អង្គការ​ទស្សនៈពិភពលោក (World Vision) បាន​រៀបចំ​កម្មវិធី​«អំណានឮៗ» នៅ​ព្រឹក​ថ្ងៃសៅរ៍​នេះ ដើម្បី​គាំទ្រ​ទិវា​អំណាន​ជាតិ លើក​កម្ពស់​វប្បធម៌​អាន​របស់​កុមារ​ និង​ដើម្បី​កៀរគរ​ថវិកា​សម្រាប់​ទិញ​សៀវភៅ​អាន​និង​កសាង​បណ្ណាល័យ​នៅតាម​សាលារៀន​គោលដៅ​មួយចំនួន​ក្នុង​ស្រុក​ជាំក្សាន្ត ស្រុក​រវៀង និង​ស្រុកឆែប ខេត្តព្រះវិហារ។

រាជរដ្ឋាភិបាលជប៉ុនបានសម្រេចផ្តល់ថវិកាជិត ១លានដុល្លារសហរដ្ឋអាមេរិក សម្រាប់អនុវត្តគម្រោងស្តីពីការលើកកម្ពស់ការយល់ដឹងអំពីបញ្ហាបរិស្ថាន និងការលុបបំបាត់អំពើហិង្សាលើកុមារនៅក្នុងសាលារៀន។

រដ្ឋាភិបាលជប៉ុនបាន​ផ្ដល់ជំនួយឥតសំណង​ចំនួនជិត៧០ម៉ឺនដុល្លារសហរដ្ឋអាមេរិក សម្រាប់ការលើកកម្ពស់ការអប់រំបរិយាប័ន្ននៅក្នុងខេត្តកណ្ដាល និងការរៀបចំវគ្គសិក្សាអប់រំកាយនៅថ្នាក់សាកលវិទ្យាល័យរយៈពេល៤ឆ្នាំ។ ​

រដ្ឋាករស្វយ័តដឹកជញ្ជូនសាធារណៈរថយន្តក្រុង (City-Bus) រាជធានីភ្នំពេញ ហៅអ្នកបើកបររថយន្តក្រុងសាធារណៈម្នាក់ទៅធ្វើការអប់រំនិងពង្រឹងសុជីវធម៌ឡើងវិញ បន្ទាប់ពីអ្នកបើកបររូប​នេះបានបង្កជម្លោះជាមួយអ្នកបើកបរម៉ូតូមួយគ្រឿង។

ធនាគារពិភពលោក (World Bank) បានអនុម័តជំនួយហិរញ្ញប្បទានសរុបចំនួនជិត៧០លានដុល្លារសហរដ្ឋអាមេរិក (៦៩,២៥) ​ដើម្បីជួយកម្ពុជាក្នុងការធ្វើឱ្យកាន់តែប្រសើរឡើងនូវលទ្ធភាពប្រកបដោយសមធម៌ ក្នុងការទទួលបានការអប់រំជាមូលដ្ឋាន និងក្នុងការឆ្លើយតបឱ្យបានរហ័សទៅនឹងវិបត្តិនានាដែលប៉ះពាល់ដល់ប្រព័ន្ធអប់រំនៅកម្ពុជា។

រដ្ឋមន្ត្រីក្រសួងអប់រំ យុវជន និងកីឡា បានគូសបញ្ជាក់ថា មូលហេតុនៃការកើនឡើងនិទ្ទេស (A, B, C) របស់បេក្ខជនប្រលងបាក់ឌុបឆ្នាំ២០២១ ដោយសារសិស្សខិតខំរៀនសូត្រ ខណៈក្រសួងបានបន្ធូរកម្រិតលំបាកនៃវិញ្ញាសាប្រលងប្រមាណជា២០ភាគរយ។

លទ្ធផលប្រលងបាក់ឌុបបង្ហាញថា សិស្សជាង៧ម៉ឺននាក់បានប្រលងជាប់សញ្ញាបត្របាក់ឌុប ក្នុងចំណោមបេក្ខជនសរុបជាង១១ម៉ឺននាក់។