កីឡា

ការ​ប្រកួត​រវាង​កីឡាករ ផាន់ គ្រាន់ និង​កីឡាករ​ថៃ Phun Savath (រូបភាព៖ សុខ ឆាយ)

ផាន់​ គ្រាន់ ​មិន​អស់​ចិត្ត​​ក្រោយ​ចាញ់កីឡាករថៃ

​កាល​ពីថ្ងៃ​អាទិត្យ​ទី​​​២៤ ខែ​មេសា កីឡាករ​ជើង​ខ្លាំង​ល្បី​ឈ្មោះ​​នៅ​ក្នុង​ពិភព​ប្រដាល់​​​​​​​ ​ផាន់ គ្រាន់ ​​​​​​​​​​​បាន​ត្រឹម​តែ​​​​ស៊ូជាមួយ​កីឡាករ​វ័យ​ក្មេង​មក​ពី​ប្រទេស​​​​ថៃ​ដល់​ទឹកចុង​ក្រោយ​ប៉ុណ្ណោះ។ ​លោក​ហាក់​មិន​អស់​ចិត្តនោះឡើយ​​នឹង​លទ្ធផល​ចាញ់ពិន្ទុ ​​ដោយ​អះ​អាង​ថា​គឺ​បណ្ដាល​មក​ពី​ការ​មើលស្រាលគូ​ប្រកួត និង​បណ្ដាល​មក​ពី​បញ្ហា​​​​​​​​កម្រាល​រអិល​​​​​​​នៅ​​ក្នុង​ការ​ប្រកួត​។

រដ្ឋាភិបាលត្រៀមថវិកា​ជាង៤០លានដុល្លារសម្រាប់រៀបចំកីឡាស៊ីហ្គេមឆ្នាំ២០២៣

លោក​នាយករដ្ឋមន្រ្តី ហ៊ុន សែន ឲ្យ​ដឹង​ថា​រដ្ឋាភិបាលកម្ពុជាត្រៀមប្រាក់បម្រុង​ប្រមាណជាង៤០លានដុល្លារ​សម្រាប់ការរៀបចំធ្វើជាម្ចាស់ផ្ទះកីឡាស៊ីហ្គេម​(SEA GAMES)លើកទី៣២ នៅឆ្នាំ២០២៣។លោក ហ៊ុន សែន​ បាន​​សរសេរ​នៅ​​លើ​ហ្វេសប៊ុក​របស់​លោក​នៅថ្ងៃ​សុក្រនេះ​ថា​ក្រៅអំពីថវិកាសាងសង់ពហុកីឡាដ្ឋានដែលជាជំនួយរបស់​ចិន រដ្ឋាភិបាលកម្ពុជាត្រៀមប្រាក់បម្រុង​ជាង៤០លានដុល្លារថែមទៀតទុកសម្រាប់​ការរៀបចំការប្រកួតកីឡាស៊ីហ្គេម។​

ពេជ្រ ម្ទេស​ខ្មាំង ឈ្នះ​តំណែង​ជើងឯកកៀកថ្ងៃ​​ចូល​ឆ្នាំ

នៅ​ទី​បំផុត ​កីឡាករ​វ័យ​ក្មេង​​ពេជ្រ ម្ទេស​ខ្មាំង​ មក​ពី​ក្លឹប​​អរុណរះ​កីឡា បាន​​ក្លាយ​ជាម្ចាស់​​ខ្សែ​ក្រវាត់​ជើង​ឯក​​​ដូចការ​គ្រោងទុក​មែន ​នៅ​​​ក្នុង​ព្រឹត្តិការណ៍​កំពូល​​ជើងឯក​ Tiffy Super Fight ​វគ្គ​​​៣​​​ដែល​បាន​ធ្វើ​ឡើង​នៅ​​ប៉ុស្ដិ៍​លេខ​​​៥​កាល​​ពី​​​​​ល្ងាច​ថ្ងៃ​ទី​​១០ មេសា។ នេះ​ជា​​​​​​​​លទ្ធផល​​ដែល​គេ​ចង់​បាន ហើយ​ក៏ជា​ជ័យជម្នះ​​​​​​​​​​​​​​​​គួរ​ជា​ទី​មោទនៈ​ផងដែរសម្រាប់​​​កីឡាករ​រូប​នេះ​​​​​​ក្នុង​​​​​​ឱកាស​​​បុណ្យ​ចូលឆ្នាំ​​ខ្មែរ។
លោក ព្រាប សុវត្ថិ នៅ​លើកឆាក​ប្រគំតន្ត្រី​នា​ពេល​កន្លង​មក (រូបភាព៖ វង្ស សុម៉ាលីន)

ព្រាប សុវត្ថិ ទៅ​ច្រៀងលក់​​សំបុត្រ​នៅ​កម្ពុជា​ក្រោម

​សល់​តែ​ប៉ុន្មាន​ថ្ងៃ​ទៀត​ប៉ុណ្ណោះ តារា​ចម្រៀង​​ល្បី​ឈ្មោះ​​លោក ​ព្រាប សុវត្ថិ នឹងដឹក​នាំ​ក្រុម​រាំ​អម​ដោយ​​​​អ្នក​​​រៀប​ចំ​​​​​សម្លៀក​​បំពាក់​ផ្ទាល់​ខ្លួនផង​​ប្រមាណ​​​​​​​​២០​នាក់ ចេញ​ទៅ​ច្រៀង​​នៅ​ប្រទេស​វៀតណាម ក្នុង​កម្មវិធី​តន្ត្រី​​លក់​សំបុត្រ​​​​​​ធំមួយដែល​រៀប​ចំ​នៅ​ខេត្ត​ព្រះ​​​ត្រពាំង​​​​​​ ដែន​ដី​​​​​​​​​​​ខ្មែរ​កម្ពុជា​ក្រោមក្នុង​ឱកាស​​បុណ្យ​ចូលឆ្នាំ​។ នេះ​ជា​​ការ​ចេញ​​ច្រៀង​​​​លើក​ទី​​១ ដែល​លោក​បាន​ជាន់​ទឹក​ដី​​​​​​​​​ដែលសម្បូរ​​​ដោយ​ពលរដ្ឋ​ខ្មែរ​រស់​នៅ​​​ក្នុងប្រទេស​វៀតណាម ដោយ​​​​ក្រៅ​ពី​លោក​ក៏​មាន​​​តារា​ចម្រៀង​​​​​​​​ល្បី​ឈ្មោះ​ជា​ច្រើន​ទៀត​​​​​​​ទៅ​ជា​មួយ​ផងដែរ។

​មាស ច័ន្ទ​មាន ធ្វើ​​ឲ្យ​ជើងខ្លាំង​ថៃសន្លប់​ក្នុងទឹក​ទី​​២

ផ្ទុយ​​ពី​ការ​​គិត​ទុក ​កីឡាករ​​​​​មាស ច័ន្ទមាន ​​បែរ​ជា​អាច​វាយ​ឲ្យ​​​កីឡាករ​ជើង​ខ្លាំង​របស់​ថៃ​​ឈ្មោះSuper Boy សន្លប់​ទាល់​តែ​បាន ដោយ​​​​​​នោះ​​​ជា​លទ្ធផល​សន្លប់​​ឈរ​លើ​រេញ​នោះ​ទៅ​ទៀត​។ កា​រ​ប្រកួត​​​ដែល​បាន​ធ្វើ​ឡើង​នៅ​លើ​សង្វៀន​​​​ទូរទស្សន៍​អាស៊ី​អាគ្នេយ៍​កាល​ពី​ថ្ងៃ​ទី​​​៣ មេសានេះ ធ្វើ​​​ឲ្យ​អ្នក​ទស្សនា​ជក់​ចិត្ត​យ៉ាង​ខ្លាំង​ ​ដោយ​ទម្រាំ​​ឆ្មក់​បាន​ឱកាស​ឈ្នះ​ថៃ ​​​កីឡាករ​កម្ពុជា​ខ្លួនឯង​ក៏​ប៊ិះ​នឹង​សន្លប់​​​​​ដូច​គ្នា​។

ម៉ន រដ្ឋា ​ ស៊ូ​ដល់​​៥​ទឹក​ក្រោម​កណ្ដាប់ដៃ​​​ថៃ

នៅទី​បំផុត​កីឡាករ​ជើង​ខ្លាំង​របស់​កម្ពុជា​ឈ្មោះ ម៉ន រដ្ឋា​​​​ បាន​ត្រឹម​តែ​​​​​​​ការពារ​ខ្លួន​មិន​ឲ្យ​សន្លប់​​មុន​ទឹក​​​ទី៥ ​ក្នុង​ការ​ប៉ះ​ប្រកួតជា​មួយ​​កីឡាករ​ថៃ​ប៉ុណ្ណោះ ​​កាល​ពី​ថ្ងៃ​អាទិត្យ​ទី​២៧ មីនា នៅ​ក្នុង​ព្រឹត្តិការណ៍​ប្រដាល់​អន្តរជាតិ​​​​​​​របស់​ទូរទស្សន៍អាស៊ី​អាគ្នេយ៍​។ ​ ​សមត្ថភាព​ស៊ូ​បាន​​​​៥​ទឹក​របស់​កីឡាករ​កម្ពុជា​ត្រូវ​បាន​គេ​​​​សរសើរផងនិង​រិះ​គន់​ផង។នៅ​ក្នុង​ការ​ប្រកួតដែល​​បាន​​ធ្វើឡើង​​យ៉ាង​ស្វិតស្វាញ​នោះ ​ម៉ន រដ្ឋា ​​​​​​​ខ្លា​​ចាស់​របស់​ក្លិប​​ការិយាល័យ​ទី​​៥​កង​ទ័ព​ជើង​គោក ​​បាន​​បញ្ចេញ​កណ្ដាប់​ដៃ​យ៉ាង​ខ្លាំង​ក្លា​​​​ទៅ​លើ​កីឡាករ​ថៃឈ្មោះ Pheach Ngenthang ។ ​ ​​សមត្ថភាព​វាយ​ចេញ​របស់​គេ ធ្វើ​ឲ្យ​កីឡាករ​​ឆ្លង​ប្រទេស​ជា​គូ​បដិបក្ខ​ទ័លទី​ម្ដង​ៗ ប៉ុន្តែ​​កណ្ដាប់​​បាន​ត្រឹម​​តែ​​កំឡា​​​​មិន​ឲ្យ​​កីឡាករថៃ​​​វាយ​លុកចូ​ល​ខ្លាំង​​ប៉ុណ្ណោះ។ ​​

យ៉េន ឌីណា បំបាក់មុខម្ចាស់ខ្សែក្រវាត់៣ស្ថាប័នរបស់ថៃ

នៅទីបំផុតការប្រកួតយ៉ាងស្វិតស្វាញរវាងកីឡាករកម្ពុជា យ៉េន ឌីណា និងកីឡាករ Soun Tepheap ដែលត្រូវគេស្គាល់ថាជាម្ចាស់ខ្សែក្រវាត់៣ស្ថាប័នមកពីប្រទេសថៃ គឺកីឡាករកម្ពុជាជាអ្នកឈ្នះពិន្ទុទាំងប្រផិតប្រផើយ។ ការប្រកួតរបស់ពួកគេ ត្រូវគេកត់សម្គាល់ថាទទួលបានការចាប់អារម្មណ៍យ៉ាងខ្លាំងនៅលើសង្វៀនទូរទស្សន៍អាស៊ីអាគ្នេយ៍កាលពីថ្ងៃអាទិត្យទី២០ ខែ​មីនា។
ក្រុមកីឡាករ Cambodia All Stars (រូប​ពី​ហ្វេសប៊ុក គណៈកម្មការ​ជាតិ​អូឡាំពិក​)

នាយករដ្ឋមន្ត្រីផ្ដល់ប្រាក់ដល់កីឡាករក្រុម Cambodia All Stars និងគ្រូបង្វឹកម្នាក់១០០០ដុល្លារ

លោកនាយករដ្ឋមន្ត្រី ហ៊ុន សែន ប្រកាសផ្ដល់ប្រាក់ដល់កីឡាករបាល់ទាល់ក្នុងក្រុម Cambodia All Stars និងក្រុមគ្រូបង្វឹកម្នាក់១០០០ដុល្លារ ដោយលោកថាដើម្បីលើកទឹកចិត្តដល់ពួកគេ បន្ទាប់ពីប្រកួតឈ្នះក្រុម Laos All Stars។
ការប្រកួត​មិត្តភាព​រវាង​ក្រុម Cambodia All Stars ជាមួយ​ក្រុម Laos All Stars (រូប​ពី​ហ្វេសប៊ុក​រដ្ឋមន្ត្រីក្រសួង​អប់រំ យុវជន និង​កីឡា)

ក្រុម Cambodia All Stars បំបាក់ Laos All Stars ៣ ទល់នឹង២

ក្រុមបាល់ទាត់ Cambodia All Stars បានយកឈ្នះលើក្រុម Laos All Stars ក្នុងការប្រកួតជាលក្ខណៈមិត្តភាព ដើម្បីអបអរសាទរខួបលើកទី៦០ឆ្នាំនៃចំណងមិត្តភាពការទូតកម្ពុជាឡាវ។

កូន​ភ្លោះ​កម្ពុជា​ប៉ះ​ថៃ ម្នាក់​​​​​​​ស្មើ ម្នាក់​សន្លប់​លើរេញ​

កាល​ពី​ថ្ងៃ​អាទិត្យ​ទី​១៣ មីនា នៅ​លើ​សង្វៀន​ទូរទស្សន៍​អាស៊ី​អាគ្នេយ៍​​មាន​ការ​ប្រកួតអន្តរជាតិ​ដូច​គ្នា​នឹង​សព្វ​ដង​។ ​យ៉ាង​ណា​ក៏​ដោយ​កា​រប្រកួតដែល​បាន​​ធ្វើ​ឡើនោះ ទទួល​បាន​​នូវ​ការ​ចាប់​អារម្មណ៍​​​​​​​​​​​​​​ខុស​ប្លែក​ពី​គេ ​ដោយ​សារ​តែ​នៅ​ក្នុង​ព្រឹត្តិការណ៍​​តែ​មួយ​សង្វៀន​តែ​មួយ គឺ​​​គេ​​ឲ្យ​កីឡាករ​ជើង​ខ្លាំង​​របស់​កម្ពុជា​​​ដែល​ជា​កូន​ភ្លោះ ឡើង​​ប្រកួត​គ្នា​ជា​មួយ​កីឡាករ​ថៃ​​ព្រម​គ្នា​។

សេក ចាន់រាជ្យ ឈ្នះ​ថៃ​ដោយ​​ពិន្ទុ​​​​​​​៥​ទល់​​​​​០

កាល​ពី​​​ព្រឹក​ថ្ងៃ​អាទិត្យ​ទី៦ ខែ​មីនា ​​​ កា​រប្រកួត​អន្តរជាតិ​​​​​​​​​​​ប្រចាំ​សប្ដាហ៍​របស់​ទូរទស្សន៍​អាស៊ីអាគ្នេយ៍ត្រូវ​គេ​កត់​សម្គាល់​ថា​ទទួលបាន​​ការ​ចាប់អារម្មណ៍យ៉ាង​ខ្លាំង​ពី​អ្នកទស្សនា​។ ក្នុង​ចំណោម​​២​គូ​អន្តរជាតិ​​​​​​​នៅ​លើសង្វៀន​នោះ ​​កីឡាករ​​ជើង​ថ្មី​ សេក ចាន់​រាជ្យ ​ ​ធ្វើ​​ឲ្យ​គេ​ស្ញើច​សរសើរ​មិន​ដាច់​ពី​មាត់ ​​​​បន្ទាប់​ពី​វាយ​​​​បំបាក់​ជើង​ខ្លាំង​ថៃ​ដោយ​លទ្ធផល​៥ទល់​​0 ​ពី​​​គណៈកម្មការ​វិនិច្ឆ័យ​ពិន្ទុ។
កីឡាករ​ សេក គឹមរួន ផ្ដួលកីឡាករ​ថៃ Yorth Sanan ក្នុង​ទឹក​ទី​១ (រូបភាព៖ សុខ ឆាយ)

មិនដល់មួយទឹក សេក គឹមរួន វាយថៃឲ្យបោះបង់ការប្រកួត

ការប្រកួតកាលពីថ្ងៃអាទិត្យទី២៨ ខែកុម្ភៈ នៅលើសង្វៀនទូរទស្សន៍អាស៊ីអាគ្នេយ៍ កីឡាករកម្ពុជា សេក គឹមរួន បានធ្វើឲ្យមានការភ្ញាក់ផ្អើលយ៉ាងខ្លាំង បន្ទាប់ពីបានប្រើស្នៀតមិនដល់មួយទឹក តែអាចធ្វើឲ្យគូប្រកួតបោះបង់ការតស៊ូ។ យ៉ាងណាក៏ដោយ សម្រាប់គូនេះ ភាគីខាងថៃបានប្រកាសសងសឹកដោយអះអាងថាមិនអស់ចិត្ត។
All articles loaded
No more articles to load