ប្រធានាធិបតីវ្លាឌីមៀ ពូទីន នៅថ្ងៃពុធម្សិលមិញ បានជំរុញឲ្យមានការស្រាវជ្រាវឲ្យបានច្បាស់ លាស់ករណីការបំពុលចារកម្ម ដែលកំពុងមានជម្លោះប្រឈមមុខដាក់គ្នាខ្លាំងរវាងរដ្ឋអំណាចទីក្រុងងមូស្គូរ និងទីក្រុងឡុងដ៍។
ដោយសារជម្លោះការទូតករណីចោទថា រុស្ស៊ីជាដាក់ថ្នាំបំពុលសម្លាប់ចារកម្មរបស់អង់គ្លេសនោះ បានឈានដល់អង់គ្លេសនិងសម្ព័ន្ធមិត្តផ្សេងទៀត បណ្តេញមន្ត្រីការទូតរបស់រុស្ស៊ីរាប់រយនាក់ចេញពីប្រទេសរបស់ពួកគេ ចំណែករុស្ស៊ីក៏បានដាក់ចេញវិធានការបណ្តេញអ្នកការទូតទាំងនោះចេញពីប្រទេសរបស់ខ្លួនវិញដែរ។ នេះបើតាមទីភ្នាក់ងារព័ត៌មានAFP។
លោកពូទីន ថ្លែងក្រោយពេលជួបជាមួយមេដឹកនាំនៅទីក្រុង Ankaraថា លោកចង់ឲ្យមានការវិនិច្ឆ័យមួយឲ្យបានត្រឹមត្រូវ ដើម្បីកុំឲ្យមានការប៉ះពាល់ដល់ទំនាក់ទំនងអន្តរជាតិរាលដាលបន្តទៀត។
ចំពោះការចោទប្រកាន់នៅពេលកន្លងមកនោះ រុស្ស៊ីតែងតែច្រានចោលម្តងហើយម្តងទៀតថា ខ្លួនមិនពាក់ព័ន្ធករណីបំពុលចារកម្មរបស់អង់គ្លេសនេះទេ។
