ជំនួយការ៖ លោក កែម ឡី ធ្លាប់ទាំងរងការគំរាមសម្លាប់​និងការសន្យាឲ្យតួនាទី

ជំនួយការលោក កែម ឡី រៀបរាប់ថាលោក កែម ឡី រងការគំរាមកំហែងខ្លាំងតាំងពីចុងខែឧសភា ដោយគំរាមឲ្យ​ឈប់និយាយរឿងសង្គម ហើយគេនឹងផ្តល់តំណែងនិងទ្រព្យសម្បត្តិសម្រាប់រស់នៅសុខស្រួល។
លោក​ អ៊ុំ​ សំ​អាន (ដោយ ជី បូណ៌មី)

លោក​ អ៊ុំ​ សំ​អាន​៖ អ្នក​ការពារ​ព្រំដែន​បែរ​ជា​ជាប់​គុក​ ចំណែកឯ​អ្នក​កាត់​ដី​ឱ្យ​យួន​បែរជា​រួចខ្លួន​

តំណាងរាស្ត្របក្សប្រឆាំងមួយរូបដែលសកម្មនឹងរឿងព្រំដែនគឺលោក អ៊ុំ សំ​​អាន បានបន្ត​រិះគន់រ​ដ្ឋាភិ​​បា​ល​ខ្លាំ​ង​ៗថា អ្នកដែលការពារបូរណភាពទឹកដីត្រូវជាប់ពន្ធនាគារ ចំណែក​អ្ន​ក​​កា​​ត់​​ដីឲ្យទៅប្រ​ទេសជិត​ខា​ងបែ​​រជាតាំងខ្លួ​នជាអ្នកស្នេហាជាតិ។

បក្ស​កាន់​អំណាច​ថ្កោលទោស​ការបាញ់ប្រហា​រលើ​លោក កែម ឡី​

គណបក្សកាន់អំណាច បាន​ថ្កោលទោស​យ៉ាង​ដាច់អហង្ការ​ចំពោះ​ការបាញ់ប្រហារ​ទៅលើ​លោក​បណ្ឌិត កែម ឡី នៅក្នុង​ម៉ា​ត​ស្ថិតក្នុង​ស្ថានីយប្រេងឥន្ធនៈ​កាល់​តិច នៅ​ព្រឹក​ថ្ងៃ​អាទិត្យ​នេះ​។​ ​ថ្លែង​ក្នុង​សេចក្ដី​ថ្លែង​ការណ៍​មួយ​នៅ​រសៀល​ថ្ងៃនេះ អ្នកនាំពាក្យ​គណបក្ស​ប្រជាជន​កម្ពុជា បាន​បង្ហាញ​នូវ​ការសោកស្ដាយ​យ៉ាង​ក្រៀមក្រំ​បំផុត​ចំពោះ​ឃាតកម្ម​ទៅលើ​អ្នកវិភាគ​សង្គម​រូបនេះ​។​

លោក ជួន សុវណ្ណ អះអាងថាខ្មាន់កាំភ្លើង​ពិតជា​ឃាតកបាញ់ប្រហា​រលោក កែម ឡី​

មន្ត្រីនគរបាល​រាជធានី​ភ្នំពេញ អះអាងថា សមត្ថកិច្ច​នឹង​បន្ត​ស៊ើបអង្កេត​បន្ថែម​ទៀត ទៅ​លើ​ករណី​ឃាតកម្ម​លើ​លោក​បណ្ឌិត កែម ឡី បន្ទាប់​ពី​ខ្មាន់កាំភ្លើង​ម្នាក់ ត្រូវបាន​សមត្ថកិច្ច​ចាប់ខ្លួនបាន​នៅ​ក្រោយ​ការបាញ់ប្រហារ​នោះ​។​ ​ថ្លែង​ទៅ​កាន់​ក្រុម​អ្នកសារព័ត៌មាន​នៅក្នុង​សន្និសីទកាសែត​នៅ​ស្នងការ​នគរបាល​រាជធានី​ភ្នំពេញ នៅ​រសៀល​ថ្ងៃ​អាទិត្យ​នេះ លោក ជួន សុវណ្ណ ស្នងការ​នគរបាល​រាជធានី​ភ្នំពេញ បាន​ប្រាប់ថា ជនសង្ស័យ​ឈ្មោះ ជួប សម្លាប់ ពិតជា​ឃាតករ​ពិតប្រាកដ ដែល​បាន​បាញ់សម្លាប់​លោក​បណ្ឌិត កែម ឡី នៅក្នុង​ម៉ា​ត​ស្ថិត​ក្នុង​កា​រ៉ាស់​ស៊ាំ​ងកាល់​តិច នៅ​ម៉ោង​ប្រហែល ៩​ព្រឹក​ថ្ងៃ​អាទិត្យ​នេះ​។​

ក្រសួង​មហាផ្ទៃ​អះអាងថា​នឹង​បន្ត​ស៊ើបអង្កេត​ល្អិតល្អន់​ចំពោះ​ឃាតកម្ម​លើ​លោក កែម ឡី​

​ក្រសួងមហាផ្ទៃ នៅ​រសៀល​ថ្ងៃ​នេះ បាន​និយាយថា ក្រសួង​នេះ​នឹង​បន្ត​ចាត់វិធានការ​ស្រាវជ្រាវ​ស៊ើបអង្កេត​ឲ្យបាន​ល្អិតល្អន់​ថែម​ទៀត​តាម​នីតិវិធី ចំពោះ​ឃាតកម្ម​លើ​លោក​បណ្ឌិត កែម ឡី អ្នកវិភាគ​សង្គម​ឯករាជ្យ នៅ​ព្រឹក​ថ្ងៃ​អាទិត្យ​នេះ​។​ ​ក្នុង​សេចក្ដីប្រកាស​ព័ត៌មាន​មួយ​ចេញ​នៅ​រសៀល​ថ្ងៃ​អាទិត្យ​នេះ ក្រៅពី​ចូល​រំលែក​ទុក្ខ​ជាមួយ​ក្រុម​គ្រួសារ​ជនរងគ្រោះ ក្រសួងមហាផ្ទៃ បាន​ថ្កោលទោស​យ៉ាង​ដាច់អហង្ការ​ចំពោះ​អំពើ​មនុស្សឃាត​ដ៏​សាហាវ​ឃោ​ឃៅ​នេះ ហើយ​ក្រសួង​នេះ ​ប្ដេជ្ញា​ចាត់​វិធា​​ន​ការស្រាវជ្រាវ​ស៊ើបអង្កេត​ឲ្យបាន​ល្អិតល្អន់​ថែម​ទៀត​តាម​នីតិវិធី​។​

Global Witness ថ្កោលទោស​ឃាតកម្ម​លើ​លោក​បណ្ឌិត កែម ឡី​

​អង្គការ Global Witness នៅថ្ងៃនេះ បាន​ថ្កោលទោស​យ៉ាង​ដាច់ខាត​ចំពោះ​ឃាតកម្ម​ដ៏​ឃោ​ឃៅ​ទៅលើ​លោក​បណ្ឌិត កែម ឡី នៅ​ព្រឹក​ថ្ងៃ​អាទិត្យ​នេះ​។​ ​លោក Patrick Alley សហ​ស្ថាបនិក​នៃ​អង្គការ Global Witness ដែល​មាន​មូលដ្ឋាន​នៅ​ទីក្រុង​ឡុង​ដ៍ ប្រទេស​អង់គ្លេស បាន​ថ្លែង​ប្រាប់​វី​អូ​ឌី​តាមរយៈ​សារ​អេឡិចត្រូនិច​នៅ​ថ្ងៃ​អាទិត្យ​នេះថា នេះ​គឺជា​ឃាតកម្ម​ថ្មី​បំផុត​ទៅលើ​សកម្មជន និង​អ្នកកាសែត​នៅក្នុង​ប្រទេស​កម្ពុជា ដែល​ត្រូវបាន​ធ្វើឡើង ដើម្បី​វាយប្រហារ​ទៅ​លើ​សំឡេង​ប្រឆាំង និង​អនុញ្ញាត​ឲ្យ​វប្បធ​ម៌និ​ទណ្ឌ​ភាព​បន្ត​កើតមាន​។​

មហាជន​បញ្ចេញ​ប្រតិកម្ម​ចម្រុះ​ចំពោះ​ឃាតកម្ម​លើ​លោក កែម ឡី​

​លោក កែម ឡី ដែល​ជា​អ្នកវិភាគ​នយោបាយ និង​សង្គម​ឯករាជ្យ ត្រូវបាន​ខ្មាន់កាំភ្លើង​បាញ់ប្រហារ​ស្លាប់​នៅក្នុង​ម៉ា​ត នៅ​ម្ដុំ​ស្តុប​បូកគោ នៅ​ប្រហែល​ម៉ោង ៩​ព្រឹក​ថ្ងៃ​អាទិត្យ​នេះ​។​ ​ឃាតកម្ម​ទៅលើ​លោក កែម ឡី ត្រូវបាន​មហាជន​ប្រតិកម្ម​ជា​បន្តបន្ទាប់​រហូត​មកដល់​រសៀល​ថ្ងៃ​ទី​១០ ខែកក្កដា​នេះ​។​ ​គណបក្ស​សង្គ្រោះ​ជាតិ បានចេញ​សេចក្ដីថ្លែងការណ៍​មួយ ដោយ​បាន​បង្ហាញ​ក្ដី​រន្ធត់ និង​ក្ដី​សោកស្ដាយ​យ៉ាងខ្លាំង ចំពោះ​ឃាតកម្ម​ទៅលើ​លោក​បណ្ឌិត កែម ឡី​។​

សមត្ថកិច្ចចាប់បានខ្មាន់កាំភ្លើងបាញ់ប្រហារលោកបណ្ឌិត កែម ឡី

ខ្មាន់កាំភ្លើងដែលបានបាញ់សម្លាប់លោកបណ្ឌិត កែម ឡី អ្នកវិភាគព្រឹត្តិការណ៍សង្គមឯករាជ្យនោះ ត្រូវបានសមត្ថកិច្ចចាប់ខ្លួនបានហើយនៅក្រោយហេតុការណ៍ឃាតកម្មបានកើតឡើង។ ព័ត៌មានបឋមពីកន្លែងកើតហេតុ ដែលរាយការណ៍ដោយអ្នកយកព័ត៌មានរបស់វីអូឌី បានឲ្យដឹងថា ខ្មាន់កាំភ្លើងនោះ ត្រូវបានសមត្ថកិច្ចចាប់ខ្លួនបាន នៅម្ដុំវត្តស្វាយពពែ។

លោក កែម ឡី ត្រូវខ្មាន់កាំភ្លើងបាញ់ស្លាប់នៅក្នុងម៉ាតស្តុបបូកគោ

លោក កែម ឡី អ្នកវិភាគព្រឹត្តិការណ៍សង្គមឯករាជ្យ ត្រូវបានខ្មាន់កាំភ្លើងបាញ់ប្រហារចំនួន ៣គ្រាប់ នៅក្នុង Star Mart របស់ការ៉ាស់ស៊ាំង Caltex នៅម្ដុំស្តុបបូកគោក នៅម៉ោងប្រហែល ៨ និង៤៥នាទីព្រឹកនេះ។
All articles loaded
No more articles to load