ពលរដ្ឋនៅខេត្តពោធិ៍សាត់ថាតម្លៃរូបចម្លាក់មានការធ្លាក់ចុះ

មុខរបរចម្លាក់ថ្មកែវ នៅតែមានការកើនឡើងទោះបីជាចំនួនអតិថិជនមានការថយចុះក៏ដោយ។ ជំនាញឆ្លាក់ថ្មកែវ គឺជាស្នាដៃដែលបន្សល់ទុកតាំងពីដូនតាអស់រយៈពេលជាច្រើនឆ្នាំមកហើយនៅក្នុងខេត្តពោធិ៍សាត់។ របរចម្លាក់ថ្មកែវនេះ ត្រូវបានប្រជាពលរដ្ឋ មួយចំនួននៅក្នុងខេត្ត យកមកធ្វើជាមុខរបរអាជីវកម្ម ដើម្បីចិញ្ចឹមជីវិត ហើយក៏មានការរីកចម្រើនពីមួយកន្លែង ទៅមួយកន្លែងផងដែរ។

លោក ទិត្យ រស្សី ជាជាងចម្លាក់ថ្មកែវម្នាក់ នៅភូមិបន្ទាយដី ឃុំបន្ទាយដី ក្រុងពោធិ៍សាត់ បាននិយាយថា ចំពោះរូបចម្លាក់ គឺមានទម្រង់ច្រើនផ្សេងៗគ្នា ដូចជារូបចម្លាក់ នាងចេក នាងចម បដិមា និងរូបផ្សេងៗទៀត។

លោកបញ្ជាក់ថា «ការឆ្លាក់រូបវាមានការរីកចម្រើនពិតមែន នៅក្នុងខេត្តពោធិ៍សាត់»។

លោកបន្ថែមទៀតថា រីឯការឆ្លាក់រូបវិញ មានការលំបាកគួរសមដែរ គឺវាអាស្រ័យទៅលើថ្មរឹង ឬថ្មទន់។​

អ្នកស្រី ហ៊ុន សោភិន្ធ ជាគ្រូបង្រៀនចម្លាក់ម្នាក់បានឲ្យដឹងថា​ ដោយសារមានការបង្កើតអាជីវកម្មចម្លាក់រូបច្រើនកន្លែងពេក ទើបបណ្ដាលឲ្យតម្លៃមានការធ្លាក់ចុះ ហើយក៏មានការប្រកួតប្រជែងទីផ្សារជាច្រើនផងដែរ។

អ្នកស្រីបញ្ជាក់ថា «តាមរយៈអាជីវកម្មនេះវាមានបញ្ហាខ្លះដែរ។ ហើយការលក់ដាច់បានរូបខ្លះគឺ វាអាស្រ័យទៅលើកត្តាជីវភាពរបស់ប្រជាពលរដ្ឋដែរ»។

អ្នកស្រីបានបន្តទៀតថា បើទោះបីជាតម្លៃមានការធ្លាក់ចុះ ប៉ុន្តែពួកគាត់នៅតែបន្តមុខរបរនេះបានទៀត។

បើតាមលោកពូ ចំរើន ជាអ្នកជិតខាងម្នាក់ បានឲ្យដឹងថា ចំពោះមុខរបរចម្លាក់នៅម្តុំនេះ គេប្រកបច្រើនគ្នាណាស់ ទាំងគេទាំងលោក។ លោកបន្ថែមថា អ្នកដែលរកស៊ីមុខរបរនេះត្រូវតែយោគយល់ និងចេះជួយគ្នាទៅវិញទៅមកទើបមានការរីកចម្រើន។

ដោយពលរដ្ឋអ្នកសារព័ត៌មាន ខេត្តពោធិសាត់ លោក ទួន ធៀង និងកញ្ញា ហ៊ន សុភារី

Facebook
Twitter
Telegram
LinkedIn

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។ ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។