អគារសម្រាប់ស្នាក់នៅមួយកន្លែងកណ្តាលទីក្រុងបាងកកប្រទេសថៃ ភ្លើងឆេះ នៅព្រឹកថ្ងៃអង្គការនេះ ដែលរបាយការណ៍បឋមបង្ហាញថា មនុស្ស៣នាក់ស្លាប់និង៣០នាក់ផ្សេងទៀតរបួសហើយត្រូវបញ្ជូនទៅសង្គ្រោះនៅមន្ទីរពេទ្យ។
តាមការចុះផ្សាយរបស់សារព័ត៌មានបាងកកប៉ុស្តិ៍បាន ឲ្យដឹងថា អគារនោះមានកម្ពស់១៤ជាន់ ហើយភ្លើងចាប់ផ្តើមឆេះចេញពីជាន់ទី៥។ នគរបាលបញ្ជាក់ថា នៅក្នុងអគារមានមនុស្ស ច្រើននាក់ទៀតកំពុងតែរស់នៅ។
ក្រុមអ្នកពន្លត់អគ្គីភ័យបញ្ជាក់ថា ពួកគេអាចគ្រប់គ្រងស្ថានភាពភ្លើងឆេះនោះបានហើយ ដើម្បីកុំឲ្យរាលដាលទៅផ្នែកផ្សេងៗទៀត។
នគរបាលមិនទាន់បានបញ្ជាក់ឲ្យបានច្បាស់លាស់ថា តើមានមូលហេតុអ្វីទើបបណ្តាលឲ្យមានភ្លើងឆេះនេះនៅឡើយទេ៕