ឆ្នាំពេញ។ បញ្ហាធំៗរបស់អាស៊ាន ក៏នឹងធ្លាក់ការទទួលខុសត្រូវលើប្រធានប្តូរវេនជាអ្នកសម្របសម្រួល ឬរកដំណោះស្រាយទៅតាមយន្តការរបស់សមាគមមួយនេះដែរ។ បញ្ហាធំដែលគេកំពុងចាប់អារម្មណ៍ខ្លាំងជាងគេនាពេលបច្ចុប្បន្ន គឺវិបត្តិនៅប្រទេសមីយ៉ាន់ម៉ា (ភូមា) ក្រោយប្រទេសនេះ បានធ្លាក់ទៅក្នុងកណ្តាប់ដៃរបស់ក្រុមយោធា ដែលបានធ្វើរដ្ឋប្រហារគណបក្សដែលឈ្នះការបោះឆ្នោតកាលពីដើមឆ្នាំនេះ។
យន្តការផ្ទេរអំណាចដោយសន្តិវិធីជាកត្តាចាំបាច់ ដែលប្រទេសប្រកាន់យកគោលការណ៍ប្រជាធិបតេយ្យបានប្រកាន់យក ព្រោះវាបានបញ្ចៀសជម្លោះនយោបាយ ជំរុញតម្លាភាពសង្គម។
តាមរយៈសារសំឡេងជាង២៣នាទី នាថ្ងៃទី២៨ ខែវិច្ឆិកានេះ លោកនាយករដ្ឋមន្ត្រី ហ៊ុន សែន បានចេញបញ្ជាផ្ទាល់មាត់ទៅក្រសួងដែនដី មេបញ្ជាការកងរាជអាវុធហត្ថលើផ្ទៃប្រទេស អង្គភាពប្រឆាំងអំពើពុករលួយ និងស្ថាប័នពាក់ព័ន្ធមួយចំនួន ឱ្យចេញប្រតិបត្តិការរួមគ្នាជាបន្ទាន់មួយ ដើម្បីឆ្លើយតបទៅនឹងការស្រាវជ្រាវពីក្រុមការងារនៃរាជបណ្ឌិត្យសភាកម្ពុជា ដឹកនាំដោយលោក សុខ ទូច ដោយរកឃើញការរំលោភដីព្រៃលិចទឹកជាច្រើនពាន់ហិកតានៅតំបន់បឹងទន្លេសាប។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
