កម្មករសំណង់ស្ត្រី ត្អូញត្អែពីប្រាក់ឈ្នួលមិនស្មើគ្នា ខណៈធ្វើការដូចគ្នានឹងបុរស

កម្មករជាស្ត្រីធ្វើការផ្នែកចាក់បេតុងជញ្ជាំង និងបាតប្រឡាយធំ ដំណាក់អំពិលខេត្តពោធិ៍សាត់ បានប្រាប់ឱ្យដឹងថា ពួកគាត់ធ្វើការនៅទីវាលដូចកម្មករប្រុសៗដែរ ប៉ុន្តែទទួលបានប្រាក់ឈ្នួលប្រចាំថ្ងៃតិចជាងកម្មករប្រុសៗ។

អ្នកស្រី រ៉ា លៀប ជាកម្មករស្រ្តីម្នាក់ក្នុងចំណោមកម្មករស្រ្តីដ៍ទៃទៀតបានឲ្យដឹងថា ពួកគាត់ទទួលបានប្រាក់ឈ្នួលក្នុងមួយថ្ងៃត្រឹមតែ ២៥.០០០៛ ចំណែកឯកម្មករប្រុសទទួលបាន៣០.០០០៛ក្នុងមួយថ្ងៃ។

អ្នកស្រីបន្តថា៖ «ធ្វើការហត់ដូចគ្នា នៅហាលក្តៅដួចគ្នាហើយអត់ជំនាញដូចគ្នា តែបានប្រាក់ឈ្នួលអត់ស្មើគ្នា»។

កម្មករស្រ្តីម្នាក់ទៀត សុំមិនបញ្ចេញឈ្មោះ ក៍បាននិយាយប្រហាក់ប្រហែលគ្នាដែរថា ទោះប្រាក់ឈ្នួលអត់ស្មើគ្នាក៏គាត់សុខចិត្តទ្រាំធ្វើ ព្រោះគ្មានជម្រើស៖ «មិនដឹងធ្វើអី ខែនេះអត់មានការងារធ្វើ ចេះតែមកធ្វើទៅគ្រាន់បានលុយខ្លះឱ្យកូនចាយ បើនៅផ្ទះទំនេរកាន់តែអត់ទៀត»។

លោក ហេង ចិន ជាអ្នកម៉ៅការសំណង់នេះបានប្រាប់ឲ្យដឹងថា មូលហេតុដែលគាត់ជួលកម្មករស្រ្តីតម្លៃទាបជាងកម្មរបុរសដោយសារកម្មករស្រ្តីចេះតែធ្វើការងារពីរមុខ គឺកើបហើយនឹងកាយ ចំណែកកម្មករប្រុសវីញគេធ្វើបានច្រើមុខ ដូចជាលីស៊ីម៉ង់ឬវាយពុម្ពជាដើម។

លោកបន្តថា៖ «ពួកគាត់ធ្វើបានការងារល្មមៗ ឱ្យលីស៊ីម៉ង់ អូសរទេះម្នាក់ឯងឬកាន់ម៉ាស៊ីនគឺកាន់មិនកើត ចឹងតម្លៃនឹងវាសមរម្យនឹងការងាររបស់ពួកគាត់ហើយ»។

ដោយពលរដ្ឋអ្នកសារព័ត៌មាន ខេត្តពោធិ៍សាត់លោក នូ រ៉េន

Facebook
Twitter
Telegram
LinkedIn

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។ ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។