ព័ត៌មានថ្ងៃនេះ ​មន្ត្រី​គណបក្ស​សង្គ្រោះ​ជាតិ​៖ គណបក្ស​នៅ​តែ​បន្ត​ស្រាវជ្រាវ​ឯកសារ​ពាក់ព័ន្ធ​ករណី​ព្រំដែន​ជាមួយ​វៀតណាម​បំណុលសាធារណៈ វគ្គ២ បញ្ចប់ (វីដេអូ)បំណុលសាធារណៈ វគ្គ១ (វីដេអូ)GMAC​ថា​វិទ្យាស្ថាន​បណ្ដុះបណ្ដាល​វិជ្ជាជីវៈ​នឹង​ជួយ​បង្កើន​បុគ្គលិក​ជាន់ខ្ពស់​ជា​​ជនជាតិ​ខ្មែរ​ក្នុង​​រោងចក្រ​​រដ្ឋាភិបាល​ប្រកាស​ឈប់​ផ្ទៀងផ្ទាត់​ផែនទី​ទៀតហើយ​​ (វីដេអូ)​បទ​ពិពណ៌នា​៖ ស្ត្រី​សកម្មជន​ដីធ្លី​ឣា​យុ​ជិត​៨០​ឆ្នាំ​នៅ​បឹងកក់​ប្រឹង​តវ៉ា​ជិត​៦​ឆ្នាំរហូត​បាន​ដី​វិញវិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជានឹងជួយបង្កើនបុគ្គលិកជាន់ខ្ពស់ជាជនជាតិខ្មែរ (វីដេអូ)ស្ថានទូត​អាមេរិក​សម្ដែង​ការព្រួយបារម្ភ​ពី​សេរីភាព​នៃ​ការបញ្ចេញមតិ ករណី​ឃាត់ខ្លួន​នៅ​កោះកុង​​ជំហរ​របស់​គណបក្ស​ផ្សេងៗ​លើ​ការបញ្ចប់​ការផ្ទៀងផ្ទាត់​ផែនទី​​មន្ត្រី​គណបក្ស​កាន់អំណាច​ព្រមាន​មន្ដ្រី​ណា​ដែល​ហ៊ាន​និយាយថា​ផែនទី​ក្លែងក្លាយ​

ថ្ងៃសុក្រ ទី4 កញ្ញា 2015
អំពីវីអូឌី | ទំនាក់ទំនង

ព័ត៌មានថ្មីបំផុត

ព័ត៌មានក្នុងប្រទេស

មើលព័ត៌មានក្នុងប្រទេសទាំងអស់
  • ​មន្ត្រី​គណបក្ស​សង្គ្រោះ​ជាតិ​៖ គណបក្ស​នៅ​តែ​បន្ត​ស្រាវជ្រាវ​ឯកសារ​ពាក់ព័ន្ធ​ករណី​ព្រំដែន​ជាមួយ​វៀតណាម​

    ថ្ងៃសុក្រ ទី4 កញ្ញា 2015 | 33 នាទី មុន

    ​តំណាងរាស្ត្រ​គណបក្ស​សង្គ្រោះ​ជាតិ លោក អ៊ូ ច័ន្ទ​ឫទ្ធិ ដែល​ជា​ប្រធាន​ក្រុម​អ្នកសង្កេតការណ៍​របស់​គណបក្ស​នេះ​សម្រាប់​ការផ្ទៀងផ្ទាត់​ផែនទី​ពី​ប្រភព​ផ្សេងៗ​ជាមួយ​ផែនទី​របស់​រដ្ឋាភិបាល បាន​អះអាង​ថា ទោះ​ជា​រដ្ឋាភិបាល​ប្រកាសថា ការផ្ទៀងផ្ទាត់​ផែនទី​បាន​បិទ​បញ្ចប់​ក្ដី​ក៏​គណបក្ស​នៅ​ប្រកាន់​ជំហរ​ស្រាវជ្រាវ​ឯកសារ​ពាក់ព័ន្ធ​ករណី​ព្រំដែន​ជាមួយ​វៀតណាម ។  ​លោក អ៊ូ ច័ន្ទ​ឬ​ទ្ធិ បាន​ថ្លែង​បែបនេះ កាលពី​ថ្ងៃ​ទី​៣ ខែ​សីហា នៅ​វិមាន​សន្តិភាព​ចំពោះមុខ​អ្នកសារព័ត៌មាន ដែល​បាន​ចោមរោម ចោទសួរ​លោក​អំពី​ជំហរ​របស់​គណបក្ស​សង្គ្រោះ​ជាតិ ដែល​មក​សង្កេតការណ៍​មើល​ការ​ការផ្ទៀងផ្ទាត់​ផែនទី​ខែ្មរ​យក​មក​ពី​ប្រទេស​បារាំង ជាមួយ​ផែនទី របស់​រដ្ឋាភិបាល​ដែល​បាន​ប្រើ​សម្រាប់​បោះបង្គោល​ព្រំដែន​ជាមួយ​ប្រទេស​វៀតណាម​។​

    [អានបន្ត]
  • GMAC​ថា​វិទ្យាស្ថាន​បណ្ដុះបណ្ដាល​វិជ្ជាជីវៈ​នឹង​ជួយ​បង្កើន​បុគ្គលិក​ជាន់ខ្ពស់​ជា​​ជនជាតិ​ខ្មែរ​ក្នុង​​រោងចក្រ​

    ថ្ងៃព្រហស្បតិ៍ ទី3 កញ្ញា 2015, 06:43 PM

    ​ប្រធាន​សមាគម​រោងចក្រ​កាត់ដេរ​នៅ​កម្ពុជា​ហៅ​កាត់​ថា GMAC លោក វ៉ាន ស៊ូ​អៀង នៅ​ព្រឹក​ថ្ងៃ​ព្រហស្បតិ៍​នេះ​លើកឡើង​ថា វិទ្យាស្ថាន​បណ្ដុះបណ្ដាល​វិជ្ជាជីវៈ​សម្រាប់​វិស័យ​កាត់ដេរ​នៅ​កម្ពុជា​នឹង​ជួយ​បណ្ដុះបណ្ដាល​និយោជិត​ខ្មែរ​ឲ្យមាន​លទ្ធភាព​ក្លាយ​ជា​បុគ្គលិក​ជាន់ខ្ពស់​នៅ​តាម​រោងចក្រ កាត់បន្ថយ​ការជួល​និយោជិត​ពី​បរទេស​។​ ​លោក វ៉ាន់ ស៊ូ​អៀង បាន​លើកឡើង​បែប​នេះ​ក្នុង​ពិធី​បញ្ចុះ​បឋមសិលា​ការសាងសង់​អគារ​វិទ្យាស្ថាន​បណ្ដុះបណ្ដាល​វិជ្ជាជីវៈ​សម្រាប់​វិស័យ​កាត់ដេរ​នៅ​កម្ពុជា​(CGTI) ដែល​មាន​តម្លៃ​ប្រមាណ​ជា​៣​លាន​ដុល្លារ​។ លោក​មានប្រសាសន៍ថា សព្វ​ថ្ងៃ​ដោយសារ​អ្នកវិនិយោគ​ជាង​៩០%​ជា​ជនបរទេស ហើយ​កម្ពុជា​មិន​សូវ​មាន​ធនធានមនុស្ស​ដែល​អាច​ធ្វើ​ការងារ​កម្រិត​ខ្ពស់​បាន ទើប​តាម​ក្រុមហ៊ុន​និង​រោងចក្រ​ទាំងនោះ​ភាគច្រើន​មាន​និយោជិត​ជាន់ខ្ពស់​ជា​ជនបរទេស​ដែល​ត្រូវ​ចំណាយ​លើ​ប្រាក់ខែ​ច្រើនជាង​បុគ្គលិក​ជា​ជនជាតិខ្មែរ​។ 

    [អានបន្ត]
  • ​បទ​ពិពណ៌នា​៖ ស្ត្រី​សកម្មជន​ដីធ្លី​ឣា​យុ​ជិត​៨០​ឆ្នាំ​នៅ​បឹងកក់​ប្រឹង​តវ៉ា​ជិត​៦​ឆ្នាំរហូត​បាន​ដី​វិញ

    ថ្ងៃព្រហស្បតិ៍ ទី3 កញ្ញា 2015, 06:16 PM

    ភាព​រីករាយហាក់​កើតមាន​ឡើង​វិញ ក្នុង​គ្រួសារ​របស់​ស្ត្រី​អាយុ​ជិត​៨០​ឆ្នាំ​ម្នាក់ នៅ​តំបន់​បឹងកក់ រាជធានី​ភ្នំពេញ ក្រោយ​ពី​សកម្មជន​រូប​នោះ ចេញ​តវ៉ា​ជិត​៦​ឆ្នាំ ប្រឆាំង​នឹង​ការបណ្តេញចេញ ពី​គម្រោង​អភិវឌ្ឍន៍របស់​ក្រុមហ៊ុន​ស៊ូកា​គូ​អ៊ី​ន ដែល​ទទួលបាន​សិទ្ធិ​ពី​រដ្ឋាភិបាល​។  អាយុ​៧៦​ឆ្នាំ លោកយាយ ង៉ែត ឃុន ដែល​អ្នក​មាន​ជម្លោះ​ដីធ្លី ហៅរ​ត់មាត់​ថា យាយមាំ​ម៉ី​នោះ បាន​ផ្តល់​បទសម្ភាសន៍​ជាមួយ VOD ពេល​ចុះ​ជួប​នៅ​គេហដ្ឋាន ដែល​កំពុង​សាងសង់​ថ្មី លើ​ផ្ទៃដី​ទំហំ ៨​គុណ​នឹង​១៨ម៉ែត្រលើ​ទីតាំង​ចាស់​នេះ គឺ​ធ្វើឡើង​ក្រោយ​ពី​អាជ្ញាធរបានប្រគល់​ប័ណ្ណកម្មសិទ្ធិ​ដីធ្លី​ជា​ផ្លូវការ ឲ្យ​កាលពី​ប៉ុន្មាន​ខែ​មុននេះ​។​

    [អានបន្ត]
  • ស្ថានទូត​អាមេរិក​សម្ដែង​ការព្រួយបារម្ភ​ពី​សេរីភាព​នៃ​ការបញ្ចេញមតិ ករណី​ឃាត់ខ្លួន​នៅ​កោះកុង​

    ថ្ងៃព្រហស្បតិ៍ ទី3 កញ្ញា 2015, 05:39 PM

    ​ស្ថានទូត​អាមេរិក​ប្រចាំ​ប្រទេស​កម្ពុជា​បង្ហាញ​ការព្រួយបារម្ភ​ករណី​អាជ្ញាធរ​ខេត្ត​កោះកុង​ឃាត់ខ្លួន​មន្ត្រី​សិទ្ធិមនុស្ស អ្នកសារព័ត៌មាន និង​តំណាង​សហគមន៍​១៧ ដោយ​ស្ថានទូត​ជំរុញ​ឲ្យ​រដ្ឋាភិបាល​ធានា​ថា សេរីភាព​នៃ​ការបញ្ចេញមតិ និង​ការតវ៉ា​ដោយ​សន្តិវិធី​ត្រូវបាន​ឲ្យ​តម្លៃ និង​ការពារ​។​ ​កាល​ពី​ម្សិលមិញ មន្ត្រី​អង្គការ​សង្គម​ស៊ីវិល អ្នកសារព័ត៌មាន និង​តំណាង​សហគមន៍​១៧​នាក់ ត្រូវបាន​សមត្ថកិច្ច​ខេត្តកោះកុង​ឃាត់ខ្លួន ក្នុង​ហេតុការណ៍​នៃ​ការតវ៉ា​របស់​ប្រជាពលរដ្ឋ​ទាមទារ​ឲ្យមាន​ការដោះលែង​សកម្មជន​បរិស្ថាន​៣​រូប ដែល​ត្រូវបាន​អាជ្ញាធរ​ឃាត់ខ្លួន​កាលពីពេល​កន្លង​ទៅ​។ 

    [អានបន្ត]
  • ​ជំហរ​របស់​គណបក្ស​ផ្សេងៗ​លើ​ការបញ្ចប់​ការផ្ទៀងផ្ទាត់​ផែនទី​

    ថ្ងៃព្រហស្បតិ៍ ទី3 កញ្ញា 2015, 05:38 PM

    គណបក្ស​បក្សប្រឆាំង ​និង​គណបក្ស​ដែល​គាំទ្រ​រដ្ឋាភិបាល​បានបង្ហាញ​ជំហរ​ផ្សេងៗ​គ្នា លើ​ការបញ្ចប់​គារផ្ទៀងផ្ទាត់​ផែនទី​យក​មក​ពី​ប្រទេស​បារាំង ជាមួយ​ផែនទី​រដ្ឋាភិបាល​កម្ពុជា ដែល​កំពុង​ប្រើប្រាស់​លើ​ការបោះបង្គោល​ព្រំដែន​ជាមួយ​វៀតណាម ខណៈ​មន្ត្រី​រដ្ឋាភិបាល​ថា ផែនទី​នោះ​ដូច​គ្នា​។  គណបក្ស​ហ្វ៊ុនស៊ិនប៉ិច បាន​ចេញ​សេចក្តីប្រកាស​ព័ត៌មាន​នៅ​ថ្ងៃ​ទី​៣ ខែកញ្ញា​នេះ ដោយ​បាន​វាយតម្លៃ​ខ្ពស់​ចំពោះ​ការផ្ទៀងផ្ទាត់​ផែនទីពី​បារាំង​ចំនួន​២៦​ផ្ទាំង ជាមួយ​ផែនទី​ដែល​រដ្ឋាភិបាល​អះអាងថា ​កំពុង​ប្រើប្រាស់​នោះ គឺ​បាន​ប្រព្រឹត្តទៅ​ដោយ​តម្លាភាព និង​ប្រកបដោយ​សុ​ឆន្ទៈ​ពិតប្រាកដ​។​

    [អានបន្ត]
  • ​មន្ត្រី​គណបក្ស​កាន់អំណាច​ព្រមាន​មន្ដ្រី​ណា​ដែល​ហ៊ាន​និយាយថា​ផែនទី​ក្លែងក្លាយ​

    ថ្ងៃព្រហស្បតិ៍ ទី3 កញ្ញា 2015, 05:30 PM

    ​មន្ត្រីជាន់ខ្ពស់​គណបក្ស​ប្រជាជន​កម្ពុជា នៅ​ខេត្ដ​ព្រះវិហារ ព្រមាន​មន្ត្រី​គណបក្សប្រឆាំង​និង​មន្ត្រី​ផ្សេង​ទៀតកុំ​ឲ្យ​និយាយថា រដ្ឋាភិបាល​ប្រើប្រាស់​ផែនទី​ក្លែងក្លាយ​។​ ​សមាជិក​ក្រុមប្រឹក្សា​ខេត្ដ​ព្រះវិហារ មកពី​គណបក្ស​សង្គ្រោះ​ជាតិ លោក សឹង សាន់ដេ ឲ្យ​VOD​ដឹង​នៅ​ថ្ងៃនេះ​ថា ការព្រមាន​នេះ​ធ្វើឡើង​ដោយ​សមាជិក​ក្រុមប្រឹក្សា​ខេត្ដ​មកពី​គណបក្ស​ប្រជាជន​កម្ពុជា គឺ​លោក ខូ​យ ឃុន​ហ៊ នៅក្នុង​ពេល​ប្រជុំ​ក្រុមប្រឹក្សា កាលពី​ថ្ងៃ​ទី​១ ​ខែកញ្ញា​នេះ​។ លោក​ថា មន្ត្រី​បក្ស​កាន់​អំណាច​រូបនេះ បាន​ព្រមាន​ថា​នឹង​ចាប់ខ្លួន​សមាជិក​ក្រុមប្រឹក្សា មន្ដ្រីរាជការ និង​កងកម្លាំងប្រដាប់អាវុធ​រូប​ណាមួយដាក់ពន្ធនាគារ បើ​ហ៊ាន​និយា​ថា រដ្ឋាភិបាល​ប្រើ​ផែនទី​ក្លែងក្លាយ។​

    [អានបន្ត]

ព័ត៌មានផ្សេងៗ

ព័ត៌មានអន្តរជាតិ

មើលព័ត៌មានអន្តរជាតិទាំងអស់
​ទូក​មួយ​គ្រឿង​ដឹក​មនុស្ស​៧០​ក្រឡាប់​សម្លាប់​មនុស្ស១៣​នាក់​នៅ​ម៉ាឡេស៊ី

ថ្ងៃព្រហស្បតិ៍ ទី3 កញ្ញា 2015, 03:57 PM

​ទូក​មួយ​គ្រឿងដឹក​មនុស្សជិត​៧០​នាក់​ ដែល​អះអាង​ថា​ដឹក​ជន​ចំណាកស្រុក​ជនជាតិឥណ្ឌូណេស៊ី បានក្រឡាប់នៅ​ឈូង​សមុទ្រម៉ាឡេស៊ីភាគ​ខាងលិចនៅក្បែរច្រកម៉ា​ឡា​កា​ដោយ បណ្ដាលឱ្យ​មនុស្ស​ស្លាប់​១៣​នាក់។​ ​ប្រធាន​ទីភ្នាក់ងារឆ្មាំ​សមុទ្រ​ម៉ាឡេស៊ី លោក Mohamad Aliyas Hamdan និយាយថា ទូក​មួយ​គ្រឿង​នេះ​ក្រឡាប់​នៅសមុទ្រ​ភាគ​ខាងលិចប្រទេស​ម៉ាឡេស៊ីកាលពី​ព្រឹក​មិញ​នេះ​។​

[អានបន្ត]

ព័ត៌មានផ្សេងៗ

ព័ត៌មានកំសាន្ត

មើលព័ត៌មានកំសាន្តទាំងអស់
  • ​សមាគម​សិល្បៈ​បន្ត​ដាក់​ញត្តិ​សង្គ្រោះ​ភាពយន្ត​ខ្មែរ

    ថ្ងៃព្រហស្បតិ៍ ទី3 កញ្ញា 2015, 09:01 AM

    ​សមាគម​សិល្បៈ​ខ្មែរ ប្រកាស​បន្ត​ដាក់​ញត្តិ​ទៅ​កាន់​ស្ថាប័ន​ពាក់ព័ន្ធ ស្នើ​ឲ្យមាន​ការធានា​ឲ្យមាន​ការចា​ក់​ផ្សាយ​រឿង​ខ្មែរ​នៅ​លើ​កញ្ចក់​ទូរទស្សន៍ ដោយ​អះអាង​ថា ដើម្បី​ជួយសង្គ្រោះ​ភាពយន្ត​ភាគ​ខ្មែរ​ឲ្យមាន​វត្តមាន​នៅលើ​កញ្ចក់ទូរ​ទស្សន៍​។​ ​មន្ត្រី​សមាគម​សិល្បៈ​ខ្មែរ​បាន​ប្រកាស​ដូចនេះ នៅក្នុង​ពិធី​តែងតាំង​នាយ​ឃ្លោក​ជា​ប្រធានកិត្តិយស​ថ្មី ជំនួស​ឲ្យ​ការលាឈប់​របស់ លោក អៀង ស៊ី​ធុល និង​ការប្រកាស​ដំឡើង​លោក កុយ ស៊ី​ឌឿ​ន ពី​អគ្គ​ហេរញ្ញិក​រង​មកជា​អនុប្រធាន​សមាគម​។ សមាគម​តំណាង​តារា​សិល្បៈ​មួយ​នេះ​ក៏​បាន​អះអាង​ថា នឹង​ធ្វើ​ចំណាត់ការ​រហូត​ទាល់តែ​មាន​ការធានា​១០០%​ថា ការចាក់ផ្សាយ​រឿង​ខ្មែរ​នៅ​លើ​កញ្ចក់​ទូរទស្សន៍ ពិតជា​ត្រូវ​អនុវត្តន៍​តាម​ការទា​ម​ទារ​។ 

    [អានបន្ត]
  • ​ឪពុកដា​លី​សប្រាប់​មូលហេតុ​ចោលចំ​រ៉ុងយក​តុលា​

    ថ្ងៃពុធ ទី2 កញ្ញា 2015, 10:19 AM

    ​កាលពី​៣​ឆ្នាំមុន លោក ប៉ែន តុលា គូ​ដណ្ដឹង​របស់ ភិន សុ​ដា​លី​ស គ្រាន់តែ​ជា​តារា​សម្ដែង​ដូចគ្នា​នឹង​លោក ប៉ែន ចំ​រ៉ុង ប៉ុណ្ណោះ​។ អញ្ចឹង​ហើយ​ទើប​មាន​ការ​ចោទសួរ​យ៉ាងខ្លាំង ថា​ហេតុអ្វី លោក​អ៊ិន សុ​ភិន ឪពុក​របស់​នាង នៅ​រក្សា​ជំហរ​មិន​លើក​កូនស្រី​ឲ្យ​ប៉ែន ចំ​រ៉ុង ដែល​មាន​កេរ្តិ៍ឈ្មោះ​ល្បី​ជាង ហើយ​សុខចិត្ត​ជំរុញ​ឲ្យ​យកគូ​ដណ្ដឹង​នោះ​ទៅ​វិញ ជំទាស់​ចិត្ត​កូនស្រី​ទៅវិញ​។ ​លោក អ៊ិន សុ​ភិន បញ្ជាក់ថា រវាង ប៉ែន តុលា និង​ប៉ែន ចំ​រ៉ុង មិន​ត្រឹមតែ​មានត្រកូល​ដូច​គ្នា​ប៉ុណ្ណោះ​ទេ ប៉ុន្តែ​ក៏​ជា​តារា​សិល្បៈ​ដូចគ្នា និង​ជា​បុរស​ដែល​ចូល​មក​ពាក់ព័ន្ធ​កូនស្រី​របស់​ខ្លួន គឺ​ភិន សុ​ដា​លី​ស ដូច​គ្នា​ផង​ដែរ​។ យ៉ាងណាក៏ដោយ លោក​បាន​បង្ហាញ​នូវ​ទល្ហីករណ៍​ជាច្រើន ដែល​ឆ្លុះបញ្ចាំង​ថា​អ្នក​ទាំង​ពីរ​មិន​ដូចគ្នា​។ លោក​និយាយថា៖ "សម្រាប់​ខ្ញុំ តុលា​ក៏​មិនមែន​ឧកញ៉ា ហើយ​ចំ​រ៉ុង ក៏​មិន​អ្នក​អន់​អី អញ្ចឹង​បើ​កូនស្រី​ស្រឡាញ់​អ្នកណា​គួរតែ​តាម​មិន​អញ្ចឹង ប៉ុន្តែ​មក​ពី​ខ្ញុំ​មើល​ឃើញ​គុណសម្បត្តិ​របស់​ពីរ​នាក់​ខុសគ្នា ទើប​មិន​យល់ព្រម​គាំទ្រ​ឲ្យ​ដាលីស យក​ចំ​រ៉ុង​ទេ​។ [​តែ​]​បើ​ពីរ​នាក់​[​ចំ​រ៉ុង និង​ដា​លី​ស​]​យក​គ្នា​បាន​យ៉ាងម៉េច​យកទៅ​​"​។ 

    [អានបន្ត]
  • ប៉ែន ចំរ៉ុង រង​បណ្ដឹង​នៅតុលាការ​ ខណៈភិន សុដាលី បាត់ពីផ្ទះ​​

    ថ្ងៃចន្ទ ទី31 សីហា 2015, 06:29 AM

    ​​​​ប៉ុន្មាន​នាទី​ក្រោយ​ពី​កញ្ញា​ ភិន សុដាលីស ​​បង្ហោះ​វីដេអូឃ្លីប​​ លោក ​អ៊ិន សុភិន ​​ជា​​ឪពុកនិង​ជា​ថៅកែ​ផលិតកម្ម​មហាហង្ស​បានបញ្ជាក់​ប្រាប់​វីអូឌី(VOD)ភ្លាមថាកូន​ស្រី​​​របស់​លោក​​​បាត់​ដំណឹង​និង​​ទាក់ទង​លែង​បាន​៣​​ថ្ងៃ​មក​ហើយ​ ដោយ​មិន​ទាន់​​មាន​ដំណឹង​ឡើយ​។ អញ្ចឹង​ហើយ ទើប​លោក​ អ៊ិន សុភិន បាន​ម្រេច​ចិត្ត​ដាក់​ពាក្យ​បណ្ដឹង​ទៅ​កាន់​តុលាការ​ ដោយ​​លោក ​ប៉ែន ចំរ៉ុង ​នឹង​ក្លាយ​ជា​ភាគី​​​​​​​​​​​​​​សំខាន់ជាង​គេ ដែល​ត្រូវប្រឈម​​​​​​ឡើង​​ទៅបំភ្លឺ​នៅ​មុខ​តុលាការ​។ ​លោក ​​​​អ៊ិន សុភិន និយាយថា ​​​​​ភិន សុដាលីស បាន​បាត់​ខ្លួន​ពី​ផ្ទះនិង​ទាក់​ទង​លែង​បាន​តាំង​ពី​រសៀលម៉ោង​៣​ ថ្ងៃ​ទី​២៧ ខែសីហា ម្ល៉េះ ​បន្ទាប់​ពី​នាង​យក​ហេតុ​ផល​ថា​​​ចុះ​ទៅ​​​​​ថតនៅ​ខេត្ត។ ​​ការ​បាត់​ខ្លួន​របស់​នាង​គឺ​​​​​​មួយ​ថ្ងៃ​បន្ទាប់​ ពី​លោក​និង​ប៉ែន ចំរ៉ុង ផ្ទុះ​ឡើង​ជម្លោះ​វាយ​តប់​គ្នា​។ លោក​​បាន​សម្រេច​​ចិត្ត​​​​ដាក់បណ្ដឹង​ទៅ​កាន់​​​​​​អធិការខណ្ឌ​ពោធិ៍សែន​ជ័យ​ទៅកាន់​​​​ការិយាល័យ​ព្រហ្មទណ្ឌ​និង​​​​​​​​​​​​ទៅ​ដល់​ដៃ​​តុលាការ​នៅ​ថ្ងៃ​​ទី​៣១ សីហា​នេះ​ហើយ​ ដើ​ម្បី​​​​​​​​​ស្វែង​រក​​កូន​ស្រី​។ លោក​និយាយ​ថា​៖ “​​ឥឡូវ​ហ្នឹង​កូន​​ខ្ញុំនៅ​រក​មិន​ទាន់ឃើញ​ទេ អញ្ចឹងខ្ញុំ​អត់​ដឹង​ថា​វីដេអូដែល​គាត់​បង្ហោះ​​ហ្នឹង ​​មាន​អ្នក​ណា​ខ្លះ​​នៅ​ពី​ក្រោយ​ឬ​អត់​ទេ សំខាន់​ពេល​នេះ​ខ្ញុំ​ត្រូវ​រក​កូន​ខ្ញុំ​ឲ្យ​ឃើញ​សិន ដើម្បី​​ឲ្យ​ដឹង​ថា​គាត់​មាន​សុវត្ថិភាព​!”។ លោកអះ​អាង​អ្វី​ដែល​កូន​ស្រី​បញ្ជាក់​នៅ​ក្នុង​វីដេអូឃ្លីប ​រឿង​​​​​​​​ប្រាស់​ចាក​ការពិត​​​​​​សឹង​តែ​ជាង​​​៥០% ប៉ុន្តែ​ក៏​​មាន​ការពិត​​ផងដែរ​។ លោក​និយាយ​ថាករណី​​ភ្ជាប់​ពាក្យ​ជា​មួយ​​លោក ​ប៉ែន តុលា គឺ​នាង​​ជា​អ្នកស្រឡាញ់​ពេញចិត្ត​ដោយ​ខ្លួន​ឯង ដោយ​មិន​មាន​ការ​​បង្ខំ​ពី​លោក​នោះ​ទេ បើ​ទោះ​ជា​​មុន​ភ្ជាប់​ពាក្យនាង​និង​លោក ទើប​នឹង​បាន​​ដឹង​ថា​ ប៉ែន តុលា ​​មាន​ប្រពន្ធ​ហើយ និង​​​មិន​ទាន់​ដាច់​ស្រេច​​គ្នា​ក៏ដោយ​។ ​លោក​​និយាយ​ថា​មិន​ចង់​​​​​ឆ្លង​ឆ្លើយ​បក​ទៅ​កាន់​កូន​ស្រី​នោះទេ ដោយ​សារ​តែ​លោក​យល់​ថា​​​បើ​កូន​ស្រី​របស់​ខ្លួន​មិន​មាន​សម្ពាធ ក៏​​​មាន​ន័យថា​​​​​​​កំពុង​​ឈ្លក់​វង្វេង​នឹង​ការ​វង្វក់​រហូត​ដល់​ថ្នាក់​​មិន​ចេះ​បែង​ចែក​ល្អ​អាក្រក់រវាង​លោកនិង​​​បុរស​ដែល​នាង​ស្រឡាញ់​។ លោក​ អ៊ិន សុភិន និយាយ​ថា៖ “ពេល​ខ្ញុំ​ដាក់​ពាក្យ​​​​​​​ប្ដឹង​ទៅ​ខណ្ឌ​ពោធិ៍សែន​ជ័យ ​កន្លែង​ដែល​ចំរ៉ុង​រស់​នៅ ​ ចំរ៉ុងបាន​ចូល​ខ្លួន​​​មក​បញ្ជាក់​ថាអត់​បាន​ពាក់​ព័ន្ធ​នឹង​​ដាលីសទេ តាំង​ពីថ្ងៃ​ទី​​២៦ សីហា។ ប៉ុន្តែ​​​​​​​​​​​​ដរាប​ណា​កូនខ្ញុំ​នៅ​រក​មិន​ទាន់​ឃើញ ចំរ៉ុង​ត្រូវតែ​​​មក​បំភ្លឺ​នៅ​តុលាការទៀត ​អត់​រួចខ្លួន​ទេ!”។  ក្នុង​ជំនួប​​ដោយ​​ផ្ទាល់​​​​កាល​ពី​ថ្ងៃ​​​២៩ សីហា នៅវេទិកា​ប្រគំ​​តន្ត្រី​​​​​​របស់​ស្ថានីយ​ទូរទស្សន៍​អាស៊ី​អាគ្នេយ៍ ​​លោក ​ប៉ែន ចំរ៉ុង បានបដិសេធមិន​បញ្ជាក់​អ្វី​ទាំ​ងអស់។ លោក​និយាយ​​​ថា៖ “​សុំ​ទោស​​ខ្ញុំ​​អត់​មាន​ពេល​និយាយ​រឿង​ហ្នឹង​ទេ​! ខ្ញុំ​​​រវល់​ធ្វើ​ការ! ​​ខ្ញុំ​សុំ​​អត់​ធ្វើ​អត្ថាធិប្បាយ​អី​ទេ​”។ ងាក​ទៅ​​កាន់ ភិន សុដាលីស ​វិញ ​​​​​នាង​បាន​​​បញ្ចេញ​វីដេអូឃ្លីប​​​​​រយៈ​ពេល​១៥​នាទីគួរ​ឲ្យ​ភ្ញាក់​ផ្អើល​ ​លាត​ត្រដាង​នៅ​លើ​ហ្វ៊េសប៊ុក។ នាង​បាន​និយាយ​ថាហេតុ​ផល​​​នៃ​ជម្លោះ ដោយ​ថាលោកអ៊ិន​ សុភិន ជា​ឪពុក​ជំរុញ​​ឲ្យ​នាង​រៀប​ការ​ជាមួយ​​​​បុរស​ម្នាក់​ឈ្មោះ​​ប៉ែន តុលា ​បន្ទាប់​ពី​បាន​​​​​ភ្ជាប់​ពាក្យ​កាល​ពី​​​ថ្ងៃទី​៣១ មីនា ឆ្នាំ​​​២០១៣។ កញ្ញា​បន្ត​ថា​មុន​ថ្ងៃ​​​ភ្ជាប់​ពាក្យ ​នាង​ថា​​​គូដណ្ដឹង​រូប​នេះត្រូវ​បាន​បែក​ធ្លាយ​ដំណឹង​ថា​​​​​​​ជា​បុរស​ពោះ​ម៉ាយនិង​មិន​ទាន់​ដាច់​ស្រេច​ជា​មួយ​​​​ភរិយា​ដើម ប៉ុន្តែនាង​ថា​​ឪពុក​នៅ​តែ​​ជំរុញ​​ឲ្យ​​នាង​ទទួល​យក។ កញ្ញា​បន្ត​ថា​​​មិន​យូរ​ប៉ុន្មាន​​​​​​​លោក អ៊ិន សុភិន ក៏​សម្រេច​ចិត្ត​​ឲ្យ​ផ្ដាច់​ពាក្យ​​វិញ បន្ទាប់​ពី​រក​ឃើញ​ថា​​​​​​ប៉ែន តុលា ​មាន​កំហុង​ឆ្គង​ក្នុង​ពេល​ដែល​​នាង​​​បាន​​​​​ដាក់​ចិត្ត​ស្រឡាញ់​​ទៅ​ហើយ​។ លោក អ៊ិន សុភិន ​​ជា​​​ឪពុក​​ភិន សុដាលីស និង​​ជា​ម្ចាស់​​ផលិតកម្ម​មហាហង្ស(ធ្វេង) និង​លោក ប៉ែន ចំរ៉ុង នាងនិយាយថា៖ “ខ្ញុំ​ព្រម​​ផ្ដាច់​ពាក្យ​តាម​គាត់​(ប៉ា) ​ខ្ញុំ​​សុខចិត្តឈឺ​ចិត្ត​ម្នាក់​ឯង ខ្ញុំទ្រាំ​​អស់​រយៈ​ពេល​ប្រហែល​​១​ឆ្នាំ ទម្រាំ​តែធ្វើ​ចិត្ត​បាន ខ្ញុំ​មាន​លិខិត​ស្នាម​​​​​​​ផ្តាច់ពាក្យ​ត្រឹម​ត្រូវ ចេញ​​ពី​​ភូមិ​សង្កាត់ថា​ខ្ញុំ​ពិត​ជា​ផ្ដាច់​ពាក្យ​​​​ជាមួយ​ឈ្មោះ​ប៉ែន​តុលា​មែន...រហូត​មក​ដល់​​ឥឡូវ ​​ខ្ញុំទាក់​ទង​ពី​ណា​គេ ខ្ញុំ​ស្គាល់​ពី​ណា ឬ​ ​​​ចាប់​ផ្ដើម​មើល​​ចិត្ត​​ពី​ណា​ ប៉ាគាត់​មក​រា​រាំង​រហូត ដោយសារតែ​គាត់​ចង់​​​​ឲ្យ​ខ្ញុំ​​​រៀប​ការ​ជា​មួយ​​តុលាវិញ  ​ដោយ​គ្រាន់​តែ​តុលាមក​សុំ​ទោសធ្វើ​ឲ្យ​គាត់​ទន់​ចិត្ត! ខ្ញុំ​ថា​​​អត់​​​អាច​ទៅ​រួចទេ ខ្ញុំ​មិន​មែន​តុក្កតា​...”។ នាង​​អះ​អាង​ថា​ខ្លួន​​កើត​មាន​ជំងឺផ្លូវចិត្ត​និង​លេប​ថ្នាំ​ស្ទើរ​រាល់​ថ្ងៃ​ដោយ​សារ​តែ​សម្ពាធពី​ឪពុកនិង​គ្រួសារ​។ នាង​និយាយ​ថា៖ “​ខ្ញុំ​ទៅ​ពេទ្យ​សឹង​រាល់​ថ្ងៃ តើ​សុខ​ៗ​វា​កើត​​(ជម្ងឺ​ផ្លូវ​ចិត្ត​)​​​​​​ដោយ​ឯង​ៗមែន​?...ខ្ញុំ​​ព្យាយាម​សម្រប​តាម​គាត់ ខ្ញុំព្រម​​ធ្វើ​អី​តាម​គាត់​គ្រប់​យ៉ាង​ ​​ប៉ុន្តែ​ចំពោះ​​​រឿង​​​គូ​អនាគត​ ខ្ញុំ​សុំ​ឈប់​ធ្វើ​តាម​គាត់​ហើយ​ ព្រោះ​ថា​គាត់​​​បាន​រើស​​ឲ្យ​ខ្ញុំ​​​(ខុស)​ម្ដងហើយ មិន​មែន​ត្រូវ​ភ្ជាប់ពាក្យ​ក៏ភ្ជាប់​ ត្រូវ​​ផ្ដាច់ក៏​ផ្ដាច់ ត្រូវ​លែង​ក៏​​លែង​អី​ទេ ព្រោះ​វា​ជា​សេចក្ដី​សុខ​​មួយជីវិត​​​​របស់​ខ្ញុំ​​​​​ ខ្ញុំ​រៀន​ដល់​ប៉ុននេះ​ ​ខ្ញុំ​​​អត់​ជឿ​ថា​ខ្ញុំ​មិន​ចេះ​មើល​មនុស្ស​នោះ​ទេ...ខ្ញុំ​សុខ​ចិត្ត​ទទួល​​​ខុសត្រូវ​​​ចំពោះ​ការ​សម្រច​ចិត្ត​របស់​ខ្ញុំ​​​​!”។  ពាក់​ព័ន្ធ​នឹង​ចំណង​ស្នេហ៍​ជា​មួយលោក ​​ប៉ែន ចំរ៉ុង កញ្ញា ​ភិន សុដាលីស និយាយ​ក្នុង​វីដេអូឃ្លីប​ថា៖ “បើ​និយាយ​ពី​ប​ង​​ចំរ៉ុង គាត់​តែ​ង​ប្រើ​ពាក្យ​​ថា​​​​​​​​​ខ្ញុំ​ជឿ​ស្លុង​ No(ទេ) ខ្ញុំ​រៀន​​​​សូត្រ​​ចេះ​ដឹង​ប៉ុណ្ណឹង​ដែររឿង​អី​ដែល​ខ្ញុំ​ត្រូវជឿ​ស្លុង​ ​ខ្ញុំ​ចេះ​​មើល​មនុស្ស​ដែរ​តើ ខ្ញុំ​ចង់​ឲ្យ​គាត់​(ប៉ា)​គោរព​​តាម​ការ​សម្រេច​ចិត្ត​របស់​ខ្ញុំ​ម្ដង!»។ នាង​ប្រកាស​ដើរ​ចេញ បើ​​​​​​ឪពុកនិង​ក្រុម​គ្រួសារ​នៅ​តែ​បន្ត​ដាក់​សម្ពាធ​ចំពោះ​នាង​ក្នុង​រឿង​ស្នេហា ជា​ពិសេស​​គឺ​ការ​បំបែក​បំបាក់​​នាង និង​មនុស្សដែល​នាង​ស្រឡាញ់​។ នាង​និយាយ​ថា​៖ “​ខ្ញុំ​សុខ​ចិត្ត​​ដើរ​ចេញ​ ព្រោះ​ខ្ញុំរស់​នៅ​ធ្វើអី​ទៀត! ខ្ញុំ​​រស់​នៅ​​ជា​មួយ​​ក្រុម​គ្រួសារ​មួយ​ដែល​គេ​អត់​ចាត់​ទុក​ខ្ញុំ​ជា​​​​​សមាជិក​គ្រួសារ​​ផងហ្នឹង ​គឺ​គេ​ធ្វើ​​​​​អីតាម​តែ​អ្វី​ដែល​គេ​នឹក​ឃើញ!”។ ​ ​ លោក អ៊ិន សុភិន បញ្ជាក់​ថាសាររបស់​ ​ភិន សុដាលីស ​​​គឺ​ការ​បំបាក់​មុខ​​​​​​គ្រួសារ ដោយ​គ្មាន​ការ​ពិត​។ លោក​​​​​​​​សង្ស័យ​ថា​នាង​មាន​សម្ពាធ​​​​​ពី​​ភាគីណា​ម្នាក់ ទើប​សុខ​ចិត្ត​បំភ្លៃ​ការពិត ហើយ​​​​​​​បង្ហោះ​វីដេអូ​ដោយ​គ្មា​ន​ការ​ពិត​​១០០%។ លោក​និយាយ​ថា៖ “​​​មនុស្ស​ដូច​ដាលីសតើ​អ្នក​ណា​ទៅ​បង្ខំ​គាត់​បាន បើ​គាត់​ស្រឡាញ់​មនុស្ស​ល្អ ខ្ញុំ​ទទួល​ដៃ​ពីរ ​​ប៉ុន្តែ​គាត់​ដឹង​ហើយ​ថា​គាត់​កំពុង​ធ្វើ​អ្វី នេះ​មក​ពីខ្ញុំ​​បណ្ដោយ​គាត់​ពេក!”។ លោកបន្ត​ថា​លោក​​ចង់​ស្វែង​រក​​​​​​​​​​​កូន​ស្រី​ឲ្យឃើញជាមុន​​​សិន ​មុន​នឹង​ចង់​វែក​ញែកពី​អ្វី​ដែល​ភិន សុដាលីស ​​​បង្ហោះ​ថា​ត្រូវ​ឬ​ខុស​។ យ៉ាង​ណា​មិញ លោក​ថា​​​ភិន សុដាលីស ​​​មិន​មែន​ជា​នារី​​​​​មានទម្លាប់​គិត​ខ្លី​នោះ​ទេ ដោយសារ​តែ​លោក​ដឹង​ថា​​នាង​​ជា​នារី​រឹង​មាំនិង​​​​​​មិន​​​ចូល​ចិត្ត​​យក​ក្ដី​ស្លាប់​ធ្វើ​​ជា​​​ដំណោះ​ស្រាយ៕ សរសេរមកកាន់លោក វង្ស សុម៉ាលីន តាមរយៈvongsomalin@yahoo.com

    [អានបន្ត]
  • ម្ចាស់ផលិតកម្ម​បន្ត​ព្រមាន​​ប៉ែន ចំរ៉ុង និង​​​គំរាម​​​​​កាត់​កាល់​កូន​ស្រី

    ថ្ងៃសុក្រ ទី28 សីហា 2015, 07:38 AM

    ភ្លើង​ស្នេហ៍មួយ​ដែល​ឪពុក​ខាងស្រី​ចាត់ទុក​ថា​ "​​​ខុស​តម្រា” រវាងតារាសម្តែង​និង​ពិធីករ ​​​​​​លោក ប៉ែន ចំរ៉ុង ​និង​​កញ្ញា ​​ភិន សុដាលីស ​​​​បាន​បង្ខំ​​ឲ្យ​​លោក អ៊ិន សុភិន ​​ជា​​​ឪពុក​​ភិន សុដាលីស និង​​ជា​ម្ចាស់​​ផលិតកម្ម​មហាហង្ស​​ ប្រកាស​​ថា​អាច​នឹង​ឈាន​ដល់​ការ​កាត់​កាល់​កូន​ស្រីនិង​ប្រកាស​ព្រមាន​លោក​ ប៉ែន ចំរ៉ុង បើអ្នក​​ទាំង​ពីរ​នៅ​តែ​​​​​​លួច​​ទាក់​ទងគ្នាតទៀត​​។ រឿង​រ៉ាវ​អាស្រូវ​មួយ​នេះ ​​លោក​​អះ​អាង​ថា​បង្ក​ឡើង​ដោយ​​​​​​ ​​ប៉ែន ចំរ៉ុង ទាំង​ស្រុង និង​ស្រឡាញ់មនុស្ស​​​​​​​​​​​​​​​​​មិន​ស្គាល់ថា​ជា​​របស់​គេ​​។​ លោក​ អ៊ិន សុភិន បាន​ផ្ដល់​សម្ភាសន៍​​​ដល់វីអូឌីបន្ទាប់​ពី​ផ្ទុះ​ជម្លោះ​វាយ​តប់​ជា​មួយ ​ប៉ែន​ ចំរ៉ុង​ ថា ​​លោក​​​​នឹង​រារាំង​​​ភ្លើង​ស្នេហ៍​ដល់​ទី​បញ្ចប់​ បើ​ទោះ​ជា​លោក​បាន​សារភាព​ថា​​មិន​អាច​​​ហាម​ប្រាម​​កូន​ស្រីរបស់​​​​ខ្លួន​​១០០%ក៏​ដោយ​​។ លោក​ចាត់ទុក​​​​​​​​ទំនាក់​ទំនងនេះ​"​​​​ខុស​តម្រា​” ដែល​ថា​​កើត​​មាន​ឡើង​បន្ទាប់​ពី​លោក​បាន​​​​​​​ហៅ​លោក​ប៉ែន ចំរ៉ុង ​ឲ្យ​មក​​សម្ដែង​តួ​ឯក​​ច្រើន​​រឿង​ជា​មួយ​ ​​​​ភិន សុដាលីស ជា​កូន​ស្រី​តែ​ម្នាក់​របស់​ខ្លួន​។ ​លោក​និយាយ​ថា៖ “ខ្ញុំ​មិននឹក​ស្មាន​ថា​​ចំរ៉ុងជា​មនុស្ស​បែប​ហ្នឹង​ទេ ពី​ដំបូ​ង​ខ្ញុំ​ឃើញ​​​​​​វា​មក​ស្និទ្ធិ​ស្នាល​ជា​មួយ​កូន​ខ្ញុំ។ ខ្ញុំ​​​​ស្មានតា​​​​​​​រាប់​អាន​ដូច​អ្នក​សិល្បៈតើ ប៉ុន្តែ​ដឹង​អី​គាត់​ទាក់​ទង​ដាលីស គាត់​ប្រើ​​គ្រប់​មធ្យោបាយ​​​​​រហូត​ធ្វើ​​ឲ្យ​កូន​ខ្ញុំ​បាក់​ចិត្ត​​​​​​​។ ខ្ញុំ​​ប្រាប់​គាត់​ថា​កុំ​ធ្វើ​អញ្ចឹង​​​ព្រោះ​កូន​ខ្ញុំ​គាត់​មាន​គូ​ដណ្ដឹង​ហើយ ​​ ​ចំរ៉ុង​ឯង​ចាស់​ទុំ​ជាង​គាត់ ​កុំ​​ឲ្យ​កូនខ្ញុំ​បាក់​ចិត្ត ប៉ុន្តែ​​គាត់​និយាយ​ជា​មួយ​យើង​ឡូយ​ណាស់ ​កុំ​ភ័យ​បង​ៗ​ ប៉ុន្តែការ​ពិត​​​គាត់​ផ្គើន​យើងរហូត!”។ លោក​ អ៊ិន សុភិន ​សារភាព​ថា​កូន​ស្រី​របស់​ខ្លួន​​បាក់​ចិត្ត​ស្រឡាញ់​ប៉ែន ចំរ៉ុង បន្ទាប់​ពីសម្ដែង​រួម​គ្នា​ ​​ប៉ុន្តែ​​លោកចោទ​​​ថាដោយ​សារ​តែ​​ ប៉ែន ចំរ៉ុង ​​ឆ្លៀត​ឱកាសនិង​​​ប្រើពាក្យ​សម្ដី​កាយវិកា​ធ្វើ​​ឲ្យ​កូន​ខ្លួន​បាក់​ចិត្ត។ ​លោក ​​អ៊ិន សុភិន និយាយ​ថា៖ “នៅ​ពេល​ខ្ញុំ​ធំ​ក្លិន​មិនស្រួល ខ្ញុំ​​​​អត់​មាន​ជំទាស់ទេ ដោយ​សារគិត​ថា​​​​បើ​បាន​គ្នា​ជា​ប្ដី​ប្រពន្ធ​ក៏​ល្អ​ម្យ៉ាង​ដែរ ព្រោះ​​​​ជា​តារា​ដូច​គ្នា​ ​ប៉ុន្តែ​ដល់​ពេល​​ស្គាល់​គាត់​យូរ​​ៗ បាន​ខ្ញុំ​ដឹង​ថា​​​ចំរ៉ុង លេង​សើចជាមួយ​កូន​ខ្ញុំ​ប៉ុណ្ណោះ ទើប​​ខ្ញុំ​​​​​សុំ​គាត់ថា​​​កុំ​ធ្វើ​អញ្ចឹង កុំ​​បំផ្លាញ​ទឹក​ចិត្ត​ក្មេង ព្រោះ​គ្នា​មាន​គូ​ដណ្ដឹងហើយ​ ​​បើ​ស្រឡាញ់​​គឺ​ស្រឡាញ់​មែន​ទែន​ទៅ ខ្ញុំ​​អត់​ជំទាស់​ទេ ប៉ុន្តែ​​​​​​​គាត់​​​​បង្ហាញ​ឲ្យ​ខ្ញុំ​ឃើញ​កាន់​តែ​ច្បាស់​ថា​គាត់​បោក​កូន​ខ្ញុំ​​ ទើប​ខ្ញុំ​​​​​​​​ទទួល​យក​អត់​បាន​!”។​ ​លោកបន្ត​ថា​កូនស្រី​របស់​លោក​​មាន​គូ​ដណ្ដឹង​រួច​ហើយនិង​ជា​​​​​​​ក្រុម​ការងារ​នៅ​ក្នុង​ផលិតកម្ម​មហាហង្សផង។​ ​​ លោក​បាន​ចោទ​លោក​​ប៉ែន ចំរ៉ុង ថា​មិន​ស្រឡាញ់កូន​របស់​លោក​ពិតប្រាក​ដនោះទេ។ លោកបន្ត​ថា​បើ​លោក ប៉ែន ចំរ៉ុង ពិត​ជា​ស្រឡាញ់​​កូន​​របស់​លោក ​គឺ​​សារភាព​ទៅ ​ហើយ​លោក​​ជា​ឪពុក​មិន​​ប្រឹង​បំបែក​បំបាក់​កូន ​​​​​​ធ្វើ​​ឲ្យ​កូន​​ទឹក​ភ្នែក​នោះ​ទេ។ ​លោក​និយាយ​ថា​៖ “បើ​គាត់​និយាយ​តែ​មួយ​ម៉ាត់​ថា​បង​អើយ ឥឡូវ​ពួក​ខ្ញុំ​ស្រឡាញ់​គ្នា ខ្ញុំ​គិត​គូរ​បាត់​ហើយ ប៉ុន្តែ​អត់​ទេ​គាត់ឈ្លើយ​ណាស់ ​នៅ​​​​មុខ​ខ្ញុំ​និយាយ​ស្ដី​​​​មើល​ងាយ​កូន​ខ្ញុំ​ណាស់ ប៉ុន្តែ​នៅ​​ក្រោយ​​ខ្នង​​​​គាត់​​​​តាម​យក​ចិត្ត​ថ្លើម​កូនខ្ញុំ ​និង​ជា​មនុស្ស​​​ទុក​ចិត្ត​អត់​បាន​ទាល់​តែ​សោះ​!”។ លោក ​អ៊ិន សុភិន បន្ត​ថា​​​​​ក្រោយ​ផ្ទុះរឿងទាក់​ពាក្យ​សម្ដី​រហូត​ឈាន​ដល់​វាយ​ទាត់​ធាក់​ប៉ែន ចំរ៉ុង ក្នុង​ពេល​​​​លោក​ប៉ែន ចំរ៉ុង ស្កាត់ទៅជួប​ដាលីសដល់​មុខ​ផ្ទះ​កាល​ពី​យប់​ថ្ងៃ​ទី​​២៦ ខែសីហា។ លោក​ថា​​រវាង​​លោក​ និង​​តារា​ប្រុសរូប​នេះ ​នឹង​ប្រែ​​ក្លាយ​ជា​គូ​ជម្លោះ​ស៊ី​សាច់​ហុត​ឈាម​បើ​ប៉ែន ចំរ៉ុង នៅ​តែ​​​​បន្ត​​ទាក់​ទង​​​​​​កូន​ស្រី​របស់​ខ្លួន​។ លោក​បញ្ជាក់​ថា​៖ “​មុន​ផ្ទុះ​​​​រឿង​​វ៉ៃ​​ចំរ៉ុង​ក្នុង​ពេល​គាត់​​មក​តាម​កូន​ខ្ញុំ​ដល់​មុខ​ផ្ទះ​ហ្នឹង  ខ្ញុំសារភាព​ថា​ខ្ញុំ​ហាម​កូន​ខ្ញុំ​អត់​ស្ដាប់ ប៉ុន្តែ​គាត់​​ចាស់​ទុំ​​ជាង​កូន​ខ្ញុំ​​​​បើ​គាត់​​​​​ឈប់​ វា​មិន​ដែល​​មនុស្ស​ស្រី​ណា​សុខ​ចិត្ត​ធ្វើ​ថោក​​ទៅ​​​​រក​ប្រុស​​កើត​ទេ អ្វី​ដែល​​ខ្ញុំ​ខឹង​បំផុតគឺ​ឲ្យ​តែ​ពេល​ដែល​ខ្ញុំ​​សុំ​​ឲ្យ​គាត់​ដក​ខ្លួន ​​ចំរ៉ុង​​​សន្យា​ជា​មួយ​ខ្ញុំ​រហូត​​​ថា​ឈប់​ៗ​ហើយ ​ប៉ុន្តែ​ការពិត​​​​គាត់​​​និយាយ​ផ្សេង​ធ្វើ​ផ្សឹង ហើយ​​​​​​​​និយា​យ​ស្ដី​របៀប​មើល​ងាយ​កូន​ខ្ញុំ​​​​ទៀត គឺ​ដូច​​គាត់​ហ្នឹង​អស្ចារ្យ ហើយ​​កូន​ខ្ញុំ​តែ​ម្ខាង​​ជា​អ្នក​​ទៅ​រក​គាត់​អញ្ចឹង​!”។ ​ថៅកែ​ផលិតកម្មមហាហង្ស​​និយាយ​ថា៖ “​​​​ពេល​ដឹង​រឿង​ដំបូង​ខ្ញុំ​​​​​គិត​ចង់​ផ្ដាច់​ពាក្យ​​ពី​​​​​​គូដណ្ដឹង​ដាលីស​​​​​លើក​​ឲ្យ​គាត់(ប៉ែន ចំរ៉ុង)តើ ព្រោះ​អត់​ចង់​បំបែក​បំបាក់​កូន​ទេ ប៉ុន្តែ​ស្គាល់​កាន់​តែយូរ ​ ​ចំរ៉ុង​កាន់តែ​ឈ្លើយ ​បើ​និយាយពី​ការងារ​វិញគឺ​​​​មើលឃើញ​តែ​​លុយ​អត់​ដែល​​យោគយល់ទេ ​​​ជាក់ស្ដែង​​​ក្នុង​មួយ​ឆ្នាំ​​​ៗ​។ ខ្ញុំ​ហៅ​គាត់​ថត​ច្រើន​រឿង​ណាស់ ​គឺ​គាត់​​​​​​​​​​​ស៊ី​ថ្លៃ​ពេញៗ សូម្បី​តែ​ខ្ញុំ​និយាយ​ថា​ចំរ៉ុង​អើយ​ចុះ​ថ្លៃខ្លះ​ទៅ​ ​គង់​តែ​ថ្ងៃ​ក្រោយ​ឪពុក​ក្មេ​ក​កូន​ប្រសារ​ទេ ​​ គាត់​ឆ្លើយ​​មក​វិញ​ថា ​​​ឪពុក​ក្មេក​កូន​ប្រសារ​ផ្សេង ​រឿង​លុយ​ផ្សេង ​​ហើយ​ខ្ញុំ​​​​ឆ្អែត​ចិត្តជាង​គេ​គឺ​ត្រង់​​​​ ​ធម្មតា​ខ្ញុំ​មិន​ដឹង​ថា​​​តម្លៃ​ខ្លួន​គាត់​ប៉ុន្មាន តែ​ដល់​ពេល​ហៅ​គាត់​មក​ថត​រឿង​ក្រោយ គឺ​​គាត់ថា​​រឿង​ថ្មី​​តម្លៃ​​ថ្មី​​ហើយ ​ដោយ​សូម្បី​តែ​គាត់​ឡើង​ចុះ​ផ្ទះ​យើង​ស៊ី​បាយ​ផ្ទះ​យើង​ ​​​​ហើយ​​​យើង​​​​យោគយល់​​​​ផ្ដល់​រឿង​​ឲ្យ​គាត់​ថត​​​​​​​មួយ​​ឆ្នាំ​​​​​​៤​​-៥រឿង​​!។ អ្វី​ដែល​ខ្ញុំ​ទ្រាំ​អត់​បាន គឺ​គាត់​ប្រាប់គេ​ថា​អត់​ស្រឡាញ់​ដាលីស​ទេ ប៉ុន្តែ​គាត់​​​​​​​បែរ​ជា​​​​​បន្ត​ធ្វើ​អញ្ចឹង​!”។ កញ្ញា ភិន សុដាលីស និង​លោក ប៉ែន ចំរ៉ុង(រូបថតពីហ្វេសប៊ុក​) លោក​ថា​​ក្នុង​មួយ​ឆ្នាំៗ លោក ​​ប៉ែន ចំរ៉ុង ទទួល​រឿង​ពី​គាត់​​មិន​ក្រោម​​​១ម៉ឺន​ដុល្លារ​នោះ​ទេ ​​​​​ក្នុង​ពេល​ដែល​​រឿង​​​​​​នីមួយៗ​​មាន​តម្លៃ​​​​​​​​២​០០០​ទៅ​​​២៥០០​ដុល្លារ​។ លោក​​បន្ត​ថា៖ “​ខ្ញុំ​អត់​ដឹង​ថាចំរ៉ុងនិយាយ​អី​ខ្លះ​ទើប​កូន​ខ្ញុំ​បាក់​ចិត្ត​ដល់​ម្ល៉ឹង​​ទេ ប៉ុន្តែ​នៅ​ក្នុង​សិល្បៈ​អ្នក​ណា​មិន​ស្គាល់​ថា​ចំរ៉ុង​​​​​ពូកែ​បោ​កស្រី​ៗ សូម្បីតែរបស់​អ្នកណា​ក៏​​អត់​​រើស​មុខ​ដែរ អញ្ចឹង​ហើយ​ទើប​ខ្ញុំ​​​​​បាន​ត្រៀមរួច​ហើយ​ថា​នឹង​បក​ស្បែក​​ម្ដង ​បើ​នៅ​តែ​​ទាក់​ទង​កូន​ខ្ញុំ ​ខ្ញុំ​ត្រូវ​​​​​សុខ​ចិត្ត​ហែក​ទ្រូង​​ឲ្យ​ក្អែក​ចឹក គឺ​អត់​​​​ឲ្យ​គាត់​​​​មើល​ងាយ​​​គ្រួសារ​ខ្ញុំ​ទេ​!”។ លោក​ព្រមាន​​​ឲ្យ​ប៉ែន ចំរ៉ុង ដក​ខ្លួន​ពី ភិន សុដាលីស ​​​​ មុន​ពេល​​រឿង​រ៉ាវឡើង​កម្តៅ​​ជាង​នេះ​។ ​​​​​លោកថា​លោក​​​បាន​​​ត្រៀម​​​ចិត្ត​​​​​​កាត់កាល់​កូន​ស្រី​ផងដែរ​​ បើ​នៅ​តែ​​​​ហ៊ាន​​​លួច​មាន​ទំនាក់​ទំនង​​​​​​ជា​មួយ​លោក​ប៉ែន ចំរ៉ុង ​មិន​ស្ដាប់​តាម​ការ​ហាម​ប្រាម​របស់​លោក​។ លោក​អ៊ិន សុភិន ​និយាយ​ថា៖ “សាច់​ម៉ាដុំ​ហ្នឹង​ខ្ញុំ​កាត់​ចោល ប៉ុន្តែ​​​​​កូន​ខ្ញុំ​​វា​​​ជំទាស់ខ្ញុំដោយ​សារអត់​ដឹង​​ថា​ចំរ៉ុងហ្នឹង​វា​បោក​ទេ គ្នា​​ស្មានតែ​ស្រឡាញ់​មែន​ទែន។ ខ្ញុំ​ចង់​​ឲ្យដាលីស​​​​ឮសម្តី​ដែល​ចំរ៉ុង និយាយ​ជា​មួយ​ខ្ញុំ​ និង​ជា​មួយ​​​​​​​មិត្ត​ភ័ក្រ្ត​វា​ដែល​វាមើល​ងាយ​​ដាលីស​ណាស់ ប៉ុន្តែ​កូនខ្ញុំ​វា​អត់​ជឿ! រឿង​ហ្នឹង​បើ​ចំរ៉ុង​បញ្ឈប់​កុំ​​បន្ត​​​លែប​ខាយ​កូន​ខ្ញុំ ហើយ​​​​​​​​​​​​​​​​ពន្យល់​ដាលីស​ទៅ​ គឺ​វា​ចប់​ហើយ»។   គួរ​បញ្ជាក់​ផងដែរ​ថា នេះ​មិន​មែន​ជា​លើក​ទី​១​នោះ​​​ទេ ដែល​ប៉ែន ចំរ៉ុង ​ត្រូវ​បាន​បែក​ធ្លាយ​រឿង​រ៉ាវ​​ស្នេហា​ជា​មួយ​តារា​ស្រី​នៅ​ក្នុង​ពិភ​ព​សិល្បៈ​។ នៅពេលទាក់ទងដើម្បី​សុំ​ការ​ឆ្លើយ​តប ​ទូរស័ព្ទ​គ្រប់​ខ្សែ​របស់​​​ប៉ែន ចំរ៉ុង ត្រូវ​បាន​​​​​បុរស​​ម្នាក់​ដែល​មានសំឡេង​​​បេះបិទ​នឹង​​លោក​ប៉ែន ចំរ៉ុង អះ​អាង​ថា​ជា​បង​ប្រុស​លើកជំនួស​។ លោក​អះ​អាងថា​​​ប៉ែន ចំរ៉ុង ជាប់​ថតនិង​​ថា​​​​ជា​រឿង​ផ្ទាល់​ខ្លួនរបស់​គេ ​សុំ​​អត់​និយាយនោះ​ទេ​។ វីអូឌី​បាន​ព្យាយាម​ទាក់ទង​ជា​បន្ត​បន្ទាប់​រហូត​មកពេល​ចុះ​ផ្សាយអត្ថ​បទ​។ ​​​​​​វីអូឌី​ក៏មិន​អាច​សុំ​ការ​ពន្យល់ពី​កញ្ញា ភិន សុដាលីស ​បាន​ដូច​គ្នា ​បន្ទាប់​ពី​ទូរស័ព្ទ​របស់​នាង​ខល​ចូល​មិន​លើក​និង​បិទ​ទូរស័ព្ទ​ចោល​​​នៅ​ពេល​ខល​ចូល​ច្រើន​លើក​កា​ល​ពីព្រលប់​​ថ្ងៃ​ទី​២៧ ខែ​សីហា៕ សរសេរមកកាន់លោក វង្ស សុម៉ាលីន តាមរយៈvongsomalin@yahoo.com  ​

    [អានបន្ត]
  • ម៉េង ប៊ុនលី ចង់​បួស​លើស​កំណត់​

    ថ្ងៃព្រហស្បតិ៍ ទី27 សីហា 2015, 11:25 AM

    ​ប្រមាណ​មួយ​ខែ​មក​ហើយ​ដែល​តារា​ចម្រៀង​លោក ម៉េង ប៊ុនលី បាន​សម្រេចចិត្ត​សាង​ផ្នួស​បួស​ជា​សាមណេរ ដោយ​សុខចិត្ត​ធីប​ចោល​ការងារ​សិល្បៈ និង​តួនាទី​របស់​ខ្លូន​នៅ​ក្រសួង​ការពារជាតិ​។ ក្នុង​បទ​សម្ភាសន៍​តាម​ទូរស័ព្ទ សាមណេរ​អង្គ​នេះ​មាន​សង្ឃដីកា​ថា បើ​កាលៈទេសៈ​ហុច​ឲ្យ លោក​នឹង​បន្ត​បួស​ឲ្យលើស​ពី​៣​ខែ​ដែល​បាន​កំណត់​នោះ​ទៅទៀត ដោយសារ​តែ​មានចិត្ត​ជ្រះថ្លា​នឹង​ព្រះពុទ្ធសាសនា​។  ​តាំងពី​ថ្ងៃ​ទី​២៩ ខែកក្កដា មុន​ថ្ងៃ​ចូល​វស្សា​មកម្ល៉េះ ដែល​លោក ម៉េង ប៊ុនលី បាន​សម្រេចចិត្ត​ប្ដូរ​ភេទ​ទៅ​ជា​សមណៈ ដោយ​តាម​គម្រោង​លោក​នឹង​សឹក​ក្នុង​រយៈពេល​បី​ខែ នៅ​ថ្ងៃ​ចេញ​វស្សា​។ លោក​បួស​នៅក្នុង​វត្ត​មុន្នី​សារ​វ័ន្ត ហៅ​វត្ត​វិហារ​ធំ ស្ថិតនៅ​ស្រុក​កំពង់សៀម ខេត្ត​កំពង់ចាម ដែល​ជា​វត្ត​នៅ​ស្រុកកំណើត​។  ហេតុផល​នៃ​ការ​សាង​ព្រះ​ផ្នួស លោក​ថា​ដោយសារតែ​មាន​បំណង​ចង់​យល់ដឹង​ពី​ធម៌​វិន័យ​ក្នុង​ព្រះពុទ្ធសាសនា និង​មួយ​ផ្នែក​ទៀត​គឺ​ដើម្បី​លា​បំណន់​។ សាមណេរ ម៉េង ប៊ុនលី បញ្ជាក់ថា​៖ “​អាត្មា​បួស​ហ្នឹង​មាន​បំណង​៣ ទី​១​ចង់​យល់ដឹង​ពី​ព្រះពុទ្ធសាសនា ទី​២​ចង់​សងគុណ​ឪពុកម្ដាយ និង​ទី​៣​គឺ​មកពី​អាត្មា​កាល​មុន​សម្ភាសន៍​ទៅ​ច្រៀង​នៅ​អាមេរិក អាត្មា​ថា​បើ​ជាប់ ហើយ​ទទួល​ការគាំទ្រ​ខ្លាំង​នៅ​ទីនោះ អាត្មា​នឹង​បួស​ថ្វាយ ទើប​អាត្មា​បួស​ម៉ា​វស្សា​ហ្នឹង​(៣​ខែ​)​តែម្ដងទៅ​”​។​

    [អានបន្ត]
  • សមាគម​​២ប្រតិកម្មនឹង​ការ​បញ្ចាំង​​​​​​ភាពយន្ត​​ថៃលើ​កញ្ចក់​ទូរទស្សន៍

    ថ្ងៃចន្ទ ទី24 សីហា 2015, 09:07 AM

    វត្តមាន​​​​ភាព​យន្ត​រឿង​ថៃ​នៅ​លើ​កញ្ចក់​ទូរទស្សន៍​ប៉ុន្មាន​ខែ​នេះបាន​ធ្វើឲ្យ​មាន​ការ​ព្រួយបារម្ភពីសំណាក់​​​​​​ក្រុម​​​​ផលិតករ​ភាព​យន្ត​និង​​តារា​សម្ដែង​ខ្មែរ​តែ​ម្ដង​។ ​ជា​មួយ​​ក្ដី​​​បារម្ភនេះ ​​សមាគមធំ​​​​២គឺ​សមាគម​​​​​ភាព​យន្ត​​​​កម្ពុជានិង​សមា​គម​​សិល្បករ​ខ្មែរ​បាន​បង្ហាញ​ប្រតិកម្មនិង​​ប្រកាស​​ឲ្យ​ដឹង​ពី​គម្រោង​​​​ប្រមូល​ស្នាម​មេដាយ​​តារា​សិល្បៈ​និង​ក្រុម​ផលិត​​​​នៅ​ទូទាំង​ប្រទេសធ្វើ​ញត្តិ​​​ទៅកាន់​​ថ្នាក់​លើ សុំ​​ឲ្យ​​​​កាត់​បន្ថយ​​​​​​​​ដាក់​រឿង​ថៃ​​​​​ក្នុង​ម៉ោង​ល្អ ហើយ​​​​​​​ជំនួស​ដោយ​ភាព​យន្ត​ខ្មែរ​​​ឲ្យ​គ្រប់​ស្ថាប័ន​ទូរទស្សន៍​។ ​​​​​ក្នុង​​សន្និសីទសារព័ត៌មានមួយ​កាល​ពី​​ថ្ងៃ​ទី​​​២២ សីហា  ប្រធាន​​​សមាគម​ភាព​យន្ត​កម្ពុជា លោក ​ឆាយ បូរ៉ា ​ ​បាន​ថ្លែង​​​ថា​​​​វត្តមាន​រឿង​ថៃ​លើ​កញ្ចក់​ទូរ​ទស្សន៍​នា​ពេល​នេះ បាន​ធ្វើ​​ឲ្យ​​​​ភាព​យន្ត​ខ្មែរ​ដែល​​ធ្លាប់​លេង​ឡើង​គគ្រកគគ្រេង​​បាន​មួយ​ខ្យល់​​​​ស្ទើរ​តែ​​បាត់​​វិញ​ហើយ​។ លោក​និយាយ​ថា៖ “​​ក្នុង​ពេល​​​​រឿងថៃ​​ដួល​​សន្លប់ ​ ភាព​យន្ត​កូរ៉េ និង​ហ្វីលីពីនក៏​មាន​ទីផ្សារខ្លាំង​ដែរ​​នៅ​កម្ពុជា ប៉ុន្តែខ្ញុំ​នៅ​តែ​មើល​ឃើញ​ថា​​​ភាព​យន្ត​ខ្មែរ​នៅ​​មាន​ស្ថានភា​ព​ល្អ ​​ដែល​អាច​​មក​ពី​វប្បធម៌​របស់​​កូរ៉េ និង​ហ្វីលីពីន ​ វា​ដាច់​ឆ្ងាយ​​ពី​​​​​​​កម្ពុជាបន្តិច ប៉ុន្តែ​ចំពោះ​​វត្តមាន​រឿង​ថៃ ​បើ​​គេ​​ដាក់​បញ្ចាំង​​​​​ដូច​រាល់​ថ្ងៃ​ គឺ​គេ​លែង​មើល​រឿង​ខ្មែរ​ហើយ​​!”។ ​លោក​ចាត់​ទុក​ថា​នេះ​ជារឿង​​គ្រោះ​ថ្នាក់​ធំ​បំផុត​​បើ​​​​​​​​​ប្រមុខ​រាជរដ្ឋាភិបាល​​​មិន​ជួយ​អន្តរាគមន៍​ហើយ​បណ្ដោយ​ឲ្យ​ម្ចាស់​ស្ថានីយ​ទូរទស្សន៍​​ទាំងអស់ដាក់​បញ្ចាំង​រឿង​ថៃ​គគ្រឹកគគ្រេង​​​​​ដោយ​សឹង​តែ​​​លែង​មាន​ម៉ោង​​សម្រាប់​ទុក​ឱកាស​​​ឲ្យ​រឿង​ខ្មែរ​បាន​បន្ត​រស់​។ លោក​មាន​ប្រសាសន៍​ថា៖ “ក្នុង​ឆ្នាំ​​២០១៥​នេះ ​ ​ស្ថានីយ​ទូរទស្សន៍​ធំ​មួយបាន​​បញ្ចប់​កុង​ត្រា​ជា​មួយ​​ផលិតកម្ម​​ក្នុង​ស្រុក​​​៣ ​ដោយ​លែង​ឲ្យ​គាត់​​ផលិតរឿង​(ខ្មែរ)​ទៀត​! គាត់​(ថៅកែ​ទូរទស្សន៍​)យក​លេស​ថា​​​រឿង​ខ្មែរ​អត់​មាន​ទីផ្សារ ថ្លៃ​ជាង​រឿង​ថៃ ហើយ​​​​​បើ​ដាក់​រឿង​ថៃ​​គឺ​គាត់​ស្រួល​រក​​ស្ពុន​ស័រជាង​ ​យើង​មិន​មែន​រើស​អើង​ជាតិ​សាសន៍​ទេ ប៉ុន្តែ​​បើ​គាត់​​​​​​​​​​​​គាំទ្រ​​រឿង​គេ​រហូត​ដល់​​​បដិសេធ​​​​​​​​​​​​​​​​​រឿង​​​ខ្លួន​ឯង​អញ្ចឹង​គឺ​​គ្រោះ​ថ្នាក់​ណាស់ ដែល​​​ក្នុង​បណ្ដាញ​ទូរទស្សន៍​របស់​ខ្មែរ បែរ​ជា​​​លែង​មាន​រឿង​ខ្មែរ ហើយចាក់​បញ្ចាំង​តែ​រឿង​​​​​​របស់​​ជន​ជាតិ​​ ដែល​​​​​​មាន​វប្ប​​ធម៌​​និង​​ប្រពៃណី​​សឹង​តែ​ដូច​យើង​បេះ​បិត​​បែប​ហ្នឹង​!”។ លោក ឆាយ បូរ៉ា ​​រិះ​គន់​​បណ្ដា​ស្ថានីយ​ទូរទស្សន៍​​មួយ​ចំនួនដែល​ក្រៅ​ពី​ទិញ​រឿង​បរទេស​​​​​ដាក់​បញ្ចាំង​​​​​​​គគ្រឹក​គគ្រេង​​​ទៅ​ហើយ គឺ​បាន​ទាំង​ទិញ​កម្មវិធី​​​ពី​បរទេស​​សុទ្ធសាធ ដោយ​​គ្រាន់តែ​​យក​​មក​បក​ប្រែ​​ចាក់​ផ្សាយ​នៅ​​លើកញ្ចក់​​ទូរទស្សន៍​នោះ​ទៅ​ទៀត​។ ​ លោក​និយាយថា​៖ “ការ​ដាក់​បញ្ចាំង​រឿង​បរទេស​​និង​ទិញ​កម្មវិធី​​ទាំង​ស្រុង​របស់​​បរទេស​មក​​ផ្សាយ វា​នឹង​​​​​លាបពណ៌​​ដល់​​​​​​​ក្មេង​ៗ​ជំនាន់​ក្រោយនិង​យុវជន​សម្បើម​ណាស់ ​​​ហើយ​យូរ​ទៅ​ៗ ​​ក្មេង​លែង​ស្គាល់​ថា​អ្វី​ជា​ពណ៌សម្បុររបស់​ខ្លួនឯង​ហើយ​ដោយ​​សារ​តែ​​​ភាពយន្ត​យើង​គេ​ខ្មែរ​ខ្លួន​ឯង​​លែង​មើល​​!”។ លោកឲ្យ​ដឹង​ទៀត​ថា​ថា​ភាព​យន្ត​ខ្មែរ​ដែល​មិន​មាន​អ្នក​មើលមិន​មែន​មក​ពី​គុណភាព​​​​តែ​មួយ​មុខ​នោះ​ទេ ប៉ុន្តែ​​​​​បញ្ហា​សំខាន់​គឺ​បណ្ដាល​មក​ពី​​ខាង​ស្ថានីយ​ទូរទស្សន៍​​ហ៊ាន​ទិញ​ក្នុង​តម្លៃ​ទាប​​​និង​ទី​​២​មក​ពី​​​​​ស្ថានីយ​ទូរទស្សន៍​​មួយ​ចំនួន​បាន​ដាក់​បញ្ចាំង​រឿង​បរទេសក្នុង​ម៉ោង​ដែល​ស្ថានីយ​ទូរទស្សន៍​​មួយ​ចំនួន​ប្រឹង​​ទិញ​រឿង​ខ្មែរ​​ចាក់​ផ្សាយ​។ ​​​​លោក​​ប្រកាស​​​​​​​​​​ធ្វើ​ញត្តិ​​​​​​​​​រួម​គ្នា​​​ជា​​មួយ​សមាគម​សិល្បៈ​ករ​ខ្មែរ ទៅ​ជូន​​ក្រសួង​​​វប្បធម៌ ​ក្រសួង​អប់​រំ​និង​ប្រមុខរាជរដ្ឋាភិបាល​​​​​​កម្ពុជា ដើម្បី​​​​​ឲ្យ​មាន​អន្តរាគមន៍​លើ​ករណី​នេះ។ លោក​​និយាយ​ថា៖ “​មុន​នេះ​​បន្តិច​ខ្ញុំ​ចរចា​ជា​មួយ​​ម្ចាស់​​ស្ថានីយ​ទូរទស្សន៍​​​ហើយ ប៉ុន្តែ​គាត់​ថា​​​​​​រឿង​ថៃ​ខ្មែរ​ចូល​ចិត្ត​មើល​ជាង ហើយ​​​​​មួយ​ភាគ​តែ​​៣០០​ទៅ​៥០០​ដុល្លារ​ទេ ដែល​ធ្វើ​​ឲ្យ​គាត់​​​​​​ចំណាយ​តិច​​ជាង​​​​​រឿង​ខ្មែរ​ដែល​មាន​តម្លៃ​ដល់​ទៅ​​​​​ជាង​មួយ​ពាន់​ក្នុង​មួយ​ភាគ​ អញ្ចឹង​មិន​យូរ​ទេ​កុន​ខ្មែរ​នឹង​អស់​អី​កញ្ចក់​​ទូរទស្សន៍​ហ្មង​ ដោយ​សារ​ហេតុ​ផល​ហ្នឹង​!”។ លោក ឆាយ បូរ៉ា ​អំពាវនាវ​​​​​​​​​ឲ្យ​​​​​បណ្ដា​សា្ថនីយទូរទស្សន៍​​​​​ទាំង​អស់​​បញ្ចប់​​ការ​​ចាក់​ផ្សាយ​​រឿង​ថៃនិង​រឿង​បរទេស​​​​​នៅ​ចន្លោះ​ម៉ោង​​​៧និង​ម៉ោង​​៩​​យប់ ដោយ​ទុក​ម៉ោង​​ទាំង​​២​​​​​​ឲ្យ​បញ្ចាំង​តែ​រឿង​ខ្មែរឬ​កម្មវិធី​​​​ដែល​​​ផលិត​ដោយ​ខ្មែរ​​ជា​​ជំនួស​។ លោក​និយាយ​ថា៖ “គាត់​ថា​​​​​រឿង​ខ្មែរ​​​​​​​​​​​​​​​​អត់​មាន​​ស្ពុនស័រ និង​អត់​មាន​អ្នក​មើល ប៉ុន្តែ​ខ្ញុំ​ថា​​​​​​​បើ​​​​​ទូរទស្សន៍​ទាំង​អស់​​ចាក់​តែ​រឿង​​ខ្មែរ ឬ​​​​​ហ្គេម​​​​ដែល​ផលិត​​​ដោយ​ខ្មែរ​​​​ខ្លួន​ឯង ​​​​កុំ​​​ចាក់​រឿង​បរទេស​ទាំង​អស់​​គ្នា​ តើ​ស្ពុនស័រណាមិន​ផ្សាយ​ ហើយ​អ្នក​ណា​មិន​មើល​​ សរុប​មក​មាន​តែ​​​អន្តរាគមន៍ពី​​ប្រមុខ​​ដឹក​នាំទេ ទើប​វិស័យ​ភាព​យន្ត​ខ្មែរ​អាច​បន្ត​រស់​បាន​!”។ ​ កាលពីថ្ងៃ​ទី​៥ខែធ្នូ ឆ្នាំ​២០១៤ លោកនាយក​រដ្ឋ​មន្រ្តី​ ហ៊ុន សែន បាន​បញ្ជា​ឲ្យ​ក្រសួង​ពាក់​ព័ន្ធ​ធ្វើ​ការ​ជាមួយ​គ្នា​ ដើម្បី​កាត់​បន្ថយ​ការ​នាំ​ចូល​ភាព​យន្ត​ពី​បរទេស មក​ដាក់​បញ្ចាំង​តាម​ទូរទស្សន៍នៅ​ក្នុង​ប្រទេស​កម្ពុជា។​ ​​​​​​​​​​ទីប្រឹក្សា​​ក្រសួង​ព័ត៌មាន និង​​ជា​​​​​​ក្រុម​ប្រឹក្សា​​ជាន់​ខ្ពស់​របស់​សមាគម​សិល្បៈករ​ខ្មែរ ​លោក ​​កុយ ស៊ីឌឿន បាន​​អះ​អាង​ថាការ​​​​​​​បាត់​បង់​​​​ភាព​យន្ត​ខ្មែរ​នៅ​លើ​ទូរទស្សន៍​​​​មិនមែន​គ្រាន់​តែ​ធ្វើ​​ឲ្យ​​​សេដ្ឋកិច្ច​​របស់​អ្នក​សម្ដែង ​​ផលិតករនិង​​ក្រុម​បច្ចេកទេ​ស​​​​បាត់​បង់​​​នោះ​ទេ ​ប៉ុន្តែ​​​​​​​​​​​​​មហាជនពេញ​​មួយ​ប្រទេស​​ក៏​នឹង​​​​​លែង​ស្គាល់​អ្វី​ហៅ​ថា​​​​​​​ជា​ពណ៌សម្បុរ​ស​របស់​​​​សិល្បៈខ្លួន​ទៀត​ដែរ​។ លោក​មាន​ប្រសាសន៍​ថា​៖ “​​តាម​ស្ថិតិចុង​ក្រោយ ​​​ ​ផលិតកម្មភាព​យន្តដែល​កាល​ពី​មុន​មាន​ដល់​​​ជាង​​១០០គឺ​សល់​តែ​​​១៣​ផលិតកម្ម​ប៉ុណ្ណោះ អញ្ចឹង​បើ​​​​​​​​បណ្ដាស្ថានីយ​ទូរទស្សន៍​​​​ទាំង​អស់ចាប់​​ផ្ដើម​​​​​បំបាត់​រឿង​​ខ្មែរ​នៅ​​លើ​​ទូរទស្សន៍​ទៀត គឺ​មាន​ន័យ​ថា​​​អស់​ហើយ​​សិល្បៈ​ខ្មែរ! ដួល​ហើយ​ភាព​យន្ត​ខ្មែរ ​អញ្ចឹង​អ្នក​ដែល​រង​គ្រោះ​នោះ គឺ​​យុវជន​​​តែ​ម្ដង​​​!”។ ​លោក​​​នឹង​ដុត​ដៃ​ដុត​ជើង​​​​​​ក្នុង​គម្រោង​ធ្វើ​ញ្ញត្តិ​​​​​ ​ដើម្បី​​​ឲ្យ​មាន​​​អន្តរាគមន៍​លើករណី​នេះ ​ដើម្បី​ជា​ប្រយោជន៍​រួមជាពិសេស​គឺ​ជួយ​​ឲ្យ​​​​វិស័យ​ភាព​យន្ត​របស់​ខ្មែរ ដែល​ស្ថិត​​ក្នុង​ភាព​គំរាម​កំហែង​​​​​​​​​​​​​​​​​​​​​​អាច​​រស់​​បន្ត​។ ប្រធាន​​​សមាគម​សិល្បៈករ​ខ្មែរ ​លោក​ សុះ ម៉ាច បាន​​​អះអាង​សមាគម​បាន​​ទាម​ទារ​​​​ឲ្យ​​លុប​រឿង​​ថៃនិង​រឿង​បរទេស​​នៅ​​លើ​កញ្ចក់​ទូរទស្សន៍​​នៅ​ចន្លោះ​ម៉ោង​​​​​​​​៧​ដល់​​៩យប់និង​​នៅ​​អំឡុង​​​​​ម៉ោង​ថ្ងៃ​ត្រង់​​មួយ​​ទៀត ​​​​​​​​ដោយ​សុំ​​​​​ឲ្យ​ប៉ុស្ដិ៍​ទូរទស្សន៍​ទាំង​អស់​ដាក់​​បញ្ចាំង​រឿង​ខ្មែរឬ​កម្មវិធី​​ដូច​គ្នា​។ លោក​​មាន​ប្រសាសន៍ថា៖ “ខ្ញុំ​មិន​ដឹង​ថា​ថ្នាក់​លើ​គាត់​ដឹង​ពី​​​​​​ក្ដី​កង្វល់​​ទាំង​នេះ​ឬ​ទេ ប៉ុន្តែ​អ្វី​ដែល​​យើង​ស្នើ​​គឺ​ជា​បញ្ហារួម​របស់​ជាតិ​ ព្រោះ​ការ​សាប​ព្រួស​វប្បធម៌បរទេស​​តាមរយៈ​ប្រព័ន្ធ​ផ្សព្វ​​ផ្សាយ​មាន​ឥទ្ធិពល​សំខាន់​ណាស់ ​​​សម្រាប់​​ជាតិ​សាសន៍​នីមួយ​ៗ គឺ​មិន​អាច​​បណ្ដោយ​​​​​​អញ្ចឹង​ទេ​!”។ លោក​ថា​​​​ក្រសួង​​​​វប្បធម៌និង​​​ក្រសួង​​អប់​រំ គឺ​ជា​អ្នក​ទទួល​ខុស​ត្រូវធំ​ជាង​គេសម្រាប់​​បញ្ហា​​​​នេះ​។ ​លោក​លើក​ឧទាហរណ៍ថា៖ “ដូច​​នៅ​​ក្នុង​​ប្រទេស​វៀតណាម រឿង​គេ(ភាពយន្ត)​ក៏​​​​មិន​ទាន់​ល្អ​ដែរ  ប៉ុន្តែ​រដ្ឋាភិបាល​​គេ​​​​នៅ​តែ​លើក​ទឹក​ចិត្ត​​ឲ្យ​រឿង​​ជាតិ​គេ​​បាន​ផ្សាយ​​ក្នុង​ម៉ោង​ល្អ​ព្រម​គ្នា ហើយទោះ​ជា​រឿង​កូរ៉េ ឬ​រឿង​​សិង្ហបុរី​​​​ល្អ​ប៉ុណ្ណា​ក៏​ដោយ ​​​​គេ​​ឲ្យ​បក​ប្រែ​តែ​​មួយ​​​សំឡេងគត់ ​​​តើ​គេ​​ខ្វះ​អ្នក​បញ្ចូល​សំឡេង​​មែន មិន​មែន​ទេ​ ប៉ុន្តែគេ​​​​ចង់​​​ឲ្យ​ជន​ជាតិ​គេ​ធុញ​រឿង​បរទេស​ ហើយ​នៅ​តែ​​គាំទ្រ​​រឿង​ខ្លួន​ឯង អញ្ចឹង​​ខ្ញុំ​អត់​ចង់ឲ្យ​ធ្វើ​​ដល់​​ថ្នាក់​​នឹង​ទេ គឺ​សុំ​​ឲ្យ​បណ្ដា​សា្ថនីយ​ទូរទស្សន៍​ទាំង​អស់​​​​កុំ​​ចាក់​​រឿង​​ថៃ ឬ​រឿង​បរទេស​​ចាប់​ពី​ម៉ោង​​៧​ដល់​ម៉ោង​​៩​យប់  និង​​ក្នុង​ម៉ោង​​​ថ្ងៃ​ត្រង់​​​​​​ប៉ុណ្ណោះ ​​​ហើយ​សុំ​ឲ្យ​មាន​អន្តរាគមន៍​ឲ្យ​​បាន​ស្មើ​ភាព កុំ​​​មាន​ប៉ុស្ដិ៍​មួយ​ចាក់​បាន ប៉ុស្ដិ៍​មួយ​ចាក់​មិន​បាន តែ​អញ្ចឹង​គត់​តែ​យូរ​​ទៅ​​​ដដែល​ៗទេ!”។ លោក សុះ ម៉ាច និង​លោក​​​ឆាយ​ បូរ៉ា ​មិន​ទាន់​កំណត់​​ពី​បរិច្ឆេទ​​​ដាក់​ញត្តិ​​នេះ​​ទេ ដោយ​​​គ្រាន់​តែ​អះ​អាង​ថា​នឹង​​ប្រគល់ទៅ​កាន់​​ស្ថាប័ន​ពាក់​ព័ន្ធ​​​ក្នុង​ពេល​ឆាប់ៗ។ យ៉ាង​ណា​មិញ​លោក​ថា​​​បើ​​ក្រោយ​​​ប្រកាស​​ឲ្យ​ដឹង​ពី​កង្វល់​​ក្នុង​​​​​សន្និសីទ​កាសែតនេះ​​នៅ​តែ​មាន​ការ​​​​គិត​គូរ​ នោះ​​សមាគម​លោក​នឹង​​​​​ធ្វើ​សន្និសីទ​កាសែត​ធំ​មួយ​​​​ថ្មី​ទៀត ហើយ​នឹង​​​​​ប្រគល់​ញ្ញត្តិសុំ​​ឲ្យលោក​​នាយក​រដ្ឋ​ម​ន្ត្រី ហ៊ុន សែន ជួយ​​អន្តរាគមន៍​​​ក្នុង​ជំហាន​បន្ត​។ លោក​ ឆាយ បូរ៉ា ​ប្រាប់​ថា​​​​​​​ប៉ុន្មាន​ខែ​នេះ​ទូរទស្សន៍​​​​​ធ្លាប់​​​​​​​​​ផលិ​ត​រឿង​ខ្មែរបាន​​​​​​​​​​​​​​​​ប្រកាស​ផ្អាក​​​​​​ឲ្យ​ផលិត​រឿង​ជា​បន្ត​បន្ទាប់ ខណៈដែល​​​ភា​ព​យន្ត​ខ្មែរ​ដែល​​​នៅ​បញ្ចាំង​​​ក៏​​រំកិល​ទៅ​​បញ្ចាំង​នៅ​ម៉ោង​​​​ស្អុយ  ​ដើម្បី​យក​ម៉ោង​​​ល្អ​ប្រជែង​គ្នា​ដាក់​រឿង​ថៃ​​​។ បើ​គ្មាន​​​​​ចំណាត់​ការ​ដំណោះ​ស្រាយ លោក​ថា​១០០% ភាព​យន្ត​ភាគ​ខ្មែរ​​នឹង​​​បាត់​វត្តមាន​ទាំងស្រុង​ពី​កញ្ចក់​ទូរទស្សន៍​ក្នុង​ស្រុក​។ វីអូឌី​មិន​ទាន់​អាច​សុំ​ការ​អត្ថាធិប្បាយ​ពី​រដ្ឋ​មន្រ្តី​ក្រសួង​ព័ត៌មាន លោក ខៀវ កាញារីទ្ធ បាន​នៅ​ឡើយទេ។​ គួរ​រំឭក​ថា កាលពីថ្ងៃទី ២៨ ខែមករា ឆ្នាំ២០០៣ រាជរដ្ឋាភិបាលកម្ពុជាបានសម្រេចផ្អាកការចាក់បញ្ចាំងគ្រប់ខ្សែភាពយន្តថៃ នៅ​គ្រប់ស្ថានីយទូរទស្សន៍ខ្មែរទូទាំងប្រទេសកម្ពុជា បន្ទាប់ពីប្រជាពលរដ្ឋកម្ពុជា ផ្ទុះហិង្សាដុតស្ថានទូតថៃប្រចាំនៅកម្ពុជា ព្រម​ទាំង​វាយកម្ទេចសណ្ឋាគារ និងភោជនីយដ្ឋានមួយចំនួន ដែលមានថៅកែជាជនជាតិ ដោយសារតារា​សម្តែង​ថៃដ៏​មាន​ប្រជាប្រិយភាពម្នាក់ ឈ្មោះ កុបស៊ុបវ៉ា គុនឃុនយីង ហៅផ្កាយព្រឹក និយាយថាប្រាសាទអង្គរវត្តជាកម្ម​សិទ្ធិ​របស់ថៃ។ តែ​ទោះ​ជាយ៉ាងណា នៅអំឡុងចុងឆ្នាំ២០១៣ កន្លងទៅនេះ គេសង្កេតឃើញស្ថានីយ៍ទូរទស្សន៍ប៉ុសិ៍្តលេខ៥ បាន​ចាប់ផ្តើម​ចាក់​បញ្ចាំងខ្សែភាពយន្ដថៃឡើងវិញ៕ សរសេរមកកាន់លោក វង្ស សុម៉ាលីន តាមរយៈvongsomalin@yahoo.com

    [អានបន្ត]

ព័ត៌មានផ្សេងៗ

ព័ត៌មានប្រចាំថ្ងៃ

មើលព័ត៌មានប្រចាំថ្ងៃទាំងអស់
  • បំណុលសាធារណៈ វគ្គ២ បញ្ចប់ (វីដេអូ) ថ្ងៃសុក្រ ទី4 កញ្ញា 2015 | 41 នាទី មុន
  • បំណុលសាធារណៈ វគ្គ១ (វីដេអូ) ថ្ងៃសុក្រ ទី4 កញ្ញា 2015 | 1 ម៉ោង មុន
  • ​រដ្ឋាភិបាល​ប្រកាស​ឈប់​ផ្ទៀងផ្ទាត់​ផែនទី​ទៀតហើយ​​ (វីដេអូ) ថ្ងៃព្រហស្បតិ៍ ទី3 កញ្ញា 2015, 06:31 PM
  • វិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជានឹងជួយបង្កើនបុគ្គលិកជាន់ខ្ពស់ជាជនជាតិខ្មែរ (វីដេអូ) ថ្ងៃព្រហស្បតិ៍ ទី3 កញ្ញា 2015, 05:52 PM
  • លោក សុខ ទូច៖ ខ្ញុំនឹងប្រើប្រាស់ផែនទីរដ្ឋាភិបាលទៅផ្ទៀងផ្ទាត់ផែនដីជាក់ស្តែង (វីដេអូ) ថ្ងៃព្រហស្បតិ៍ ទី3 កញ្ញា 2015, 04:37 PM
  • លោក អ៊ូ ច័ន្ទឬទ្ធិ៖ CNRP សោកស្តាយចំពោះការចោទថាញុះញង់ពលរដ្ឋប្រឆាំងរដ្ឋាភិបាល (វីដេអូ) ថ្ងៃព្រហស្បតិ៍ ទី3 កញ្ញា 2015, 03:57 PM

ព័ត៌មានកីឡា

មើលព័ត៌មានកីឡាទាំងអស់
  • ឃីម ឌី​ម៉ា បាន​ត្រឹម​ស្មើ​កីឡាករ​ថៃ​

    ថ្ងៃចន្ទ ទី24 សីហា 2015, 08:06 AM

    ​ជំនួប​គ្នា​នៅលើ​សង្វៀន​អន្តរជាតិ​កាលពី​ថ្ងៃអាទិត្យ​ទី​២៣ ខែ​សីហា កីឡាករ ឃីម ឌី​ម៉ា ដែល​ជា​ជើង​ខ្លាំង​របស់​កម្ពុជា​បានត្រឹមតែ​ស្មើ​កីឡាករ​ថៃ​ឈ្មោះ Chheng Krai  ប៉ុណ្ណោះ​។ អ្វី​ដែល​គួរឲ្យ​កត់សម្គាល់​គឺ​អ្នក​ទាំង​ពីរ​បើកឆាក​ប្រយុទ្ធ​គ្នា​មិន​សូវ​ទាក់ទាញ​ដូច​ការ​ទន្ទឹង​គិត​នោះ​ទេ នៅលើ​សង្វៀន​ទូរទស្សន៍​អាស៊ីអាគ្នេយ៍​នា​ថ្ងៃនោះ​។​ ​ក្នុង​ការប្រកួត​ដែល​បាន​ធ្វើ​ឡើង​នោះ កីឡាករ ឃីម ឌី​ម៉ា ត្រូវ​គេ​ឃើញ​វាយលុក​ទៅលើ​កីឡាករ​ថៃ Chheng Krai  មិនបាន​ល្អ​ទាល់តែសោះ​ពេញ​រយៈពេល​៥​ទឹក​។ រវាង​អ្នក​ទាំង​ពីរ កីឡាករ​កម្ពុជា​មាន​អ្នក​ជឿជាក់​ពី​សមត្ថភាព​ខ្លាំង​ជាង ដោយសារ​តែ​ភាពជាក់ស្ដែង គ្មាន​អ្នកណា​មិនដឹង​នោះ​ទេ​ថា ឃីម ឌី​ម៉ា គឺជា​ជើង​ខ្លាំង​ក្នុង​ប្រភេទ​ទម្ងន់ ៦៣,៥​គីឡូក្រាម និង​ជា​ជើង​ខ្លាំង​មក​ពី​ក្លិប​រស្មី​ភូមិ​គាប​ខេត្ត​បាត់ដំបង​។ លោក​ក៏​ធ្លាប់​ល្បីល្បាញ​នៅ​ក្នុង​ពិភព​ប្រដាល់​ដាក់​ទ្រុង​លើ​ឆាក​អន្តរជាតិ ធ្វើឲ្យ​មាន​ការទទួលស្គាល់​ពី​សមត្ថភាព​ច្រើន​មកហើយ​ជាមួយ​កីឡាករ​បរទេស​។ អ៊ីចឹង​ហើយ​ទើប​លទ្ធផល​ដែល​បាន​លេចឡើង​កាលពី​ថ្ងៃអាទិត្យ ហាក់​ធ្វើ​ឲ្យ​អ្នកគាំទ្រ​មិន​អស់ចិត្ត​។​

    [អានបន្ត]
  • សេក គឹម​រួន និង​ធី តុង​ហ៊ី លទ្ធផល​ផ្ទុយគ្នា​ថ្ងៃ​ប៉ះ​ថៃ​

    ថ្ងៃចន្ទ ទី17 សីហា 2015, 07:54 AM

    ​ការប្រកួត​ប្រដាល់​អន្តរជាតិ​នៅលើ​សង្វៀន​ទូរទស្សន៍​អាស៊ីអាគ្នេយ៍​កាលពី​ថ្ងៃអាទិត្យ ទី​១៦ ខែ​សីហា ជើង​ខ្លាំង​របស់​កម្ពុជា​២​រូប​គឺ ធី តុង​ហ៊ី និង​សេក គឹម​រួន មិន​មាន​វាសនា​ដូចគ្នា​នោះ​ទេ បើ​ទោះ​ជា​អ្នក​ទាំង​ពីរ​ត្រូវ​គេ​មើលឃើញ​ថា​ជា​ជើង​ខ្លាំង​ដូចគ្នា ដែល​មិន​ពិបាក​ឈ្នះ​ថៃ​។ ប៉ុន្តែ​ចំណុច​ដូចគ្នា​ដែល​គេ​សម្គាល់​ឃើញ​គឺ​អ្នក​ទាំង​ពីរ​ទទួលបាន​លទ្ធផល​វេទនា​ខ្លួន​ដូចគ្នា បើទោះជា​ម្នាក់​បាន​ឈ្នះ​ថៃ និង​ម្នាក់​ទៀត​ត្រូវ​បរាជ័យ​ក្រោម​ដៃ​គូប្រកួត​ទៀត​។​ ​នៅក្នុង​ព្រឹត្តិការណ៍​នេះ មាន​ការកត់សម្គាល់ថា​មានតែ​២​គូ​ប៉ុណ្ណោះ ដែល​មាន​ការប្រកួត​ស្វិតស្វាញ និង​ជក់ចិត្ត​បំផុត​ពី​សំណាក់​អ្នក​ទៅ​ទស្សនា​យ៉ាង​កកកុញ​នៅក្នុង​រង្វង់​ប្រដាល់​។ កីឡាករ​ថៃ​ឈ្មោះ Yort Sing  ដែល​ធ្លាប់​វាយ​ឈ្នះ​កីឡាករ​កម្ពុជា​២​រូប​មក​ហើយ​នៅ​លើ​សង្វៀន​ទូរទស្សន៍​អាស៊ីអាគ្នេយ៍ នៅតែ​បាន​រក្សា​ស្ថិតិ​វាយ​ឈ្នះ​កីឡាករ សេក គឹម​រួន ជា​លើក​ទី​៣​ទៀត​នៅក្នុង​ថ្ងៃនោះ​។ បង្គោល​ក្រហម សេក គឹម​រួន ត្រូវ​គេ​ឃើញ​ប្រឹងប្រែង​វាយ​ប្ដូរ​ដោយ​កែង និង​ម៉ាត់ សម្បើម​ណាស់ គឺ​ស្ទើរ​មិន​មាន​ពេល​ដកដង្ហើម ដើម្បី​ទុក​ពេល​ស្ទាបស្ទង់​នោះទេ ប៉ុន្តែ​លទ្ធផល​នៅ​តែ​ទៅ​មិន​រួច​ជាមួយ​កីឡាករ​បង្គោល​ខៀវ​ថៃ​។​

    [អានបន្ត]
  • ​កីឡាករ​ថៃ​បរាជ័យ​ក្នុង​ការ​ចង់ស៊ី​ឡា​ក់លើ សែន រ៉ាដេត​

    ថ្ងៃចន្ទ ទី10 សីហា 2015, 08:00 AM

    ​ការប្រកួត​ដ៏​ខ្លាំងក្លា​រវាង​កីឡាករ​កម្ពុជា សែន រ៉ាដេត និង​កីឡាករ​ថៃ Sen Thanong ប៊ិះ​នឹង​បញ្ចប់​ក្នុង​ភាពចម្រូងចម្រាស់ ដោយសារតែ​កីឡាករ​បង្គោល​ក្រហម​របស់​កម្ពុជា​ជក់​ថែម​មួយ​ដៃ​ក្នុងពេល​គូប្រកួត​ដួល​លើ​រេ​ញ ហើយ​កីឡាករ​ថៃ​ក៏​ប្រើ​លេស​ ធ្វើ​ពុត​ជា​ក្រោក​មិន​រួច​ដើម្បី​ស៊ី​ឡាក់​។ យ៉ាងណាក៏ដោយ អ្នករៀបចំ​ការប្រកួត​នៅ​តែ​ឲ្យ​ភាគី​កម្ពុជា​ឈ្នះ​ដដែល​ទេ ទើប​ធ្វើឲ្យ​កីឡាក​រថៃ​ខកចិត្ត​។​ ​ការប្រកួត​រវាង​កីឡាករ​ទាំងពីរ ​ត្រូវ​គេ​ឃើញ​កើតឡើង​នូវ​សំឡេង​គាំទ្រ​កងរំពង​នៅលើ​សង្វៀន​ទូរទស្សន៍​អាស៊ីអាគ្នេយ៍​។ នេះ​ជា​ការប្រកួត​អន្តរជាតិ​រាល់​២​សប្ដាហ៍​ម្ដង ដែល​នៅ​រសៀល​ថ្ងៃអាទិត្យ​ទី​៩ ខែ​សីហា​នោះ គឺ​ស្ទើរ​មិន​មាន​កន្លែង​ឲ្យ​អ្នក​ទស្សនាឈរ​គឺ​ត្រូវ​ប្រជ្រៀត​គ្នា​មើល​។ សែន រ៉ដេត ដែល​អ្នក​ក៏​ស្គាល់​ថា​ជា​ប្អូន​បង្កើត​របស់​កីឡាករ​ល្បី សែន រ៉ា​ឌី និង​ជា​សិស្ស​មក​ពី​ក្លិប​អប្សរា​គុន​ខ្មែរ បាន​បើកឆាក​ប្រយុទ្ធ​ដោយ​មិន​ប្រើ​ពេល​ស្ទាបស្ទង់​នោះទេ ទៅលើ​គូប្រកួត​ជា​ជនជាតិ​ថៃ​ឈ្មោះ Sen Thanong ។ ប៉ុន្តែ​បង្គោល​ខៀវ​ក៏​វាយបក​ត្រឡប់​ទៅ​វិញ​មិន​អន់​ដូចគ្នា ទើប​ធ្វើឲ្យ​អ្នកទស្សនា​ជក់ចិត្ត​ដិតអារម្មណ៍​សម្រាប់​ការ​ប៉ះ​គ្នា​លើក​នេះ​។​

    [អានបន្ត]
  • ម្ចាស់ផ្ទះ​កម្ពុជា​អស់សិទ្ធិ​ទៅ​វគ្គ​បន្ត​ក្រោយ​ចាញ់​​ភូមា​

    ថ្ងៃពុធ ទី5 សីហា 2015, 09:41 PM

    ​ក្រុមបាល់ទាត់​ជម្រើសជាតិ​កម្ពុជា​អាយុ​ក្រោម​១៦​ឆ្នាំ (U16) បញ្ចប់​ដំណើរ​របស់​ខ្លួន​ក្នុង​ការប្រកួត​ពានរង្វាន់ AFF BIDC CUP ក្រោយ​ប្រកួត​ចាញ់​ភូមា​។​ ​ការប្រកួត​នៅ​ល្ងាច​ថ្ងៃ​ពុធ ទី​៥ ខែ​សីហា​នេះ ក្រុម​បាល់ទាត់ U16 កម្ពុជា បើកទ្វារ​ពហុ​កីឡដ្ឋាន​ជាតិ​អូឡាំពិក ស្វាគមន៍​ក្រុមបាល់ទាត់​ជម្រើ​ជាតិភូមា​។ ក្នុង​វគ្គ​ទី​១ ក្រុម​ភ្ញៀវ​ភូមា​បាន​ធ្វើ​ការគាបសង្កត់​ទៅ​លើ​ក្រុម​ម្ខាស់ផ្ទះ​កម្ពុជា ដោយ​ក្នុង​វគ្គ​នេះ ភូមា​អាច​រក​គ្រាប់​បាល់​បាន​ចំនួន​ពីរ​គ្រាប់​។​

    [អានបន្ត]
  • U16កម្ពុជាបន្តក្តីស្រម៉ៃ ទោះបានត្រឹមស្មើជាមួយសិង្ហបូរី

    ថ្ងៃចន្ទ ទី3 សីហា 2015, 09:28 PM

    ក្រុមកីឡាបាល់ទាត់ ក្រោមអាយុ១៦ឆ្នាំ(U16)របស់កម្ពុជា នៅតែបន្តក្តីសង្ឃឹមរបស់ខ្លួនក្នុងពានរង្វាន់ AFF BIDC CUP U16 Championship 2015 បើទោះជាបានលទ្ធ​ផលត្រឹមស្មើជាមួយសិង្ហបូរីក៏ដោយ​។ ការប្រកួតក្នុងពូលB នាល្ងាចថ្ងៃចន្ទ ទី៣ ខែសីហានេះ ក្រុមបាល់ទាត់U16របស់កម្ពុជាប៉ះក្រុមបាល់ទាត់U16របស់សិង្ហបូរី នៅពហុកីឡដ្ឋានជាតិអូឡាំពិក​។ សម្រាប់​ការប្រកួតនេះ ក្រុមទាំងពីរមានឱកាសរៀងខ្លួន តែធ្វើមិនបានសម្រេច ដោយចប់ការប្រកួតក្រុមទាំងពីរស្មើគ្នា០ទល់នឹង០។ សូមជម្រាបថា បន្ទាប់ពីប្រកួតស្មើគ្នាជាមួយសិង្ហបូរី គឺកម្ពុជាមាន៤ពិន្ទុ ឈរនៅលំដាប់លេខ៣ តាមពីក្រោយក្រុមលេខ១ក្នុងពូលB គឺអូស្រ្តាលី មាន៩ពិន្ទុ និងក្រុមលេខ២ក្នុងពូលគឺភូមាមាន៦ពិន្ទុ។ សម្រាប់ការប្រកួតចុងក្រោយក្នុងវគ្គចែក​ពូល កម្ពុជានឹងជួបក្រុមបាល់ទាត់ភូមា ថ្ងៃទី៥ ខែសីហា នៅពហុកីឡ​ដ្ឋានជាតិអូឡាំពិក វេលាម៉ោង៦និង៣០នាទីល្ងាច។ សម្រាប់​ការប្រកួតនោះ កម្ពុជាត្រូវការឈ្នះភូមាជាចាំបាច់ដើម្បីបានកៅអីទៅវគ្គពាក់កណ្តាលផ្តាច់ព្រ័ត្រ ខណ:ភូមាចង់ត្រឹមតែស្មើ។ អ្នកចូលរួមទស្សនានៅល្ងាចថ្ងៃចន្ទនេះ មកដល់ពេលនេះ ក្រុម​ដែលមានសិទ្ធិទៅលេងវគ្គពាក់កណ្តាលផ្តាច់ព្រ័ត្រសម្រាប់ពូលB គឺក្រុមអូស្ត្រាលី ទោះបីក្រុមនេះនៅសល់​មួយប្រកួតទៀតជាមួយហ្វីលីពីនក៏ដោយ។ ចំណែកសិង្ហបូរីនិងហ្វីលីពីនជ្រុះចេញពីការប្រកួត ខណ:កម្ពុជានិងភូមា នៅមិនទាន់ដឹងច្បាស់ថាក្រុមណានឹងមានសិទ្ធិទៅលេងវគ្គបន្ត៕

    [អានបន្ត]
  • កីឡាករកម្ពុជានិងថៃ ប្រកួតគ្នាអត់បានលុយ

    ថ្ងៃចន្ទ ទី3 សីហា 2015, 07:50 AM

    ការប្រកួតអន្តរជាតិរវាងកីឡាករកម្ពុជា ឡន លឿប និងកីឡាករថៃThang Nong ដែលមានរហ័ស្សនាមថា គីង្គក់ពិសនោះ ត្រូវបានបញ្ចប់ដោយផ្ទុះភាពចម្រូងចម្រាសបំផុតនៅលើសង្វៀនទូរទស្សន៍អាស៊ីអាគ្នេយ៍។ ទាំងភាគីកម្ពុជានិងថៃ សម្រាប់គូនេះ ក៏មិនត្រូវបានទទួលតម្លៃខ្លួនសូម្បីមួយរៀលខ្មែរ ត្រឡប់ទៅវិញផងដែរ បន្ទាប់ពីរឿងរ៉ាវផ្ទុះឡើងត្រូវរលត់។  ក្នុងចំណោមការប្រកួតអន្តរជាតិ៣គូរបស់ស្ថានីយទូរទស្សន៍អាស៊ីអាគ្នេយ៍ កាលពីព្រឹកថ្ងៃអាទិត្យទី២ ខែសីហា គឺមានតែកីឡាករឡន លឿប និងThang Nongប៉ុណ្ណោះដែលទទួលបានការចាប់អារម្មណ៍ជាងគេ។ នោះគឺដោយសារតែអ្នកទាំងពីរឡើងមកប្រកួតសងសឹក បន្ទាប់ពីលើកមុនThang Nong បានវាយឲ្យភាគីកម្ពុជាចាញ់យ៉ាងអាម៉ាស់។ ប៉ុន្តែផ្ទុយពីការគ្រោងទុក ការប្រកួតសារជាថ្មីរបស់គូនេះបែរជាបង្កឲ្យកើតមានបញ្ហារសេមរសាម។ កីឡាករថៃដែលធ្លាប់តែខ្លាំងត្រូវគេឃើញមិនវាយទាល់តែសោះ ក្នុងពេលដែលកីឡាករឡន លឿប ក៏មិនឆ្មក់ឱកាសផ្ដួលគូប្រកួតឲ្យសន្លប់តាមការចង់បាន ក្នុងពេលកីឡាករថៃត្រូវគេមើលឃើញមិនបញ្ចេញក្បាច់គុន។ នៅទឹកទី៤ កីឡាករថៃត្រូវ២ដងនឹងឈានដល់រាប់មួយលើកចុងក្រោយ នាំឲ្យលោកម៉ាក់ សាមឿន ជាអាជ្ញាកណ្ដាលសុំយោបល់ពីគណៈកម្មការរៀបចំ ដើម្បីបណ្ដេញចុះ។  គណៈកម្មការប្រដាល់មិនប្រកាសលទ្ធផលឲ្យគូនេះឡើយ ក្រោមហេតុផលថាកីឡាករថៃThang Nong ប្រកួតមានបញ្ហា ហើយកីឡាករកម្ពុជាក៏មិនស្ទុះស្ទារស្ដារស្ថានការណ៍។ កីឡាករទាំងពីរក៏មិនតម្រូវឲ្យទទួលលុយ សូម្បីតែសោហ៊ុយធ្វើដំណើរនោះឡើយ ដែលនេះគឺករណីលើកដំបូងមិនធ្លាប់កើតមាននៅលើសង្វៀនទូរទស្សន៍អាស៊ីអាគ្នេយ៍សម្រាប់ការប្រដាល់អន្តរជាតិ។  លោក រាជ សូផែន ប្រធានគណៈកម្មការវិនិច្ឆ័យការប្រដាល់នៅទូរទស្សន៍អាស៊ីអាគ្នេយ៍បានអះអាងថាការប្រកួតគូនេះមិនអាចនឹងផ្ដល់តម្លៃខ្លួនឲ្យបានទេ ដោយសារកីឡាករថៃបានបង្ហាញយ៉ាងច្បាស់ថាមានបញ្ហា ហើយកីឡាករកម្ពុជាក៏មើលទៅដូចជាមិនចង់ផ្ដួលដៃគូ។ លោកនិយាយថា៖”បើគូហ្នឹងមិនធ្លាប់ប្រកួតឲ្យយើងដឹងពីសមត្ថភាពលើកមុន ប្រហែលពិបាកចាប់ថ្នាក់ ប៉ុន្តែលើកមុនគូហ្នឹងវ៉ៃគ្នាដូចធ្វើសង្រ្គាមអញ្ចឹង ដូច្នេះគណៈកម្មការមិនអាចទទួលយកបានទេ!”។ លោកបន្តថាមិនមានហេតុផលណាមួយដែលត្រូវដោះស្រាយពាក់ព័ន្ធនឹងតម្លៃខ្លួនឡើយ  ដើម្បីធ្វើការព្រមានទៅលើសាមីខ្លួននិងគ្រូបង្វឹកឲ្យចេះគ្រប់គ្រងលើករណីនេះ។  លោក ថៃ អ៊ូ អ្នកដឹកនាំកីឡាករថៃមកប្រកួត បានថ្លែងថា កីឡាករThang Nong មិនបានលក់ខ្លួននោះទេ ប៉ុន្តែគេប្រាប់លោកថាគេវ៉ៃឡន លឿប មិនចូល ដោយសារកីឡាករកម្ពុជាកែទម្រង់វាយលុកខុសពីលើកមុន ហើយកីឡាករកម្ពុជាខ្ពស់ជាងផងទើបពិបាកវ៉ៃ។ លោកបានបន្ទោសទៅលើលោកអាជ្ញាកណ្ដាលនិងកីឡាករឡន លឿប ដែលបានបណ្ដោយឲ្យស្ថានការណ៍នេះកើតជាបញ្ហាធំដុំ។ លោក ថៃ អ៊ូ និយាយថា៖ ”ខ្ញុំសួរហើយ Thang Nong អត់មានលក់ទេ ប៉ុន្តែវាវ៉ៃមិនចូលព្រោះឡន លឿបខ្ពស់ជាង ប៉ុន្តែខ្ញុំឆ្ងល់ថាបើអាបស់ខ្ញុំ(Thang Nong) វាអត់វ៉ៃ មិចអាក្រហម(ឡន លឿប) មិចវ៉ៃឲ្យសន្លប់ទៅ ហើយអាជ្ញាកណ្ដាលមិចមិនបញ្ជាឲ្យវ៉ៃគ្នា ឲ្យទាល់តែសន្លប់ម្ខាងៗទៅ បើឃើញអាខៀវអញ្ចឹងហើយ!”។ លោកថានេះជាមេរៀនទីមួយ ចាប់តាំងពីលោកដឹកនាំកីឡាករបរទេសឲ្យមកប្រកួតនៅក្នុងប្រទេសកម្ពុជាច្រើនឆ្នាំមកនេះ។  ឆ្លើយតបនឹងលើកឡើងនេះ លោក ម៉ាក់ សាមឿន ជាអាជ្ញាកណ្ដាលបញ្ជាក់ថាលោកបញ្ជាឲ្យភាគីទាំងពីរវ៉ៃគ្នាអស់បច្ចេកទេសហើយ ប៉ុន្តែមកពីថៃមិនព្រមវ៉ៃ ហើយបង្គោលក្រហមក៏នៅតែញញើតញញើម ទើបលោកសុំយោបល់តម្រូវឲ្យដេញចុះ។ មិនខុសគ្នាដែរ កីឡាករឡន លឿប បានថ្លែងប្រាប់ថាការពិតលោកក៏ចង់វាយសម្រុកលើថៃឲ្យសន្លប់ផងដែរ ប៉ុន្តែមកពីខ្លាចភ្លាត់ស្នៀតនាំឲ្យចាញ់ដូចមុន ទើបចេះតែវាយខ្លះដកថយខ្លះ។ លោកថាខ្លួនមិនជាប់មន្ទិលរឿងលក់ខ្លួននោះទេ ហើយក៏មានអារម្មណ៍សោកស្ដាយណាស់ដែរ ដែលការប្រកួតលើកនេះ មិនអាចទទួលបានកម្រៃ ហើយត្រូវជាប់ក្នុងបញ្ជីខ្មៅរបស់គណៈកម្មការប្រដាល់៕  សរសេរមកកាន់លោក វង្ស សុម៉ាលីន តាមរយៈvongsomalin@yahoo.com

    [អានបន្ត]

ព័ត៌មានផ្សេងៗ

បទយកការណ៍

បទយកការណ៍ផ្សេងទៀត

ព័ត៌មានបែបស៊ើបអង្កេត

ព័ត៌មានបែបស៊ើបអង្កេតផ្សេងទៀត

វិភាគព្រឹត្តិការណ៍

វិភាគព្រឹត្តិការណ៍ផ្សេងទៀត

បទសម្ភាសន៍

បទសម្ភាសន៍ ផ្សេងទៀត
To