ជនជាតិចិនប្រមាណជិត ៤០នាក់ ត្រូវបានអាជ្ញាធរខេត្តកំពតឃាត់ខ្លួនភ្លាមៗ បន្ទាប់ពីរកឃើញថា ជនជាតិចិនទាំងនោះមករស់នៅដោយខុសច្បាប់។
វេបសាយរបស់អគ្គស្នងការនគរបាលជាតិនៅរសៀលនេះ បានឱ្យដឹងថា ជនជាតិចិនចំនួន ៣៨នាក់ក្នុងនោះមានស្រីចំនួន ១១នាក់ បានលួចមករស់នៅកម្ពុជាដោយខុសច្បាប់ ហើយត្រូវបាន អាជ្ញាធរខេត្តកំពតឃាត់ខ្លួនបាននាព្រឹកថ្ងៃទី ០១ ខែកក្កដានេះ។
អាជ្ញាធរបានធ្វើការឃាត់ខ្លួនជនជាតិចិនខុសច្បាប់ទាំងនោះនៅផ្ទះជួល ២កន្លែងក្នុងស្រុកទឹកឈូ ខេត្តកំពត។
ចំណែកនៅឯខេត្តព្រះសីហនុវិញ សមត្ថកិច្ចបានឃាត់ខ្លួនជនជាតិចិន ៣៦នាក់ បន្ទាប់ពីពួកគេត្រូវបានចោទថា បានប្រើអំពើហឹង្សាទៅលើពលរដ្ឋខ្មែរ ៣នាក់ កាលពីយប់មិញនេះ៕