នយោបាយ

តុលាការកោះហៅមន្ត្រីរដ្ឋាភិបាលដែលប្ដឹងលោក សម រង្ស៊ី ទៅសាកសួរ

តុលាការភ្នំពេញកោះហៅមន្រ្តីរដ្ឋាភិបាលមួយរូបដើម្បីសាកសួរពីករណីប្ដឹងប្រធានគណបក្សសង្គ្រោះជាតិលោក សម រង្ស៊ី ពីរឿងនិយាយ Likes នៅលើហ្វេសប៊ុករបស់នាយករដ្ឋមន្រ្តី។ ក្នុងដីកាកោះចុះថ្ងៃទី១៦ ខែមីនា ព្រះរាជអាជ្ញារងលោក សៀង សុខ កោះអញ្ជើញលោក សោម សឿន រដ្ឋមន្ត្រីប្រតិភូអមនាយករដ្ឋមន្ត្រី ឲ្យចូលបំភ្លឺនៅថ្ងៃទី២៣ ខែមេសា ឆ្នាំ២០១៦ វេលាម៉ោង៩ព្រឹក ដើម្បីសួរពីដំណើររឿងប្ដឹង លោក សម រង្ស៊ី អំពីការផ្សាយព័ត៌មានលើហ្វេសប៊ុកកាលពីថ្ងៃទី៩ ខែមីនា។

នាយករដ្ឋមន្រ្តី​បញ្ចប់​មុខងារ​រដ្ឋមន្រ្តី​​៣រូបនិង​ផ្លាស់ប្តូរការដឹកនាំរបស់​​រដ្ឋមន្រ្តី​៥រូប

លោកនាយករដ្ឋមន្រ្តី ហ៊ុន សែន បាន​សម្រេចបញ្ចប់មុខ​ងារ​រដ្ឋមន្រ្តីចំនួន​៣រូបនិង​ផ្លាស់ប្តូរ​​រដ្ឋមន្រ្តីចំនួន​៥រូប ឲ្យ​ទៅ​ដឹកនាំ​ក្រសួងផ្សេងវិញ​។​ ​ នេះ​បើ​យោង​តាមសំណើ​របស់នាយករដ្ឋមន្រ្តី​ដាក់ទៅរដ្ឋសភា ដើម្បី​បោះ​ឆ្នោត​ផ្តល់​សេចក្តីទុកចិត្ត។ ​សំណើ​ចុះថ្ងៃ​ទី​១៦ខែមីនា លោក ហ៊ុន សែន បាន​បញ្ជាក់​ថា​បញ្ចប់មុខងារ​ លោក ហោ ណាំហុង រដ្ឋមន្រ្តី​ក្រសួងការបរទេស តាម​សំណើរបស់សាមីឥស្សរជន ដោយ​រក្សា​មុខងារ​ជា​ឧបនាយ​ករដ្ឋមន្រ្តីដដែល និង​តែង​តាំង​ លោក​ ប្រាក់ សុខុន ដែល​បច្ចុប្បន្ន​ជា​រដ្ឋមន្រ្តីក្រសួងប្រៃសណីយ៍ ជា​​រដ្ឋមន្រ្តីក្រសួងការបរទស។ ចំណែក​លោក​ត្រាំ អ៊ីវតឹក បច្ចុប្បន្ន​ជារដ្ឋមន្រ្តីក្រសួង​សាធារណការនិងដឹកជញ្ចូន​ ត្រូវផ្លាស់ប្តូរ​ទៅ​ជា​រដ្ឋមន្រ្តីក្រសួងប្រៃសណីយ៍និងទូរគមនាគមន៍។

លោក ហេង សំរិន ​ថា​សភា​កម្ពុជាមានសណ្តាប់ធ្នាប់ជាង​សភាអូស្រ្តាលី ពេលជជែកដេញដោល​

ប្រធាន​រដ្ឋសភា​ លោក ហេង សំរិន ដែល​បាន​ទៅ​បំពេញទស្សនកិច្ច​នៅ​ប្រទេស​អូស្រ្តាលី បាន​អះអាង​ថា​​រដ្ឋ​សភាកម្ពុជា​មាន​សណ្តាប់ធ្នាប់ជាង​សភាអូស្រ្តាលី នៅពេល​មាន​ការ​ជជែក​ដេញដោល​គ្នា។​លោក ហេង សំរិន ​បាន​លើកឡើង​បែប​នេះ​នៅពេល​លោក​ទៅ​បំពេញទស្សនកិច្ចផ្លូវ​ការ​​នៅប្រទេសអូស្រ្តា​លី ចាប់ពីថ្ងៃទី​១៣​ដល់​ថ្ងៃទី​១៦ ​ខែមីនា ឆ្នាំ​២០១៦។​ លោក​ ញ៉ែម ថ្ថាវី តំណាងរាស្ត្រមណ្ឌលខេត្តកំពង់ធំដែលអមដំណើរប្រធានរដ្ឋសភាក្នុងដំណើរទស្សនកិច្ចនេះ បាន​ប្រាប់អ្នក​សារព័ត៌មាន​កាលពីថ្ងៃ​ព្រហស្បតិ៍ ពេល​ត្រឡប់​មក​ដល់​កម្ពុជាវិញ​ថា​ដំណើរទស្សនកិច្ច​នេះ​គឺ​ធ្វើឡើង​ដើម្បីពង្រឹងទំនាក់ទំនងរវាងសភាទាំងពីរ។ លោក​បន្ត​ថា​លោក ហេង សំរិន ​បាន​ជួប​ជាមួយ​ប្រធាន​​រដ្ឋសភានិង​ព្រឹទ្ធសភា​នៅ​ប្រទេស​អូស្រ្តាលី។ លោកបន្ថែម​ថា​នេះ​ជា​លើក​ទី​មួយ​ដែល​លោក ហេង សំរិន បាន​ទៅ​បំពេញ​ទស្សនកិច្ចបែបនេះនិង​បាន​ឃើញ​ផ្ទាល់ពីការជជែក​ដេញដោល​គ្នា​នៅ​ក្នុង​រដ្ឋសភា​និង​​ព្រឹទ្ធសភា​។
ប្រធានគណបក្ស​សង្រ្គោះជាតិ លោក សម រង្ស៊ី កាលពីកន្លងទៅ

តុលាការកោះហៅលោក សម រង្ស៊ី តាម​បណ្តឹង​មន្រ្តីរដ្ឋាភិបាល​

តុលាការ​រាជធានី​ភ្នំពេញ​បាន​កោះហៅ​ប្រធានគណបក្ស​សង្រ្គោះជាតិ​ លោក សម រង្ស៊ី ចូល​បំភ្លឺ​តាម​បណ្តឹង​របស់មន្រ្តីរ​ដ្ឋាភិបាល រឿងនិយាយ​ពីLikesនៅលើហ្វេសប៊ុក​របស់នាយករដ្ឋមន្រ្តី។ ដីកាកោះ​ចុះថ្ងៃទី​១៦ខែមីនា ព្រះរាជ​អាជ្ញា​រង​លោក សៀង សុខ បាន​កោះ​អញ្ជើញ​លោក សម រង្ស៊ី ឲ្យ​ចូលបំភ្លឺ​នៅ​ថ្ងៃទី​២០​ខែ​មេសា ឆ្នាំ​២០១៦ វេលាម៉ោង​៩ព្រឹក ដើម្បីសួរ​ពីដំណើរ​រឿង​ឈ្មោះ សោម សឿន ប្តឹងអំពី​ការផ្សាយ​ព័ត៌មាន​លើ​ហ្វេសប៊ុក​។​

លោក ហ៊ុន សែន អះអាងថាលោកមានភស្តុតាងរឿងអ្នកនយោបាយមានស្រី

លោក ហ៊ុន សែន អះអាងថាលោកមានរូបភាពអ្នកនយោបាយល្បីឈ្មោះម្នាក់នាំស្រីទៅចូលសណ្ឋាមួយនៅទីក្រុងបាងកកប្រទេសថៃ។ ថ្វីត្បិតតែលោក ហ៊ុន សែន មិនបានបញ្ចេញឈ្មោះអ្នកនយោបាយនោះក៏ដោយតែមជ្ឈដ្ឋានជាច្រើន​គិតថា លោកនាយករដ្ឋមន្រ្តីសំដៅដល់លោក កឹម សុខា ដែលកំពុងរងការចោទថាមានអាស្រូវស្នេហា។

លោក ហ៊ុន សែន ចំអកឲ្យ​សម្តេចក្រុមព្រះនិងលោក ញឹក ប៊ុនឆៃ រឿងជម្លោះជាមួយគ្នា​

លោកនាយករដ្ឋមន្រ្តី ហ៊ុន សែន នៅថ្ងៃព្រហស្បតិ៍នេះ បានបដិសេធទៅនឹងសំណើរបស់សម្តេចក្រុមព្រះដែលបានរាយការណ៍ទៅលោកឲ្យពិចារណា​បញ្ចប់មុខតំណែងមន្រ្តីរដ្ឋាភិបាលដែលគាំទ្រគណបក្សហ្វ៊ុនស៊ិនហើយ​មិនបង់ប្រាក់ជូនគណបក្ស ហើយលោកក៏បាន​ចំអកឲ្យសម្តេចក្រុមព្រះនិងលោក ញឹក ប៊ុនឆៃ ផង​ដែរ។ ព្រះអង្គម្ចាស់នរោត្តម រណឫទ្ធិ បានរាយការណ៍ទៅនាយករដ្ឋមន្ត្រីពីសមាជិកបក្សហ៊្វុនស៊ិនប៉ិចដែលមានតួនាទីក្នុងជួររដ្ឋាភិបាលនិងទទួលបានប្រាក់ខែ តែ​មិនបានជួយបង់ប្រាក់ចូលគណបក្ស។ លោកធ្លាប់បានព្រមានឲ្យនាយករដ្ឋមន្រ្តីបញ្ចប់តំណែងអ្នកទាំងនោះ។

លោក ហ៊ុន សែន ថាការផ្លាស់ប្តូរ​រដ្ឋ​មន្រ្តី​មិន​មែន​​ជា​​ការ​”កម្ចាត់​ចោល​”នោះ​ទេ​

លោក​នាយករ​ដ្ឋមន្រ្តី​ ហ៊ុន សែន នៅ​ថ្ងៃ​ព្រហស្បតិ៍នេះ​ បាន​ថ្លែង​ថារដ្ឋមន្រ្តី​ប្រហែល​៨ទៅ​៩រូប​ នឹង​ត្រូវផ្លាស់​ប្តូរ​ ដោយ​​លោក​ថា​ការផ្លាស់ប្តូរ​នេះ​ដើម្បីធានា”ប្រសិទ្ធភាព​ការងារ” ​មិនមែន​ជា”កម្ចាត់ចោល​”នោះទេ។​ក្នុងពិធីចែកសញ្ញាបត្រដល់និស្សិតសាកលវិទ្យាល័យ​ន័រតុន ដែល​ធ្វើ​ឡើង​នៅ​កោះពេជ្រ លោកនាយករដ្ឋមន្រ្តី ហ៊ុន សែន បានថ្លែង​ថា​លោក​មិនទាន់អាច​ទម្លាយ​ថាតើរដ្ឋមន្រ្តីណា​នឹង​ត្រូវផ្លាស់ប្តូរនោះទេ តែ​លោក​ថា​មាន​ប្រហែលពី​៨ទៅ​៩រូប។ តែ​លោក​មិន​អាច​បញ្ជាក់​ថា​តើ​រដ្ឋមន្រ្តីទាំងនោះ​នឹង​ត្រូវបញ្ចប់​មុខតំណែង​ឬ​ផ្លាស់ប្តូរ​ទៅ​ដឹកនាំ​ក្រសួងផ្សេងនោះទេ។​ លោក​បញ្ជាក់​​ថា​ដោយ​សារ​រដ្ឋមន្រ្តីមួយចំនួនបានដឹង​ពីការផ្លាស់ប្តូរ ក៏បានដាក់ពាក្យ​សុំលាឈប់ផងដែរ​។​

​លោក ហ៊ុន សែន បញ្ជាក់ថា​នយោបាយ​ឈ្នះៗ​ជា​របស់​លោកសុទ្ធសាធ

ងពិធីចែកសញ្ញាបត្រដល់និស្សិតសាកលវិទ្យាល័យ​ន័រតុន ដែល​ធ្វើ​ឡើង​នៅ​កោះពេជ្រ លោកនាយករដ្ឋមន្រ្តីបានថ្លែង​ថា​លោ​ក​មិន​ដណ្តើម​របស់​គេ តែ​លោកថា​លោក​ក៏​មិន​អនុញ្ញាត​ឲ្យ​គេដណ្តើម​យក​នយោ​បាយ​​ឈ្នះ​ៗ ដែល​លោក​ថា​ជាកម្មសិទ្ធិ​របស់​លោក។ លោក​បញ្ជាក់​ថា​ដោយ​សារ​​នយោបាយ​ឈ្នះៗ​នេះ​នាំ​ឲ្យ​កម្ពុជា​ដែល​មានតំបន់​ត្រួតត្រាច្រើន ​មក​ជា​តំបន់ត្រួតត្រាតែមួយ។​

រដ្ឋាភិបាលដាក់ពាក្យទៅរដ្ឋសភា​ស្នើ​សុំដោះដូរគណៈរដ្ឋមន្ត្រី

មន្ត្រីនាំពាក្យនៃរដ្ឋសភាលោក ឡេង ប៉េងឡុង ឲ្យដឹងថា រដ្ឋាភិបាលបានដាក់សំណើទៅកាន់រដ្ឋសភា ដើម្បីស្នើដោះដូរគណៈរដ្ឋមន្ត្រី ដោយ​លោក​ថា​សំណើនេះនឹងត្រូវពិនិត្យបន្ទាប់ពីប្រធានរដ្ឋសភាវិលត្រឡប់ពីប្រទេសអូស្រ្តាលីវិញ។
លោក Hitn Kyaw ដែល​ទើប​ត្រូវបាន​បោះឆ្នោត​ក្លាយ​ជា​ប្រធានាធិបតី​ស៊ីវិល​ដំបូង​របស់​មីយ៉ាន់ម៉ាកាល​ពី​ថ្ងៃ​អង្គារ (រូប​ពី​BBC)

នាយករដ្ឋមន្ត្រីផ្ញើសារអបអរប្រធានាធិបតីមីយ៉ាន់ម៉ាដែលទើបជាប់ឆ្នោត

លោកនាយករដ្ឋមន្ត្រី ហ៊ុន សែន បានផ្ញើសារអបអរសាទរដល់លោក U Htin Kyaw ដែលទើបត្រូវបានបោះឆ្នោតឲ្យក្លាយជាប្រធានាធិបតីថ្មីនៃប្រទេសមីយ៉ាន់ម៉ា ដោយលោកបង្ហាញក្ដីសង្ឃឹមថា ទំនាក់ទំនងមិត្តភាព និងកិច្ចសហប្រតិបត្តិការរវាងប្រទេសទាំងពីរនឹងត្រូវបានពង្រឹង និងពង្រីកឲ្យកាន់តែស៊ីជម្រៅបន្ថែមទៀត។

នាយក​រដ្ឋមន្រ្តី​​រិះគន់​សារព័ត៌មាន​និង​អ្នក​នយោបាយ​ថានិយាយ​មិនពិត​ពីកម្ពុជា​

លោក​នាយករដ្ឋមន្រ្តី ហ៊ុន សែន នៅថ្ងៃ​ពុធនេះ បាន​ថ្លែង​ថា​កម្ពុជាពិត​និង​កម្ពុជា​លើ​បណ្តាញ​សារ​ព័ត៌មាន​ខុស​គ្នា ដោយ​លោក​បាន​រិះគន់សារព័ត៌មាន​និង​អ្នក​នយោបាយ​មួយ​ចំនួនថា​សរសេរនិង​និយាយ​ធ្វើ​ឲ្យ​ខូច​កេរ្តិ៍ឈ្មោះកម្ពុជា។​​ ​លោកនាយករដ្ឋមន្រ្តី​បាន​ថ្លែង​បែបនេះ​នៅ​ក្នុងពិធីសម្ពោធ​ឲ្យ​ប្រើប្រាស់ជាផ្លូវការស្ថានីយអ្នកដំណើរថ្មីនៅ​អាកា​ស​យាន្តដ្ឋានអន្តរជាតិភ្នំពេញ។ លោកបាន​ថ្លែង​ថារដ្ឋាភិបាល​បាន​អភិវឌ្ឍ​ប្រទេស​ជា​បន្តបន្ទាប់ រហូត​ដល់​មាន​ការ​ពង្រីកព្រលាន​យន្ត​ហោះ ​ដើម្បី​ទទួលភ្ញៀវទេសចរណ៍។ លោក​បន្ត​ថា​នេះ​ជា​កម្ពុជា​ពិត​ មិន​មែន​​នៅលើសារព័ត៌មាននោះទេ។ លោក​បាន​រិះគន់​​អ្នក​នយោបាយ​និង​សារព័ត៌មាន​មួយចំនួន​ ដែល​លោក​​ថា​​​និយាយ​អាក្រក់ពីកម្ពុជា​ខុសពីការពិត។

អង្គ​ការ​សម្ព័ន្ធ​មិត្ត​ខ្មែរ​អាមេរិកកាំងប្រកាន់ជំហរ​ជំទាស់នឹង​វត្ត​មាន​របស់លោក ហ៊ុន ម៉ាណែត

អង្គ​ការ​សម្ព័ន្ធ​មិត្ត​ខ្មែរ​អាមេរិកកាំង​បាន​ចេញ​សេចក្តីថ្លែងការណ៍​មួយ​ ដោយ​​ប្រកាន់ជំហរ​ជំទាស់​​នឹង​វត្ត​មាន​របស់​កូនប្រុសនាយករដ្ឋមន្រ្តី គឺ​លោក ហ៊ុន ម៉ាណែត ដែលត្រូវបាន​អញ្ជើញ​ចូលរួមកម្មវិធី​ចូលឆ្នាំខ្មែរ​នៅទីក្រុងឡុងប៊ិច រដ្ឋកាលីហ្វញ៉ា។​ នេះ​ជា​ការឆ្លើយ​តប​ទៅ​នឹង​នឹង​លោក ហ៊ុន ម៉ាណែត​ ដែលបានលើក​ឡើង​កាលពីសប្តាហ៍មុន​ថា​ដំណើរទស្សន​កិច្ច​របស់​លោក​ទៅអាមេរិក​មិន​មែន​ជា​រឿង​នយោបាយ​នោះទេ។
All articles loaded
No more articles to load