យ៉ាងហោចណាស់មនុស្ស ៥នាក់ បានស្លាប់ និង ១៩នាក់ទៀត បានរងរបួស នៅក្នុងគ្រោះថ្នាក់ចរាចរណ៍នៅទូទាំងប្រទេសកាលពីថ្ងៃម្សិលមិញនេះ ដែលជំរុញឲ្យតួលេខអ្នកស្លាប់ក្នុងខែមីនាកន្លងមកនេះ កើនឡើងចំនួន ១៦៧នាក់។
របាយការណ៍នគរបាលចរាចរណ៍ផ្សាយនៅវេបសាយនគរបាលជាតិ បានឲ្យដឹងថា គ្រោះថ្នាក់ចរាចរណ៍ ១៤ករណី បានកើតឡើងកាលពីថ្ងៃទី៣១ ខែមីនា ដោយបានសម្លាប់មនុស្ស ៥នាក់ និងបណ្ដាលឲ្យមនុស្ស ១៩នាក់រងរបួសធ្ងន់ស្រាល។
របាយការណ៍នោះបានឲ្យដឹងបន្ថែមថា ក្នុងរយៈពេល ៣១ថ្ងៃខែមីនាកន្លងមកនេះ គ្រោះថ្នាក់ចរាចរណ៍ ៣២៦ករណី បានកើតឡើងនៅទូទាំងប្រទេស ដោយបានសម្លាប់មនុស្សដល់ទៅ ១៦៧នាក់ និងបណ្ដាលឲ្យមនុស្ស ៤៧៦នាក់ទៀតរងរបួស៕
