ផ្ទុះហិង្សានៅភាគខាងត្បូងហ្វីលីពីនមនុស្សរាប់រយនាក់ជាប់ក្នុងក្រុងម៉ារ៉ាវី

ជនស៊ីវិលរាប់រយនាក់ជាប់នៅក្នុងក្រុងនៅកន្លែងដែលផ្ទុះអាវុធ ជុំវិញទីក្រុងម៉ារ៉ាវី ក្នុងនៅភាគខាងត្បូងនៃប្រទេសហ្វីលីពីន នៅថ្ងៃនេះ។​

អាជ្ញាធរនិយាយថា ពួកគេសង្ឃឹមជនស៊ីវិលប្រមាណ​១០០០នាក់ អាចជម្លៀសចេញពីកន្លែងផ្ទុះហិង្សានោះ ប៉ុន្តែជាក់ស្តែងជម្លៀសបានតែប្រមាណ​១៣០នាក់តែប៉ុណ្ណោះ។​ នេះបើតាមសារព័ត៌មាន​ BBC។​

បទឈប់បាញ់គ្នារវាងកងទ័ពនិងបណ្តាញក្រុមឧទ្ធាម ដែលគេហៅថា ក្រុម IS ត្រូវបានលុបចោលហើយភាគីបានបើកការវាយប្រហារ។ ការបាញ់ប្រហារនៅមួយរយៈចុងក្រោយនេះ បណ្តាលឲ្យមនុស្សប្រមាណ១៧០នាក់ ស្លាប់ ក្នុង ២០នាក់ជាជនស៊ីវិល។​

គេនៅមិនទាន់ដឹងថា តើការបាញ់ប្រហារគ្នានោះបានផ្អាកហើយឬនៅ ខណៈរដ្ឋាភិបាលព្យាយាមចរចាជាមួយក្រុមឧទ្ធាម ដើម្បីផ្អាកការបាញ់គ្នា៕