ប្រជាពលរដ្ឋប្រមាណ៦០០នាក់បានជួបជុំគ្នានៅមុខក្រុមហ៊ុនវៀតណាមមួយកន្លែង ដើម្បីធ្វើការតវ៉ាស្នើសុំឲ្យក្រុមហ៊ុនបើកផ្លូវសម្រាប់ពួកគាត់បានធ្វើដំណើរឆ្លងកាត់ដូចដើមវិញ។
ការតវ៉ានេះធ្វើឡើងនៅមុខក្រុមហ៊ុនវៀតណាមដូទីសាយហ្គនប៊ិនភឿក ស្ថិតនៅភូមិអាលច ឃុំកន្តួត ស្រុកចិត្របូរី ខេត្តក្រចេះ នៅថ្ងៃទី២០ ខែមិថុនា ឆ្នាំ២០១៧។
ពលរដ្ឋម្នាក់លោក រ៉េត គ័ងហុង បានឲ្យដឹងថា ផ្លូវមួយនេះគឺជាផ្លូវតាំងពីបុរាណមកម៉្លេះ ប្រជាជនធ្វើដំណើរចេញចូលបាន ២៤ម៉ោង ក្រោយមកក៏មានក្រុមហ៊ុនវៀតណាមបានមកបង្កើតនិងស្ថាបនាផ្លូវនេះឡើងវិញ។
លោកបន្តទៀតថា បន្ទាប់មកប្រហែលបួនប្រាំខែនេះស្រាប់តែគេបានកំណត់ម៉ោង ៧ព្រឹកអាចចូលបាន ហើយមុនម៉ោង ៧យប់ត្រូវចេញវិញជាដាច់ខាត បើចេញមិនទាន់គេមិនយកយាន្តជំនេះចេញទេ។
លោកបញ្ជាក់ថា៖«ក្រុមហ៊ុននិងវាដាក់ម៉ោងឲ្យយើងចេញចូល ម៉ោង ៧ព្រឹកបានឲ្យចូលម៉ោង ៧យប់បានឲ្យចេញ បើសិនយើងមកក្រោយម៉ោង ៧យប់វាឲ្យទុកសម្ភារះតាឡេថងអី វាឲ្យទុកចោលនៅនឹង»។
ក្រោយការតវ៉ារបស់ប្រជាពលរដ្ឋក៏មានអាជ្ញាធរថ្នាក់ភូមិ ឃុំ ស្រុក ខេត្តបានចុះមកអត្តរាគម និងរកដំណោះស្រាយជូនគួកគាត់ ហើយសន្យាថានិងអនុញាត្តឲ្យប្រជាពលរដ្ឋធ្វើដំណើរចេញចូលដោយសេរីវិញ ប្រជាជនទាំងអស់សារទរចំពោះដំណោះស្រាយនេះ។
ដោយពលរដ្ឋអ្នកសារព័ត៌មានខេត្តពោធិសាត់ លោក ម៉ាប់ ស៊ុយ