រដ្ឋមន្ត្រីការពារជាតិថ្មីក្នុងអាណត្តិរបស់រដ្ឋការលោក ត្រាំ ថ្លែងនៅថ្ងៃពុធថា អាមេរិកនៅតែបន្តផ្តល់ប្រយោជន៍ដល់បណ្តាប្រទេសនៅតំបន់អាស៊ីប៉ាស៊ីហ្វិក តាមការសហការធ្វើការជាមួយគ្នា ដើម្បីសន្តិសុខសណ្តាប់ធ្នាប់។
លោក Ash Carter រដ្ឋមន្ត្រីការពារជាតិថ្មីរបស់អាមេរិកក៏បានអំពាវនាវឲ្យប្រទេសសម្ព័ន្ធមិត្តទាំងអស់ សហការជាមួយអាមេរិកបន្ថែមទៀត ដើម្បីរក្សាស្ថិរភាពនិងការអភិវឌ្ឍ។ នេះបើតាមទីភ្នាក់ងារសារព័ត៌មានរ៉យទ័រ។
រដ្ឋការជិតផុតអាណត្តិរបស់លោក បារ៉ាក់ អូបាម៉ា បានកំណត់យកការទំនាក់ទំនងជាមួយសម្ព័ន្ធភាពនៅអាស៊ីប៉ាស៊ីហ្វិកគឺជាចំណុចអាទិភាព។ ចំណែកលោក ត្រាំ នៅតែដាក់គោលដៅសំខាន់ក្នុងទំនាក់ទំនងជាមួយបណ្តាប្រទេសនៅអាស៊ីប៉ាស៊ីភិច ប៉ុន្តែគោលដៅសំខាន់គឺជំរុញសម្ព័ន្ធមិត្ត ឆ្ពោះទៅរកភាពអស្ចារ្យដូចជា ធ្វើឲ្យជប៉ុន និងកូរ៉េខាងត្បូងកាន់តែមានរឹងមាំខ្លាំងក្នុងការការពារបូរណភាពទឹកដីរបស់ពួកគេ។
លោក Carter ថ្លែងថា អាមេរិកមានផលប្រយោជន៍សំខាន់នៅក្នុងតំបន់នេះ ក្នុងការសហការជាមួយជប៉ុន។ លោកក៏បានបញ្ជាក់ពីគម្រោងផែនការក្នុងការពង្រឹងសមត្ថភាពបន្ថែមដល់ប្រទេសសម្ព័នមិត្ត៕
