ក្រុមអ្នកការពារសិទ្ធិមនុស្សបានជំរុញឲ្យសាកលវិទ្យាល័យនានា ទម្លាក់ចោលរាល់ការស៊ើបអង្កេតនានា ទៅលើក្រុមសាស្ត្រាចារ្យ ដែលរិះគន់ការដឹកនាំរបស់ពួករដ្ឋាភិបាលយោធា។
ក្រុមសមាជិកនៃមហាវិទ្យាល័យ របស់វិទ្យាស្ថានសិក្សាពីសិទ្ធិមនុស្សនិង សន្តិភាពនៃសាកលវិទ្យាល័យ Mahidol បានប្រកាសនៅថ្ងៃសៅរ៍ថា រដ្ឋាភិបាលយោធាបានធ្វើសកម្មភាពម្តងហើយម្តងទៀត ប្រើអំណាចក្នុងការស្រាវជ្រាវរកក្រុមសាស្ត្រាចារ្យដែលតែងតែរិះគន់រដ្ឋាភិបាល ហើយអាចឈានដល់ ការឃាត់ខ្លួន ក្រោមហេតុផលដើម្បីការពារសន្តិសុខ និង សណ្តាប់សង្គម។
រដ្ឋបាលសាកលវិទ្យាល័យបានចេញសេចក្តីថ្លែងការណ៍កាលពី ថ្ងៃអាទិត្យថា សាកលវិទ្យាល័យរបស់រដ្ឋ មិនមែនជាកន្លែងសម្រាប់ឲ្យស្រាវជ្រាវ សាកល្បងពិសោធន៍ទេ ហើយថា សកម្មភាពសាស្ត្រាចារ្យរិះគន់ទាំងនោះត្រូវតែមានការស៊ើបអង្កេត។នេះបើតាម The Jakarta Post។
នាយកប្រចាំតំបន់អាស៊ីនៃអង្គការឃ្លាំមើលសិទ្ធិមនុស្សអន្តរជាតិHuman Right Watch ថ្លែងថា សាកលវិទ្យាល័យ Mahidol កំពុងតែធ្វើសកម្មភាពកខ្វក់ជាមួយរដ្ឋាភិបាលយោធា ដែលដាក់សម្ពាធលើសាស្ត្រាចារ្យក្នុងការបញ្ចេញគំនិតយោបល់។ លោក បន្តថា សាកលវិទ្យាល័យនៅក្នុងប្រទេសថៃ គួរតែបង្ហាញការយកចិត្តទុកដាក់ ការពារលើអ្នកស្រាវជ្រាវ សាស្ត្រាចារ្យ លើសេរីភាពក្នុងការនិយាយស្តី ប្រសើរជាងការដាក់ទណ្ឌកម្មបំបិទសេរីភាពលើបរិវេណសាលានោះ។
