ក្រសួងពាណិជ្ជកម្ម បានឱ្យដឹងថា តម្លៃលក់រាយ​ប្រេងសាំងធម្មតា ចាប់ពីថ្ងៃអង្គារ ដល់ចុងខែនេះ មានតម្លៃដដែល គឺ៥ ៨០០រៀល​ក្នុងមួយលីត្រ ខណៈប្រេងម៉ាស៊ូតបានឡើងថ្លៃខ្ពស់ជាងមុន២០០រៀល​ក្នុងមួយលីត្រ​។

តម្លៃប្រេងឥន្ធនៈបន្តហក់ឡើងថ្លៃជិត៣០០រៀលក្នុង១លីត្រ ស្របពេលការបោះឆ្នោតជ្រើសរើសក្រុមប្រឹក្សាឃុំ-សង្កាត់ដែលប្រព្រឹត្តទៅនៅខែមិថុនា ឆ្នាំ២០២២នេះជិតមកដល់ ដែលធ្វើឱ្យពលរដ្ឋមួយចំនួនត្អូញត្អែរពីផលប៉ះពាល់ដល់ជីវភាពប្រចាំថ្ងៃ។

អគ្គនាយក នៃអគ្គនាយកដ្ឋានគយ និងរដ្ឋាករកម្ពុជា លោក គុណ ញឹម អះអាងថា ក្នុង​រយៈពេល​៨ខែ​ចុង​ក្រោយ​នេះ អាជ្ញាធរប្រមូលពន្ធពីរថយន្ត​គេច​ពន្ធ​ជ្រកក្រោម​ស្លាក​លេខ​រដ្ឋ ន.ប ​(នគរបាល) និង​ខ.ម ​(ខេមរភូមិន្ទ)​ ជាដើម បានជាង៧ ០០០​គ្រឿង បើ​គិតជា​ថវិកា​ប្រមាណជិត​៦០​លាន​ដុល្លារអាមេរិក។

រដ្ឋាភិបាលកម្ពុជាថ្លែងថា សំបុត្រយន្តហោះឡើងថ្លៃ ដោយសារតែបញ្ហាវិបត្តិធំៗចំនួនពីរ​នៅលើសកលលោក ហើយពួកគេកំពុងតែ​ដាក់ទណ្ឌកម្មសេដ្ឋកិច្ចគ្នាទៅវិញទៅមក។

លោកនាយករដ្ឋមន្ត្រី ហ៊ុន សែន បានថ្លែងដោយមោទនភាពនៅថ្ងៃព្រហស្បតិ៍នេះថា អាជីវកម្មរ៉ែមាសដែលបានដំណើរការកាលពីខែមិថុនា ឆ្នាំ២០២១ ត្រូវបានយកមកកាត់កង ឬជំនួសឱ្យការខាតបង់នៃអាជីវកម្មប្រេង ដែលអត់ទាន់បានផល ហើយមានគេលួចកប៉ាល់ដឹកប្រេងទៅថែមទៀត។