ពលរដ្ឋមួយចំនួនដែលរស់នៅក្បែសិប្បកម្មចម្លាក់ថ្មក្នុងឃុំកកោះ ស្រុកសន្ទុក ខេត្តកំពង់ធំ រង ផលប៉ះពាល់សុខភាពដោយការធ្វើចម្លាក់ថ្មរបស់សិប្បកម្មថ្មជាច្រើនកន្លែង។ ក្នុងកិច្ចប្រជុំមួយរបស់អង្គការ គោលនយោបាយនិងការតស៊ូមតិ( API )នៅថ្ងៃទី ១១ខែ កក្ដដា ឆ្នាំ២០១៧ នៅវត្តត្បូងក្រពើ ឃុំ ស្រុកខាងលើ
ពលរដ្ឋម្នាក់ ដែលរស់នៅជិតកន្លែងធ្វើចម្លាក់ថ្ម ដោយសុំមិនបញ្ចេញឈ្មោះ បានរៀបរាប់អំពីផលប៉ះពាល់សុខភាពដោយសារការធ្វើចម្លាក់ថ្មនេះថា《ខ្ញុំមានការលំបាកខ្លាំងរាល់ថ្ងៃ ឃើញតែហុយនិងរំខានដោយសារសម្លេងដាប់និងឆាបថ្មទាំងថ្ងៃទាំងយប់ បង្កឲ្យកើតរោគសើស្បែក និងរលាកផ្លូវដង្ហើម កន្លងមកខ្ញុំបានប្រាប់មេភូមិ មេភូមិថាឲ្យប្រាប់ខ្លួនឯងទៅក្រែងគេខ្លាចព្រោះខ្ញុំប្រាប់ច្រើនដងហើយគេមិនស្តាប់សោះ》។
ដូចគ្នានេះដែរ ប្រជាពលរដ្ឋនៅក្បែរកន្លែងនោះម្នាក់ទៀត លោកកង ធី បាននិយាយថា«កាលណាយើងប្រាប់គេទៅហាក់ដូចជាយើងមិនចង់ឲ្យគេរកស៊ី ព្រោះអ្នកភូមិសំណាក ក្នុងឃុំ
កកោះគ្នារកស៊ីតែមុខរបរហ្នឹង» ។
ទាក់ទងនិងរឿងនេះ អនុភូមិសំណាក លោក យន់ សំអឿន បានអោយដឹងថា គាត់ធ្លាប់ដាក់សំណើរហ្នឹងទៅក្រុមប្រឹក្សាឃុំកកោះដែរ ប៉ុន្តែពុំមានការឆ្លើយតបសោះ ។
សំណូមរបស់ប្រជាពលរដ្ឋ សូមឲ្យអាជ្ញាធរជួយឲ្យសិប្បករចម្លាក់ថ្ម រកទីតាំងកន្លែងណាដែលផុតពីទីប្រជុំជន ដើម្បីសុខមាលភាពប្រជាពលរដ្ឋទាំងអស់គ្នា ។
រាយការណ៍ដោយពលរដ្ឋអ្នសារពត៌មាន ខេត្តកំពង់ធំ លោក ជឿម វឿន
