នយោបាយ

លោក ហ៊ុន សែន ថា​មិនអត់ឱនឲ្យជនណាដែលបង្កចលាចលក្នុងសង្គម

លោកនាយករដ្ឋមន្ដ្រី ហ៊ុន សែន នៅថ្ងៃព្រហស្បត្តិ៍នេះ បានថ្លែងថារដ្ឋាភិបាលនឹងមិនអត់ឱនឲ្យជនណាដែលលោកថាបង្កចលាចលនៅក្នុងសង្គមនិងនាំឲ្យមានការស្លាប់រង្គាល ដូចកាលពីអំឡុងឆ្នាំ១៩៧០ដល់ឆ្នាំ១៩៩៨។ លោក ហ៊ុន សែន ថ្លែងបែបនេះតាមសុន្ទរកថារបស់លោក នៅក្នុងពិធីបើកអង្គរសង្ក្រាន្ដឆ្នាំថ្មី នៅព្រឹកថ្ងៃទី១៤ ខែមេសាឆ្នាំ២០១៦នេះ ដែលធ្វើឡើងក្នុងខេត្តសៀមរាប។

លិខិតមិត្តអ្នកអាន៖អភ័យឯកសិទ្ធិការពារបានអត់?

នឹកឃើញកាលឆ្នាំ២០០៨-២០០៩ អំឡុងពេលក្រមព្រហ្មទណ្ឌកំពុងស្ថិតនៅជាសេចក្តីព្រាងរហូតដល់សភា បក្សប្រឆាំងនិងអង្គការក្រៅរដ្ឋាភិបាលជាច្រើនបានសំណូមពរឲ្យមានការផ្តល់និយមន័យនៃបទល្មើសមួយចំនួនដែលមានលក្ខណៈស្រពិចស្រពិលឲ្យមានភាពច្បាស់លាស់ ជាក់លាក់ជាងនេះ ដូចជាបទបរិហារកេរ្តិ៍ បទញុះញង់ជាដើម ដើម្បីជៀសវាងការបកស្រាយមិនត្រឹមត្រូវនាំឲ្យមានអ្នករងគ្រោះដោយអយុត្តិធម៌។
អ្នកនាំពាក្យរដ្ឋសភាលោក ឡេង ប៉េងឡុង (ឆ្វេង) និង​លោក អ៊ុំ សំអាន

អ្នកនាំពាក្យរដ្ឋសភា​ថា លោក អ៊ុំ សំអាន នៅតែមានអភ័យ​ឯកសិទ្ធិ ​ទោះ​សភា​​ឲ្យ​តុលាការ​បន្ត​ឃុំ​ខ្លួន​

អ្នកនាំពាក្យ​រដ្ឋសភាលោក ឡេង ប៉េងឡុង បាន​លើកឡើងថា តំណាងរាស្ត្រ​គណបក្ស​សង្គ្រោះជាតិ​លោក អ៊ុំ សំអាន នៅ​តែ​មាន​អភ័យ​ឯកសិទ្ធិ ដោយ​លោក​ថា សភា​នឹង​ដក​អភ័យ​ឯកសិទ្ធិរបស់​លោក ​ប្រសិ​នមាន​ការ​ស្នើ​ពីតុលាការ និងទទួល​បាន​​ការគាំទ្រ​ពី​សំឡេង​២ភាគ​៣ នៃ​សមាជិក​រដ្ឋសភា។ លោក ឡេង ប៉េងឡុង លើកឡើង​បែបនេះ​ក្រោយ​បញ្ចប់កិច្ចប្រជុំ​​របស់​តំណាង​រាស្រ្ត​គណបក្ស​ប្រជាជន​កម្ពុជា​ក្នុង​​រដ្ឋសភា​ដោយ​​សំឡេង​៦៣លើ៦៣ ដោយ​សម្រេច​ឲ្យ​តុលាការ​​បន្ត​នីតិវិធី​លើ​លោក អ៊ុំ សំអាន ​ដែលត្រូវបានតុលាការ​បញ្ជូន​ទៅពន្ធនាគារ​កាល​ពី​វេលា​ថ្ងៃត្រង់ថ្ងៃ​អង្គារ​នេះ។​

ព្រឹទ្ធសភា​ឯកភាព​ទាំង​ស្រុង​លើ​សេចក្ដី​ព្រាង​ច្បាប់​សហជីព

ព្រឹទ្ធសភា​បាន​ឯកភាព​ទាំង​ស្រុង​លើ​សេចក្ដី​ព្រាង​ច្បាប់​ស្ដីពី​សហជីព​ដ៏​ចម្រូង​ចម្រាស​ ដោយ​ទទួល​បាន​សំឡេង​គាំ​ទ្រ​៤០​សំឡេង​នៃ​ចំនួន​សមាជិក​ព្រឹទ្ធសភា​៤៦​រូប​ដែល​មាន​វត្តមាន​​ ខណៈ​ព្រឹទ្ធសមាជិក​មក​ពី​គណបក្ស​ សម រង្ស៊ី មិន​បោះ​ឆ្នោត​គាំ​​ទ្រ​សេចក្ដី​ព្រាង​ច្បាប់​នេះ​។ ក្នុង​សេចក្ដី​ប្រកាស​ព័ត៌មាន​ស្ដី​ពី​លទ្ធផល​នៃ​សម័យ​ប្រជុំ​ពេញ​អង្គ​លើក​ទី​៨​ព្រឹទ្ធសភា នីតិកាល​ទី​៣ នៅ​ថ្ងៃ​អង្គារ​នេះ ព្រឹទ្ធសភា​បាន​ឲ្យ​ដឹង​ថា អង្គប្រជុំ​​បាន​ពិនិត្យ និង​ឲ្យ​យោបល់​ឯកភាព​ទាំងស្រុង​លើ​សេចក្ដី​ព្រាង​ច្បាប់​ស្ដី​ពី​សហជីព​នេះ ដោយ​ឥត​កែប្រែ ក្នុង​សំឡេង​៤០​នៃ​ចំនួន​សមាជិក​ព្រឹទ្ធសភា​ទាំងមូល​ដែល​មាន​វត្តមាន​។
រដ្ឋសភាបោះឆ្នោត​ ករណី​តំណាងរាស្រ្តបក្សសង្រ្គោះជាតិ នៅរសៀលថ្ងៃអង្គារនេះ​

តំណាងរាស្រ្ត​បក្សកាន់អំណាច​ទាំងអស់គាំទ្រ​ឲ្យ​តុលាការ​បន្តនីតិវិធីលើ​លោក អ៊ុំ សំអាន​

តំណាងរាស្រ្ត​​មកពី​គណបក្ស​ប្រជាជនកម្ពុជាដែល​មានវត្តមាន​នៅក្នុងកិច្ចប្រជុំពេញអង្គ ​នៅរសៀលថ្ងៃ​អង្គារនេះ​ បាន​សម្រេច​បោះឆ្នោតគាំទ្រ​ឲ្យ​តុលាការ​បន្ត​នីតិវិធី​លើ​តំណាងរាស្រ្តបក្ស​ប្រឆាំង​លោក អ៊ុំ សំអាន ​ដែលត្រូវបានតុលាការ​បញ្ជូន​ទៅពន្ធនាគារ​នៅរសៀលថ្ងៃត្រង់នេះ។​រដ្ឋសភា​បាន​បើ​ក​​កិច្ចប្រជុំសភាពេញអង្គមួយជាបន្ទាន់​ នៅម៉ោង​ជិត៤រសៀលនេះ​ ដើម្បី​​ពិភាក្សាករណី​តំណាងរាស្រ្ត​ លោក អ៊ុំ សំអាន។ តំណាងរាស្រ្ត​បក្ស​សង្រ្គោះជាតិ​មិ​នបានចូលរួម​កិច្ចប្រជុំនេះទេ​។​

តុលាការសម្រេចឃុំខ្លួនបណ្តោះអាសន្នលើតំណាងរាស្ត្របក្សប្រឆាំង

សាលាដំបូង​រាជធានីភ្នំពេញ​នៅថ្ងៃអង្គារនេះបានសម្រេចឃុំខ្លួនបណ្តោះអាសន្នលើតំណាង​រាស្ត្រគណបក្ស​ប្រឆំាង​ដែលស​កម្ម​រឿង​ព្រំដែន​កម្ពុជា-វៀតណាម​ ដោយចោទប្រកាន់ចំនួនពីរល្មើស​។​

សង្គម​ស៊ីវិល​ថ្កោល​ទោស​ការ​ចាប់​ខ្លួន​តំណាង​រាស្ត្រ​គណបក្ស​សង្គ្រោះជាតិ​លោក អ៊ុំ សំអាន

ក្រុមអង្គការ​សង្គម​ស៊ីវិល​ជាង​១០​ស្ថាប័ន​ថ្កោល​ទោស​ការ​ចាប់​ខ្លួន​តំណាង​រាស្ត្រគណបក្ស​សង្គ្រោះជាតិ​លោក អ៊ុំ សំអាន ដោយ​សង្គមស៊ីវិល​ចាត់​ទុក​ថា​ការ​ចាប់​ខ្លួន​នេះ​ផ្ទុយ​នឹង​រដ្ឋធម្មនុញ្ញ ​និង​បង្ហាញ​ពី​ការ​រួម​តូច​នៃ​លំហ​ប្រជាធិបតេយ្យ ព្រម​ទាំង​ការ​មិន​ទទួល​យក​នូវ​នយោបាយ​បែប​ពហុបក្ស​នៅ​កម្ពុជា​។

លោក ហ៊ុន សែន ថា​​មិនគាំទ្រ​ឲ្យ​រដ្ឋសភា​បញ្ឈប់​នីតិវិធី​របស់​តុលាការ​ប្រឆាំង​លោក អ៊ុំ សំអាន

លោក​នាយករដ្ឋមន្រ្តី ហ៊ុន សែន នៅថ្ងៃ​អង្គារនេះ បានថ្លែង​ថាលោក​នឹងបោះឆ្នោតគាំទ្រ​ឲ្យ​រដ្ឋសភា​អនុញ្ញាត​ឲ្យ​តុលាការ​បន្តនីតិវិធី​លើតំណាង​បក្ស​សង្រ្គោះជាតិ លោក អ៊ុំ សំអាន ដែលត្រូវបានតុលាការ​បញ្ជូន​ទៅពន្ធនាគារ​នៅរសៀលថ្ងៃត្រង់នេះ។​រដ្ឋសភា​នឹង​បើ​ក​​កិច្ចប្រជុំសភាពេញអង្គមួយជាបន្ទាន់​ នៅរសៀលម៉ោង​៤ថ្ងៃអង្គារនេះ ដោយ​នឹង​ពិភាក្សាពីករណី​តំណាងរាស្រ្ត​ លោក អ៊ុំ សំអាន។ តំណាងរាស្រ្ត​បក្ស​សង្រ្គោះជាតិ​ប្រកាស​មិ​នចូលរួម​កិច្ចប្រជុំនេះ។​

តំណាងរាស្រ្តបក្ស​ប្រឆាំងលោក អ៊ុំ សំអាន ត្រូវបញ្ជូនទៅពន្ធនាគារព្រៃ​ស​

ចៅក្រមស៊ើបសួរ​នៃ​សាលាដំបូង​រាជធានី​ភ្នំពេញ​ នៅរសៀលថ្ងៃ​ត្រង់នេះ​ បាន​សម្រេច​បញ្ជូនតំណាងរាស្រ្ត​គណបក្ស​សង្រ្គោះជាតិមណ្ឌលសៀមរាប លោក អ៊ុំ សំអាន ទៅពន្ធនាគារ ដោយចោទប្រកាន់ចំនួនពីរបទចោទ​។​ដីកាបង្គាប់​ឲ្យ​ឃុំខ្លួន​ចេញផ្សាយនៅថ្ងៃអង្គារនេះ ចៅក្រមស៊ើប​សួរ​លោក តុប ឈុនហេង បាន​ចោទលោក អ៊ុំ សំអាន ស្ថិត​នៅ​ក្រោម​ការពិនិត្យពីបទ​ញុះញង់​ឲ្យ​ប្រព្រឹត្ត​បទ​ឧក្រិដ្ឋ​ជាអាទិ៍(បង្ក​ឲ្យ​មាន​ភាព​វឹកវរ​ធ្ងន់ធ្ងរ​ដល់សន្តិសុខសង្គម)​និង​បទ​ញុះញង់​ឲ្យ​មាន​ការ​រើសអើង​តាម​មាត្រា​៤៩៥និង​៤៩៦​នៃ​ក្រមព្រហ្មទណ្ឌ​ ដែល​ប្រព្រឹត្ត​នៅ​រាជធានីភ្នំពេញ កាលពីអំឡុង​ឆ្នាំ​២០១៥និង​រហូតដល់ថ្ងៃទី​១០ខែមេសា ឆ្នាំ​២០១៦។

បក្សប្រឆាំងអំពាវនាវឲ្យខ្មែរឈប់ឈ្លោះគ្នា ខណៈនៅតែមានការចាប់ខ្លួនអ្នករិះគន់

មេដឹកនាំបក្សប្រឆាំងបានយកទិវាចូលឆ្នាំថ្មីប្រពៃណីខ្មែរឆ្នាំនេះអំពាវ​នា​វ​ឲ្យ​​ខ្មែរគ្រប់និន្នាការបញ្ឈប់​ហែ​ក​​ហួរគ្នា ខណៈ​តំ​ណាង​រាស្រ្ត​របស់ខ្លួនម្នាក់ទៀតលោក អ៊ុំ សំអាន ត្រូវ​បា​នស​មត្ថកិច្ចចាប់ឃុំខ្លួនទាក់​​ទិន​នឹ​​​ង​​ការរិះគន់ការបោះ​បង្គោល​ព្រំដែនជាមួយវៀតណាមថាធ្វើឲ្យខ្មែរខាតបង់។​

លោក ហ៊ុន សែន ព្រមាន​ជាថ្មី​ចាប់ខ្លួន​អ្នក​និយាយ​រឿង​ផែនទីក្លែង​ក្លាយ​ ក្រោយចាប់ខ្លួនតំណាងរាស្រ្ត​

លោក​នាយក​រដ្ឋមន្រ្តី ហ៊ុន សែន នៅ​ថ្ងៃ​អង្គារ​នេះ​ បាន​ព្រមាន​សាជាថ្មី​​ចាប់ខ្លួន​មនុស្ស​ដែល​ហ៊ាន​ចេញ​មុខ​និយាយ​ថា​រដ្ឋាភិ​បាល​​ប្រើប្រាស់ផែនទីក្លែងក្លាយ។​ការព្រមាន​របស់នាយករដ្ឋមន្រ្តី ចំពេល​ដែល​តំណាងរាស្រ្ត​គណបក្ស​សង្រ្គោះជាតិ មណ្ឌល​ខេត្ត​សៀមរាប លោក អ៊ុំ សំអាន ដែល​សកម្ម​នឹង​បញ្ហា​ព្រំដែន​និង​រិះគន់​រឿងប្រើប្រាស់ផែនទីក្លែង​ក្លាយ ត្រូវ​បាន​ចាប់ខ្លួន​កាលពីអធ្រាត្រ​ថ្ងៃ​អាទិត្យ​សប្តាហ៍មុន មិនដល់មួយថ្ងៃផង ពេលលោកត្រឡប់​ចូល​ប្រទេស​វិញ។​

តំណាងរាស្រ្ត​បក្ស​ប្រឆាំង​ថា​រដ្ឋសភា​ធ្វើការងារមិនច្បាស់លាស់​ ករណី​អភ័យឯកសិទ្ធិ​តំណាងរាស្រ្ត​

តំណាងរាស្រ្តគណបក្ស​សង្រ្គោះជាតិ​បាន​ថ្លែង​ថា​រដ្ឋសភា​ធ្វើការងារ”មិនច្បាស់លាស់”​ ករណី​អភ័យឯកសិទ្ធិ​​​តំណាងរាស្រ្ត ដោយ​ចាត់ទុក​ថារដ្ឋសភា​នឹង​ខូចឈ្មោះ ប្រសិន​បើ​ចាត់ទុក​ករណីចាប់ខ្លួន​លោក អ៊ុំ សំអាន ស្រប​ទៅតាមច្បាប់​រដ្ឋធម្មនុញ្ញ។​ក្នុងសន្និសីទសារព័ត៌មាន​នៅព្រឹកថ្ងៃ​អង្គារនេះ តំណាងរាស្រ្ត​គណបក្ស​ប្រឆាំង​ លោក សុន ឆ័យ មាន​ប្រសា​សន៍ថា​គណបក្សនឹង​មិន​ចូល​រួមកិច្ចប្រជុំគណៈ​កម្មាធិការ​អចិន្រ្តៃយ៍​និង​កិច្ចប្រជុំ​សភាពេញអង្គ​ពិភាក្សា​​លើ​បញ្ហា​លោក អ៊ុំ សំអាន ដែល​គ្រោង​ធ្វើ​នៅថ្ងៃ​នេះ​នោះទេ​ ដោយ​លោកថា​ប្រសិន​បើ​ចូល​រួម​ប្រជុំ គឺ​បង្ហាញ​ថា​គណបក្ស​ចូលរួម​ធ្វើ​សកម្មភាព​មិនស្រប​ច្បាប់។​​​
All articles loaded
No more articles to load