គណៈកម្មាធិការជាតិរៀបចំការបោះឆ្នោត (គ.ជ.ប) ប្រកាសថានឹងធ្វើការត្រួតពិនិត្យនិងផ្ទៀងផ្ទាត់លទ្ធផលនៃការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ពីថ្ងៃទី១៣ ដល់១៤ ខែមិថុនា ឆ្នាំ២០២២។
គណៈកម្មាធិការជាតិរៀបចំការបោះឆ្នោត (គ.ជ.ប) បានឱ្យដឹងថា គិតចាប់ពីមុនបោះឆ្នោត១ថ្ងៃ រហូតដល់ថ្ងៃទី៩ ខែមិថុនានេះ ស្ថាប័នមួយនេះទទួលបានពាក្យបណ្តឹងសរុបទូទាំងប្រទេសចំនួន «៨៥បណ្ដឹង» ពីគណបក្សចំនួន៣ ពាក់ព័ន្ធនឹងភាពមិនប្រក្រតីនៃការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិនេះ។
តំណាងគណបក្សភ្លើងទៀននៅខេត្តបន្ទាយមានជ័យ បានដាក់ពាក្យបណ្ដឹងទៅគណៈកម្មការឃុំសង្កាត់រៀបចំការបោះឆ្នោត (គឃ.សប) ឱ្យជួយដោះស្រាយ ជុំវិញភាពមិនប្រក្រតីនាអំឡុងពេលបោះឆ្នោតជ្រើសរើសក្រុមប្រឹក្សាឃុំ-សង្កាត់ ប៉ុន្តែប្រធាន (គឃ.សប) ច្រានចោលក្រោមហេតុផលថា ក្នុងពាក្យបណ្ដឹងនោះមិនមានអត្ថន័យគ្រប់គ្រាន់ និងមិនដឹងសំដៅបុគ្គលណាម្នាក់នោះទេ។
គណបក្សប្រជាជនកម្ពុជា គ្រោងធ្វើសន្និបាតវិសាមញ្ញរបស់គណៈកម្មាធិការកណ្ដាលគណបក្ស ដើម្បីលើកទិសដៅសម្រាប់យកឈ្នះការបោះឆ្នោតជ្រើសតាំងតំណាងរាស្ត្រនៅឆ្នាំ២០២៣ ក្រោយពីឆ្លងកាត់បទពិសោធន៍នៃការបោះឆ្នោតជ្រើសរើសសមាជិកក្រុមប្រឹក្សាឃុំ-សង្កាត់ អាណត្តិទី៥រួច។
គណបក្សកម្ពុជានិយម អំពាវនាវឱ្យមេឃុំ-ចៅសង្កាត់ដែលទើបតែជាប់ឆ្នោតថ្មី ត្រូវឈរលើគោលការណ៍ស្មើភាពគ្នា តាមរយៈការបំពេញការងារដោយមិនមានភាពលម្អៀង និងមិនប្រកាន់និន្នាការនយោបាយ បើទោះជាពលរដ្ឋដែលមកទទួលសេវាពីអាជ្ញាធរសាលាឃុំ-សង្កាត់ មិនមែនជាអ្នកគាំទ្រគណបក្សគ្រប់គ្រងអំណាចក្តី។
គណបក្សប្រជាធិបតេយ្យមូលដ្ឋាន (គ.ប.ម) អះអាងថា កំពុងប្រមូលភស្តុតាងក្នុងការដាក់ពាក្យបណ្តឹងបន្ថែមទៅ គណៈកម្មាធិការជាតិរៀបចំការបោះឆ្នោត (គជប) ដើម្បីជំរុញឱ្យមានកំណែទម្រង់ ឬធ្វើវិសោធនកម្មច្បាប់បោះឆ្នោត ខណៈបក្សនេះថា ការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិនេះ នៅតែមានភាពមិនប្រក្រតីដូចអាណត្តិមុនៗ។
គណៈកម្មាធិការជាតិរៀបចំការបោះឆ្នោត (គ.ជ.ប) ស្រាយបំភ្លឺជុំវិញអ្នកដែលមានសិទ្ធិចូលក្នុងការិយាល័យរាប់សន្លឹកឆ្នោត ក្រោយមានការរិះគន់ជុំវិញករណីបិទទ្វារ បិទបង្អួច និងបណ្តេញពលរដ្ឋចេញ មិនឱ្យតាមដានការរាប់សន្លឹកឆ្នោត។
អង្គការសង្គមស៊ីវិលចំនួន៥ ស្នើទៅស្ថាប័ននិងភាគីពាក់ព័ន្ធ ពង្រឹងការអនុវត្តឱ្យបានត្រឹមត្រូវតាមច្បាប់ បទបញ្ជា និងនីតិវិធីសម្រាប់ការបោះឆ្នោត ព្រមទាំងពង្រឹងអព្យាក្រឹត្យភាពរបស់មន្ត្រីរាជការ កងកម្លាំងប្រដាប់វុធ ក្រោយពួកគេរកឃើញនូវភាពមិនប្រក្រតីមួយចំនួន នៅក្នុងដំណើរការនៃការបោះឆ្នោតជ្រើសរើសក្រុមប្រឹក្សាឃុំសង្កាត់ និងការរាប់សន្លឹកឆ្នោត។
មន្ត្រីជាន់ខ្ពស់គណៈកម្មាធិការជាតិរៀបចំការបោះឆ្នោត (គ.ជ.ប) ជំរុញទៅបក្សនយោបាយដាក់ពាក្យប្តឹងជុំវិញការរកឃើញថាមានភាពមិនប្រក្រត្រីក្នុងដំណើរការបោះឆ្នោត ពិសេសការបិទទ្វារ-បង្អួចពេលរាប់សន្លឹកឆ្នោត ខណៈ គ.ជ.ប ទទួលស្គាល់ថាការបិទទ្វារ-បង្អួចរាប់សន្លឹកឆ្នោតមិនមានក្នុងនីតិវិធីទេ ប៉ុន្តែប្រធានការិយាល័យមានសិទ្ធិសម្រេច។
ថ្នាក់ដឹកនាំគណបក្សភ្លើងទៀន ប្រកាសចង់ជួបជជែកជាមួយគណបក្សប្រជាជនកម្ពុជា ក្រោយពីដឹងពីលទ្ធផលបឋមនៃការបោះឆ្នោតជ្រើសរើសសមាជិកក្រុមប្រឹក្សាឃុំ-សង្កាត់អាណត្តិទី៥នេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
