បទយកការណ៍៖ របរដាំបន្លែលើផ្ទៃបឹងទំពុនឈានទៅរកការបាត់បង់ទាំងស្រុង ក្រោយផ្ទៃបឹងចេះតែរួមតូចដោយការអភិវឌ្ឍ
ប្រជាពលរដ្ឋមួយចំនួននៅ«តំបន់បឹងទំពុន»ដែលប្រកបមុខរបរជាអ្នកដាំបន្លែយកទៅលក់នៅទីផ្សារមួយចំនួនក្នុងរាជធានីភ្នំពេញ អាចរកចំណូលចិញ្ចឹមជីវិត ផ្គត់ផ្គង់ការចាយវាយប្រចាំថ្ងៃ រួមទាំងការបង់ធានាគារប្រចាំខែ និងការសិក្សារបស់កូនបានមួយកម្រិតធំ។ យ៉ាងណា ប្រជាពលរដ្ឋបង្ហាញក្តីបារម្ភខ្លាចបាត់បង់មុខរបរ គ្មានប្រាក់ចំណូលចិញ្ចឹមគ្រួសារ ដោយសារតែបឹងនេះប្រឈមការបាត់បង់ទាំងស្រុងនាថ្ងៃអនាគត ក្រោមគម្រោងនៃការអភិវឌ្ឍឥតឈប់ឈរ។