អ្នកតវ៉ាដែលកាន់សាសនាព្រះពុទ្ធ ប្រមូលផ្តុំនៅកំពង់ផែយង់ហ្គោននៃប្រទេសមីយ៉ាន់ម៉ានៅថ្ងៃព្រហស្បតិ៍នេះ គឺប្រឆាំងនាវាម៉ាឡេស៊ី ដែលដឹកជំនួយ ដើម្បីផ្គត់ផ្គង់ដល់ជនភៀសខ្លួន រ៉ូហ៊ីងយ៉ាងរាប់ពាន់នាក់កាន់សាសនា ឥស្លាម ដែលកំពង់ជម្លៀសចេញពីការបង្ក្រាបរបស់ពួកយោធា។
ព្រះសង្ឃកាន់ពុទ្ធសាសនា រាប់សិបអង្គ និង ពលរដ្ឋអ្នកកាន់ពុទ្ធសាសនាផ្សេងទៀត បានគ្រវីទង់ជាតិ នឹងស្រែកថា មិនត្រូវឲ្យមានជនជាតិភាគតិចរ៉ូហ៊ីងយ៉ា គឺពួកគេប្រមូលផ្តុំនៅកំពង់ផែ Thilawa រង់ចាំរារាំងនាវាមកដល់។ នេះបើតាមទីភ្នាក់ងារសារព័ត៌មានAFP។
ជនជាតិភាគតិចរ៉ូហ៊ីងយ៉ាង រាប់រយនាក់ ត្រូវបានពួកយោធាសម្លាប់ ក្នុងរយៈពេល៤ខែមកនេះ ដែលសកម្មភាពនេះ ត្រូវបានអង្គការសហប្រជាជាតិចាត់ទុកថាជាការសម្លាប់បំផុតពូជជនជាតិដើម។ ចំណែកជនជាតិរ៉ូហ៊ីងយ៉ា រាប់ម៉ីននាក់ផ្សេងទៀត បានរត់គេចទៅ បង់ក្លាដេសគេចចេញពីការសម្លាប់ ធ្វើទារុណកម្ម និងរំលោភផ្លូវភេទ៕
