របាយការណ៍នគរបាលជាតិកម្ពុជា បានឲ្យដឹងថា មនុស្សដល់ទៅ ៣៩នាក់ ត្រូវបានសមត្ថកិច្ចចាប់ខ្លួន នៅក្នុងប្រតិបត្តិការបង្ក្រាបគ្រឿងញៀន កាលពីថ្ងៃម្សិលមិញនេះ។
របាយការណ៍បង្ក្រាបគ្រឿងញៀនដែលផ្សាយនៅលើវេបសាយនគរបាលជាតិ បានឲ្យដឹងថា បទល្មើសគ្រឿងញៀន ១១ករណី ត្រូវបានសមត្ថកិច្ចបង្ក្រាបបាន នៅទូទាំងប្រទេសត្រឹមតែមួយថ្ងៃម្សិលមិញនេះ ដោយឃាត់ខ្លួនមនុស្សដល់ទៅ ៣៩នាក់ ភាគច្រើនជាប់ពាក់ព័ន្ធនឹងការជួញដូរគ្រឿងញៀន។
បទល្មើសគ្រឿងញៀន ត្រូវបានសមត្ថកិច្ចបង្ក្រាបបានជារៀងរាល់ថ្ងៃ ដោយឃាត់ខ្លួនមនុស្សដល់ទៅ ៦៤៩៨នាក់ គិតចាប់តាំងពីដើមខែមករា រហូតដល់ថ្ងៃម្សិលមិញនេះ៕