អគ្គស្នងការនគរបាលជាតិបានដាក់បញ្ជាឲ្យមន្ត្រីថ្នាក់ក្រោមពង្រឹងការ ការពារសន្តិសុខ សណ្តាប់ធ្នាប់សង្គម ដល់រាជធានីខេត្តទេសចរណ៍សំខាន់ៗចំនួន៣ រួមទាំងរាជធានីភ្នំពេញផងដែរ។
អគ្គស្នងការនគរបាលជាតិ លោក នេត សាវឿន បានបញ្ជាឲ្យស្នងការរាជធានីភ្នំពេញ ព្រះសីហនុ និងស្នងការខេត្តសៀមរាប ឲ្យពង្រឹងការ ការពារសន្តិសុខ ជូនប្រជាពលរដ្ឋ និងភ្ញៀវទេសចរ ជាពិសេសភ្ញៀវទេសចរអន្តរជាតិ។ នេះបើតាមអគ្គស្នងការដ្ឋាននគរបាលជាតិចុះផ្សាយនៅថ្ងៃនេះ។
លោក នេត សាវឿន មិនបានលើកឡើងថា ភ្ញៀវទេសចរជាតិ និង អន្តរជាតិនៅរាជធានីខេត្តទាំងបីនោះជួបបញ្ហាអ្វីខ្លះនៅពេលកន្លងទៅនោះទេ។ ប៉ុន្តែកន្លងមកភ្លៀវ ទេសចរជួប បញ្ហាមួយចំនួនដូចជានៅមាត់សមុទ្រលង់ទឹក ជួបបញ្ហាចោរឆក់កាបូប ឬ ប្លន់ជាដើម៕
ហូរ តុងហាន់